Mobile device - Print - Bottom

Previous Chapter -- Next Chapter

13. Yin afuwa tsakanin 'yan'uwa wajibi ne

---

21 Bitrus ya zo ya ce masa, ‘Ya Ubangiji, sau nawa ɗan’uwana zai yi mini zunubi in gafarta masa? Har sau bakwai?’ 22 Yesu ya ce masa, “Ba zan ce maka har sau bakwai ba, sai dai har sau saba'in. 23 Saboda haka za a iya kwatanta Mulkin Sama da wani sarki da yake so ya yi lissafi da bayinsa. 24 Da ya fara daidaita su, aka kawo masa wani wanda yake bi bashi talanti dubu goma. 25 Amma da yake bai sami abin ramawa ba, sai ubangijinsa ya umarta a sayar da shi, da matarsa, da 'ya'yansa, da dukan abin da yake da shi, a biya. 26 Sai bawan ya fāɗi, ya yi masa sujada, ya ce, ‘Ka yi haƙuri da ni, ni kuwa zan biya maka kome da kome.’ 27 Sai Ubangijin bawan ya ji tausayinsa, ya sake shi, ya gafarta masa bashin. 28 Amma bawan ya fita ya sami ɗaya daga cikin bayinsa wanda yake bi bashi dinari ɗari. Sai ya kama shi, ya shake shi, yana cewa, ‘Ka biya bashin da kake bi.’ 29 Sai bawansa ya fadi ya roƙe shi ya ce, ‘Ka yi haƙuri da ni, ni kuwa in biya ka. 30 Amma bai yarda ba, amma ya je ya jefa shi kurkuku har sai ya biya bashin. 31 Da ’yan’uwansa bayi suka ga abin da ya faru, suka yi baƙin ciki ƙwarai, suka zo suka faɗa wa ubangijinsu dukan abin da ya faru. 32 Sai ubangijinsa ya kirawo shi, ya ce masa, ‘Kai mugun bawa, na yafe maka dukan bashin nan domin ka roƙe ni. 33 Ashe, ba za ka yi ma ɗan’uwanka jinƙai ba, kamar yadda na ji maka?’ 34 Ubangijinsa kuma ya husata, ya bashe shi ga masu azabtarwa, har ya biya dukan abin da ake binsa. 35 Haka kuma Ubana na sama za ya yi muku, idan kowannenku ba ya gafarta wa ɗan’uwansa daga zuciyarku ba.” (Matiyu 18:21-35).

Mobile device - Print - Top