Mobile device - Print - Bottom

Previous Chapter -- Next Chapter

32. Masalkii Arooskii Boqortooyadii

---

“2 Boqortooyada jannada waxaa lala simi karaa boqor wiilkiisa aroos u dhigay. 3 Addoommadiisii ayuu u diray inay u yeedhaan kuwii arooska loogu yeedhay, laakiin ma ay doonaynin inay yimaadaan. 4 Haddana addoommo kale ayuu diray oo wuxuu ku yidhi, Kuwii loo yeedhay waxaad ku tidhaahdaan, Bal eega, cashadaydii waan diyaariyey; dibidaydii iyo xoolihiiygii cayilan waa la qalay oo wax walba waa diyaar; ii kaalaya arooskii. 5 Laakiin dheg uma ay dhigin oo waxay tageen mid beertiisii aaday, midna ganacsigiisii, 6 Nastaa addoommadiisii buu qabtay, oo si xun bay u dhufteen oo dileen. 7 Markaasaa boqorkii cadhooday, oo askartiisii buu u diray, oo wuu baabbi'iyey gacankudhiiglayaashaas, magaaladoodiina wuu gubay. 8 Markaasuu addoommadiisii ku yidhi, Arooskii waa diyaar, kuwii loo yeedhayse ma ay istaahilin. 9 Haddaba taga jidadka waaweyn, oo in alla intii aad halkaas ka heshaan, arooska ugu yeedh. 10 Addoommada ayaa jidadka u soo baxay, oo waxay soo ururiyeen wixii ay heleen oo dhan, shar iyo wanaagba; waxaana hoolka arooska soo buux dhaafiyay marti sharaf. 11 Laakiin boqorkii kolkuu u soo galay inuu dadkii cashada ahaa fiiriyo, wuxuu meeshaas ku arkay nin aan dharkii aroos xidhnayn, 12 oo wuxuu ku yidhi, Saaxiibow, sidee baad halkan u soo gashay adigoo aan dharkii arooska qabin? 13 Markaasaa boqorkii wuxuu midiidinyadii ku yidhi, Lugaha iyo gacmaha ka xidha, oo gudcurka dibadda ah ku tuura; Meeshaas waxaa jiri doonta baroor iyo ilko jirriqsi. 14 Waayo, qaar badan baa loo yeedhay, laakiin kuwo yar baa la doortay.” (Matayos 22:2-14)

Mobile device - Print - Top