Dan - 01. Conversation - Booklet 7: The Stumbling Block of The Cross Explained to Muslims

This page in HTML4 - Print - Bottom

Home -- Dan -- 01. Conversation -- 7 The Cross

01. ‘zɔn ö =gban “Klisi –bha –a –dhiang –zë mëng’ –nu –dhɛ -sü

7 - -DƆDHÜBHASÜ ‘Ö ‘‘MƆƆSËËBHOMƐ –NU –TAMUUNBHO –A ‘GÜPÖ -A –NU –DHƐ –SÜ

-kɔ -mɛɛ =në ‘kwa dho Jesu –dɔbhadhü ‘gü pö- ‘ka waa- ‘klɔɔ =dede ‘dhö ‘‘mɔɔsëëmɛ -nu –dhɛ ?

The third and last main dogmatic hindrance for a Muslim in becoming a Christian is their belief that Christ was not really killed but that it only looked as though he was crucified. How is it possible to share the Gospel of the crucified Son of God with a Muslim in spite of this counter-belief? Find out by reading our suggestions as to how this is possible on the basis of the Old Testament, the New Testament, rational thinking, the Koran and your personal testimony.

7.01 -- Title

7.02 -- Klisi –bha gasü ‘ö -kë ‘‘saa- ‘ka bha ‘‘mɔɔsëë –bha –kɔ ‘kasü

7.03 -- ‘Plüübhodhe ‘Ö -Gban Mɛdhamɛ –Bha Gasü ‘Ö -Kë ‘‘Saapë ‘Ka –Ne ;;Ngkwëë Zii ‘Gü -A -Bha

7.04 -- Yesu Klisi –Bha –Dɔ ‘‘Dhübhasü ‘Ö -Nëngkwëë -Dɛɛ ‘Sëëdhɛ ‘Gü

7.05 -- ‘Wɔn –Gɛn –Dewɔndhiʋ̈sü –Nu ‘Wo- -Zɔn =Dhɛ Yesu ‘Yö -Dɔ ‘‘Dhü -Bha

7.06 -- -Wokpö -Nu ‘Wo –Kwlana ‘Gü ‘Ö ‘Wo- -Zɔn =Dhɛ Yesu –Bha Gasü Bha –Zotagüwɔn –Zian ‘Yaa –Mü

7.07 -- –Gasitɛ –Dewɔndhiʋ̈sü ‘Ö ‘Wɔnyaadɔsü ‘Ka

7.08 -- Zlan –Bha ‘‘Bhlaanë

7.09 -- =Gbɛkiëdhɛ ‘Ö- Zü -Yö -Gban –Bɔwɔngüsü -Ta

7.10 -- DHƐƐKPƆ -NU

7.01 -- -Dɔdhübhasü ‘ö ‘‘mɔɔsëëbhomɛ –Nu –Tamuunbho –A ‘güpö -A –Nu –Dhɛ –Sü

-kɔ -mɛɛ =në ‘kwa dho Jesu –dɔbhadhü ‘gü pö- ‘ka waa- ‘klɔɔ =dede ‘dhö ‘‘mɔɔsëëmɛ -nu –dhɛ ?

7.02 -- Klisi –bha gasü ‘ö -kë ‘‘saa- ‘ka bha ‘‘mɔɔsëë –bha –kɔ ‘kasü

‘Mɛ ‘ö dhiang ‘ö -gban Yesu –bha waa- -bha dhasü ‘ö- nu –a dhiang zë ‘‘mɔɔsëëbhomɛ -dhɛ -dhö, -a –bha dhiang zë -sü ‘gü, -dho –wo –dhɛ ‘bha ‘gü ‘ö ‘‘mɔɔsëëbhomɛ ‘‘dhi ta, ‘‘kɛɛ ‘ö zun ‘‘yʋ̈ʋ̈tosü -bha ö -bɛn =wlöö. –A dhɛɛ‘‘ ‘‘yʋ̈ʋ̈ bha- -gɛn ‘ka, -yö -dho =mɔɔ- ‘ö- pö:

● –Bɔ Yesu ‘kamɛ ‘ka ya, ka –ziö ‘wɔn ‘ö- -gɔ ‘aa ‘dhö =keng-! ‘‘wlaawɔn ‘‘dhiʋ̈sü sië ka ‘ka! (-Klwana al-Fâtiha 1:7) ‘wii Madhi Gbö zë, ‘yii ga ‘‘dhü ‘bha –bha (-Kwlana al-Nisâ’ 4:157) ‘‘kɛɛ Atanna –ya ‘sü =në- wo (-Kwlana l ‘Imrân 3:55; al-Nisâ’ 4:158). –A –bha –dɔdhübhasü ‘yii kë -dhɛ ‘bha ‘gü.

● ‘Mɔɔsëëbhomɛ -nu ‘bha –nu –wa –pö =dhɛ Ala –yö kpenggdhö. –Yö Klisi –dha ‘‘klʋbhɔdhe ‘ö -dɔdhübhasü ‘gü bha- -gɔ. –Yö -dhi –a –dhɛ, kö Zuda ‘ö -kë =flükëmɛ ‘ka bha, -yö dɔ ‘‘dhü -bha (-Kwlana al-Nisâ’ 4:157). =Dɛɛ ‘‘mɔɔsëëbhomɛ -nu –wo ‘dhangbhosü ‘ka- tɛawɔn bha- ‘‘dhiʋ̈.

● ‘Mɛ ‘ö ‘wɔn ‘ö -gban Klisi –bha –dɔdhübhasü -bha bha- ‘klɔɔ- =dede =mɔɔ -Kwlana ‘gü, -yö -a –dhɛyö =dhɛ pë ‘kö bha –yö ‘wɔnkaankwëësü ‘ö =suawɔn ‘ka =në- ‘ka: Mɛ ‘bha –mɛ ‘bhaa =mɔɔ- -bha kö -yö ga mɛ ‘bha –bha ‘wɔn yaa –wɔn ‘gü Ala –bha Za –kuudhiʋ̈ (-Kwlana al-An’âm 6:154; al-Isrâ' 17:15; Fâtir 35:18; al-Zummar 39:3; al-Najm 53:38) Yö -mü =dhɛ mɛ ‘dhɛ ‘dhö -yö -bhɛɛ ö -de –wɔn ‘gü ‘‘Slʋ̈ʋ̈slʋ̈ʋ̈dë -kuudhiʋ̈. Pë ‘bhaa =mɔɔ- -bha ‘kö -yö ö -de nu –dhɛ bha- ‘gü.

● –A –yiisiö -naa ‘ö Klisi –bha –dɔdhübhasü -da zaɔdhe ‘gü -Kwlana ‘gü bha yö -mü =dhɛ: Ala –mawɔn ‘yaa –dɔ ö =zinggümɛ -bha, ‘‘iin ‘‘saa- ‘ö =yɔɔn ‘ka, bhlaanë ‘‘iin mɛ -bha ‘wɔn yaa –mawɔntosü -bɔtapë. –A =kɔ -mɔɔ ‘wɔn =gban –bha, mɛ ‘dhɛ -dhidhɛ ‘yö- -mɛ -mawɔnto ‘yö mɛ ‘dhɛ -dhidhɛ ‘pö ‘yö- -mɛ -kë =dhɛngmɛ ‘ka (-Kwlana al-An'âm 6:39; al-Ra'd 13:27; Ibrahîm 14:4; al-Nahl 16:93; Fâtir 35:8; al-Muddaththir 74:31). =Ya kë =dhɛ Ala =ya mɛ -da ‘wɔn yaa ‘gü, kö Ala –yö mɛ -da pë ‘‘dhiʋ̈ kö- -takunmɛ ‘yaa ‘dhö ‘zü (-Kwlana al-Nisâ' 4:88; al-A'râf 7:178,186; al-Ra'd 13:33; al-Isrâ' 17:97; al-Kahf 18:7; al-Zumar 39:23,36; Ghâfir 40:33; al-Shoura 42:44,46).

● –A ‘‘sɔɔdhu –naa, -yö -zotagüwɔn ‘ö mɛ ‘bha –nu ‘wo –deta ‘wo- -kë, ‘ö ‘wo –kë Yesu –bha gasü ‘ö ‘‘saa ‘ka bha –a –wɔn zaɔ -sü ‘ka bha –a –nu –dhɛgadhɛ ‘ka. ‘‘Mɔɔsëëbhomɛ ‘gbɛ =dede –wa –ga =dhɛ wo –mɔɔ -bha ‘wo wo –de –bha ‘wɔn yaa –nu bho wo –de –bha wo këwɔn –së -nu ‘ka –ang –de faan ‘ka (Kwlana Houd 11:114). –Yö -kë -nu ‘gü =dhɛ -a –naa ‘tɔng- ‘ö ‘wo- sadhia (charia) –kë bha –a =bhlëëyasü -dho –a –nu dha; ‘yö -zota =dhɛ -a –nu –mawɔn ‘yaa mɛtadhiangzëmɛ ‘‘iin ‘zü -dɔbhasü -bha. ‘‘Mɔɔsëë -bha –Zotakɔ bha –a –gɛn –yö -go Fadhiziɛn –nu ‘wo –kë ‘Zufö -nu ‘ka bha- -nu ‘gü.

● ‘‘Mɔɔsëëbhomɛ -nu –bha zadɔmɛ -wa –pö =dhɛ Atanna ‘ö ‘wɔn =gban dɔ bha –yö -to ‘‘dhiʋ̈ ‘yö mɛ ‘dhɛ ‘dhö –bha –tosɛa ‘‘dhiʋ̈tokɔ =baa, -a –mɛ ‘dhö -tun =kö -a dhe ‘‘gudhö ‘kö ‘pë Ala –ya –ya dɔ- -mɛ kɔɔ- -a –bho ‘‘glʋʋdhɛ ‘yaa- -bha. Pë ‘bhaa mɛ ‘bha ‘‘dhiʋ̈ =slɔɔ kö ‘yii kë -a ‘dhɛ -yasüka ‘sëëdhɛ -be ‘kpii- ‘ö dhanggü bha- ‘gü. A –mawɔn ‘yaa mɛ ‘bha –bha kö -yö dɔ ‘‘dhü -bha ‘‘iin kö -yö ga mɛ ‘bha –wɔn ‘gü.

● ‘‘Mɔɔsëëbhomɛ ‘kpiidhɛ =dede ‘‘tʋ̈ng ‘yaa dhiang suu –dhɛ ‘kö bha- ‘gü. –A =gban ‘gü, -a –nu wɔ -kɔ -ya –zɔn =dhɛ -a –nu –wo –yö ‘wɔnkëkɔ bha- ‘gü go ‘‘mɔɔsɛ ‘gü, ‘ö zun –zianwo Klisi –dɔbhadhü -da bhaagüsü -bha ‘‘mɔɔ- -nu –bha wɔkɔ ‘gü. ‘Yö =kë- -nu ‘gü =dhɛ -gabhadhü bha –bɔtapë ‘ö ‘wo- -kë ‘‘dhʋ̈ kö -yö kë mɛ -gɔlokwëëpë ‘ka kö -wo ‘‘mɔɔsɛ -nu ‘gü see- ‘ka yö -mü.

Kwa –bho ‘‘gangü -Dë bha –a –gabhadhü -san –bha –nu kësü bha –a –gɛn –yö -go –a =gban –klaakwëësü ‘gü, ‘ö -zotagüwɔn ‘bhaa =mɔɔ- -bha ‘kö -ya bho ‘‘gblʋʋ. –A kësü kö ‘kwa- pö =dhɛ ‘kwa –gabhadhü ‘klɔɔ- pö kwa –bha ‘wɔndɔdhe ‘ka bha ‘yii ‘dho mɛ -nu –takun ‘gbɛ. Kwa –dho bhɛɛ‘‘ –nu –wɔn ‘gü, kö -wo tɛawɔn dɔ kö -wo ‘dhang- bho- ‘‘dhiʋ̈. Zuu ‘ö ‘ö ‘yaa ‘dhang- bho bha- -dhɛ -ya –bha kö -a ‘‘piʋ̈ -yö kë Yesu ‘tɔ ‘gü waa Atanna –bha –dhɔ ‘gü!

=ya kë =dhɛ ‘kwa –dhɛga –a –nu –bha –dɔdhübhasü -zuö -kɔkëëtasü ‘ö =suakëkësü waa –bhadhiyasü ‘ö ‘wo =lookota Yesu –sandhiʋ̈ bha- -ga, kwa ‘gü -dho ga ‘ö kwa –gbiö -yɔɔ dhasü -dhiangzësü ‘ka ‘‘mɔɔsëëbhomɛ -nu –dhɛ. –A –kë ‘‘dhʋ̈ -sü ‘gü, mɛ ‘‘ʋʋ mɛ ‘ö ‘‘plüün ’ö -Nëngkwëë Zii ‘gü ‘gü bha- dɔ -zë wo =dhɛ dhasü ‘ö -zuugü bha –a –pëkësü -mü bha, -a mɛ -gbɛ ‘yaa ga tɛanwɔn –nu ‘ö ‘wo –Nëngkwëë -Dee ‘gü bha- ‘ka =dhɛ, -yö ‘wɔn –gɛngodhɛ =dede‘ö zɛɛn bho mɛ ‘ka –dɔdhübhasü ‘gümasü -gɔ ‘‘dhiyanwo –nu ‘wo –Kwlana ‘gü ‘ö ‘wo –piʋtasüka bha- ‘gü, kö mɛ -nu –wo =gbɛkiëdhɛ kë =dhɛ -kɔ ‘ö Pɔdhö -ya –kë- ‘ka ‘dhangbhodhiʋ̈ waa –zogbansü ‘ka –a ‘dhö.

"=Dhɛ ‘kö za =ya ‘go kwa –bha –zoyödhe ‘gü, kö ‘flëëbhodhe –yö yi –gɔ Atanna ‘gü -bɔ Yesu Klisi" –tasü ‘gü (‘Wlɔmö 5:1)

Ces Tɛanwɔn –gɔ ‘‘sɔɔdhu ‘kö bha faan –ya –nu –bha ‘ö =ziö- ‘ka ‘‘mɔɔsëëbhomɛ -nu –bha –kɔsü ‘ö ‘wɔnsë ‘ka –a ‘‘sɔplɛ -ta. –Kwa kwa –wodhiʋ̈ wlüü bhɛɛsü ‘ka Klisi –bha -toagbɩɩkasü ‘ö -dɔbhadhü ‘‘mɔɔsëë -todhʋ̈sü -ta ‘‘kpʋngtaa.

7.03 -- ‘Plüübhodhe ‘Ö -Gban Mɛdhamɛ –Bha Gasü ‘Ö -Kë ‘‘Saapë ‘Ka –Ne ;;Ngkwëë Zii ‘Gü -A -Bha

‘‘Mɔɔsëëbhomɛ ‘gbɛ =dede –wo ‘dhang- –bho ‘‘dhiʋ̈ =dhɛ ‘wɔn =gban zudɔdhɛ -yö -dhö. ,Mɛ ‘ö dho =mɔɔ- -bha kö -ya -ɔn =dhɛ Mɛdhamɛ ‘ö- ‘‘plüün ’dhö bhosü ‘ka bha –yö kë -ga ‘‘dhü -bha ‘tɔng- ‘sëëdhɛ ‘gü, ‘‘Tan ‘sëëdhɛ -nu waa –Wodhiʋ̈loomɛ -nu –bha ‘sëëdhɛ -nu, ‘ö -gban –a ‘güwɔn kësü -bha Klisi –bha –tosɛa ‘gü bha, -yö -dho =mɔɔ- -bha ‘ö ‘‘mɔɔsëëbhomɛ -nu -takun ‘ö ‘wo- dɔ =dhɛ Yesu –yö -ga ‘‘dhü -bha. –A –dhɛ -bha kö ‘kwa ‘‘plüünbhowo 333 ‘ö -Nëngkwëë Zii ‘gü bha –a ‘güwɔn kësü ‘ö -Nëngkwëë -Dee ‘gü bha –ya këdhɛ kë kwa –gɔ kö ‘kwa ‘‘mɔɔsëëbhomɛ -nu –zoyodhɛ =dede dɔ. Yesu yöö =dede –yö -to –a ‘‘gbɩɩ- ‘ka –Sɔtran –ta waa –a –bha =klang –bha zuë‘‘ ‘zëzëbhansü -ta –a –wo ‘ka: "-Yö -bɛnzësü ‘ka!" (Matiö4:4,6-7; Dhukö 18:31; 21:22; 24:26; Zan 5:46 waa- ‘bha -nu).

Moizö -yö =mlɛɛ ‘‘dhiʋ̈ -wlüü
Yesu –yö ö -bha gasü ‘ö ‘‘dhü -bha bha ‘wɔn ‘ö- =taama –a ‘klɔɔ- =dede ‘gü -pö Nikodɛmö ‘ö -kë Zufö -nu –bha –yakwëkëdhɛ ‘wo-(Sanhédrin) –kë bha- ‘gümɛ ‘ka bha- mɛ do ‘ka, ‘ö -suʋ̈ Zlangɔsü gun- -gɔ, -zoyö ‘tɔng- ‘sëëdhɛ ‘gü -sü ‘gü (Pentateuque): " =Dhɛ -kɔ ‘ö Moizö -yö =mlɛɛ ‘‘dhiʋ̈ =wlüü- ‘ka ‘‘yɛɛn =taa bha, -a –dhɛa –bha kö Mɛ Gbö -depö -yö -dhö wlüü‘‘ =dhɛ -kɔ bha- ‘dhö kë ‘‘dhʋ̈ kö mɛ ‘‘ʋʋ mɛ ‘ö dhö ‘dhang- bho- ‘‘dhiʋ̈ kö dhasü ‘ö ‘yaa yën –yö kë- -mɛ -gɔ." (Zan 3:14,15)

‘Kwɛzlan ‘ö ya- ‘gü Moizö -yö kë =mlɛɛ -dɔ ‘‘dhü -bha =dhɛ -kɔ ‘ö Atanna –ya pö- ‘ka –a ‘dhö. Mɛ ‘dhɛ ‘ö ‘wɔn –yö zë- -gɔ ‘ö =mlɛɛ bha –ya kun ‘ö ö ‘‘yandhiʋ̈ =wlüü ‘ö =mlɛɛ ‘‘blɛɛn- bha- -ga –yö -to ‘‘siabha ‘ö -dha =mlɛɛ bhaa ‘‘yi –gɔ.

‘Më -kë ‘yö Yesu –yö -zɔn =mlɛɛ ‘ö -kë ‘ö -kë pë yaa –zɔnka =dede ‘ka bha- ‘ka =dhɛ -kɔ ‘ö- ‘ka (Genɛzö 3:1-5) –a ‘gü? –A –bha –dhɔ bha- ‘gü, Yesu –yö ‘wɔnyaakëmɛ -nu –bha ‘wɔnyaa –nu –ya ö -bha, kö yözë -yö kë =dhɛ ‘wɔnyaa ‘dhö, ‘‘kɛɛ kö -yö ‘‘slʋ̈ʋ̈slʋ̈ʋ̈ ‘sa, ‘yö Pɔdhö -ya pö ö -bha ‘sëëdhɛ ‘gü kodhɛngtö -mɛ -nu –dhɛ: " Mɛ ‘ö ‘yii –zuö ‘wɔnyaa -bha do, -ya –kë ‘wɔnyaa ‘ka kwa –dhɛ, kö ‘kwa bɔ- -ta kö za –yö ‘go kwa –bha Atanna –bhaa ‘ka" (2 Kodhɛngtö 5:21).

Yesu –yö kɔngga –gban –ta =dhɛ ‘mɛ -nu ‘kö -Sɔtran –yö ‘‘kpʋ̈ng –kë -nu -gɔ kö- -nu –bha dhadhe ‘bhaa ‘dhö ‘zü, kö ‘yii kë yö -zë -a –bha gasü ‘ka –a –mɛ -wɔn ‘gü.-Yö -wɩ -a –bha kö -yö ga ‘wɔnyaakëmɛ -nu –bha –wɔn ‘gü -a –nu ‘‘gblʋʋ ‘gü.

Yesu: ‘pakö ‘‘bhlaanë
Kwa Dëmɛ -yö -kë ‘pakö =niidadhe –kë ‘ö -bha =klang –nu ‘‘piʋ̈ këdhʋ̈ kö -ya –zɔn ö -bha =klang –nu –dhɛ =dhɛ yöö =dede =në ‘ö ‘pakö ‘‘bhlaanë ‘ö Zlan –ya nu –a ‘ka. ‘Yö- ‘gü -dhiang zë -a –bha =klang –nu –dhɛ -bhöpë -bhö -dhɛ ‘gü =dhɛ ‘‘plüünbhowo ‘güwɔn –dhö kë ö -bha gasü dosɛng =në- -ta (Matiö 26:26).

● =Dhɛ -kɔ ‘ö ‘‘bhlaanë -blɛɛsü ‘ö -kë ‘‘saapë ‘ka bha –a ‘klɔɔ- ‘dhö pö- ‘ka kö -a =yɔɔn =ya =wɛng –a ‘dhö, Israɛdhö -mɛ =gban –bha ‘‘kwɛɛ -bha Ezitö, kö Atanna –bha zuë‘‘ –da ‘‘dhuusü -yö ziö mɛ -nu –ta bha, -kɔ do bha- ‘gü ‘mɛ ‘ö waa ö -bha ‘kɔɔmɛ ‘wo –da Klisi =yɔɔn bha- -kɔ =wlöö -yö -dho dha Atanna –bha za waa ‘wɔnsiödhɛsü -gɔ -a –kuudhiʋ̈. ‘‘Mɔɔsëëbhomɛ -nu –wo –wo ya- ‘güma –kɔ yaa –kë, =dhɛ wü -nu ‘wo- -nu zë bha –a =yɔɔ -dho =mɔɔ- -bha ‘ö- -nu –bha ‘wɔnyaa –ta kpa. (Ɛzodë 12 :7, 13, 22-23; Këwɔn -nu 16:31).

● =Dhɛ -kɔ do ‘ö Zakɔbö bhaanu –wo ‘‘bhlaanë -wü =piasü -bho –a ‘ka ‘‘yɛɛn =taa ‘kɔdhi –bha –a –nu –gɔ ‘kɔɔdhö kö faan –yö kë- -nu –bha ‘‘ta –sü kö -wo ‘go =dhuëngdhɛ ‘gü -a ‘ka, -kɔ do bha- ‘gü, Yesu Klisi, ‘pakö ‘‘bhlaanë =dede, -ya ‘‘piʋ̈ ‘ö kë ‘mɛ ‘wo ‘dhang- bho- ‘‘dhiʋ̈ -a –nu ‘gü, kö -yö faan –da –nu ‘gü kö -wo =dua ‘wɔnyaa –bha =dhuëngdhɛ waa –Sɔtraan –gɔ (Ɛzodö 12:3-6, 8-11, 43-48; Matiö 26:26; Zan 6:35,48-49).

● =Dhɛ ‘ö -kë =dhɛ -mawɔntodhe ‘yaa ‘dhö kö =yɔɔn –zë ‘yii =wɛng (Dhevitikö 17:11; Eblö 9:22) ‘wɔn bha- -gɔ do –mü =dhɛ bhlaanë ‘ö -kë ‘pakö ‘ö ‘wɔnyaa bho mɛ -bha –todhʋ̈ ‘ka ‘ö -kë Yesu ‘ka bha –yö mɛ ‘‘pɛpɛ =gban ‘wo wo –de nu- -dhɛ -a –nu –kë -pʋtaasü ‘ka –a =yɔɔn bha- ‘‘gblʋʋ -ta, kö -wo ‘‘wɩ =në- wo –a ‘‘nuɛ bho kö -wo ‘dhang- bho –a –bha ‘‘saa- bha- ‘‘dhiʋ̈ -a –bha ‘gügbɩɩdhɛ ‘ö- =yɔɔn ‘gü bha- -wɔn ‘gü (Eblö 10:14).

● Yesu –yö ö =yɔɔn ‘ö- =wɛng bha- -dhɛ "-mlɛɛ -dɛɛ =yɔɔn " (Zenɛzö 24:4-8; Matiö 26:27-28), ‘ö bɔ- -ta ‘ö waa =dheglizö -nu –kɔ -da ‘ka ‘ko =kwɛɛ-. ‘Mɛ ‘ö- pö ‘ö -da –mlɛɛ ‘kö bha- ‘gü -yö ö -de kë ‘‘slʋ̈ʋ̈slʋ̈ʋ̈ =dhɛ -kɔ ‘ö Atanna ‘ö- -bha ‘‘slʋ̈ʋ̈slʋ̈ʋ̈ ‘ka –a ‘dhö (Dhevitikö 11:44). –a –dhɛa –bha kö -dhɔ -ya pa =dhɛ Yesu ‘dhö (Zan 13:34) kö -yö mɛ -nu mawɔn ‘to =dhɛ -kɔ do ‘ö Atanna –ya –mawɔn to- ‘ka –a ‘dhö (Matiö 6:12, 14-15).

-A-dhɛa –bha kö ‘kwa ‘‘mɔɔsëëbhomɛ -nu –takun –a ‘gümasü -bha =dhɛ -bhopë ‘‘slʋ̈ʋ̈slʋ̈ʋ̈ bha –yö -yö ‘pakö -bhöpë ‘ö gun –Nëngkwë zii ‘gü bha- ‘güwɔn kësü ‘ka. Mɛ ‘‘ʋʋ mɛ ‘ö ‘dhang- bho Atanna –bha ‘‘bhlaanë bha –pʋtaasü -dhö kë- -mɛ -gɔ -a –bha ‘wɔnyaa –gɔ ‘yö- -mɛ -dho Yesu –bha –tosɛa –kë -a ‘güsü -dhɛ yö.

‘‘Tan ‘sëëdhɛ ‘ö ‘wɔn ‘‘gbɩɩ- -dhiangzë
‘‘Tan ‘sëëdhɛ 22 bha –yö ‘wɔndhokëdhia –a pö -së ‘ka =në- ‘ka Klisi –bha –dɔdhübhasü -dhiangzë -sü ‘ka. –Wokpö -nu ya –wo –da Davidö zuë‘‘ ‘‘piʋ̈ -kwɛ 1000 ‘‘sima –naa =taa kö Klisi ‘yii nu =kö. –A ‘wɔndhokëdhia –nu bha- ‘güwɔn kësü ‘ö ‘‘kpʋ̈üdhö bha –ya –zɔn =dhɛ ‘wɔn –gɔ do –yö -dhö ‘ö -gban Yesu –bha –dɔ ‘‘dhübhasü -bha.

‘‘Plüünbhowo –kaɔngdo ‘ö -gban Yesu –dɔdhübhasü -bha ‘ö ‘‘tan ‘sëëdhɛ ‘gü -yö -dhö.

‘‘Tan ‘sëëdhɛ 22	Mt 27	Mk 15	Dk 23	Zn 19
7: Mɛbhɩɩdhe –bha ‘lëëwɔn waa ‘‘sɛgümɛ -nu –bha =taa –yö -bha –sü	33, 41-44	29	36-37	-
8a: Mɛ ‘‘pɛpɛ ‘wo –kpan n –bha –wo =wɛɛ -dɔ n -bha	33, 41-44	29	36-37	-
8b: -Wo wo ‘‘dhipʋ, ‘yoo wo –gɔ -mii =mii	39	29	-	-
9: I –dewɔn =loo Atanna =kwɛɛ, kë ‘‘kö -ya dha, ‘yö sü =dhɛ -a –dhɔ -ya –kë!	43	-	-	-
12: Mɛ ‘bhaa nu n –dhɛ	42	30-31	37	-
16: N’‘dhi –yö -klusü ‘ka ma –gwlüdëdhɛ -kɔ -bha	-	-	-	28
17a: Pëklumɛ -nu ‘gbɛ -wo nië sië n –zü	41-43	31-32	-	-
17b: =Wa n –kɔdhɛ -nu –zua waa n –gɛn –nu ‘dhö	-	24	33	19:18, 20:20
18: -Wo ‘‘yan –kpɔ n’‘piʋ̈, ‘yö ‘wo n -ga	-	-	35	-
19a: ‘Yö ‘wo n –dasɔ -nu ‘gügwlü	35	24	34	23
19b: ‘Yö ‘wo ma sɔ -nu -yakiya	35	24	-	24
2: Ma Zlan! Ma Zlan! ‘Më -ke ;; ‘yii –kɔ -kan n’gü?	46	31	-	-

Mɛ ‘kö ‘wɔndhokëdhia ‘ö -Nëngkwë zii ‘gü kwa Dëmɛ Yesu klisi –bha –ga ‘‘dhübhasü ‘‘glʋʋ ‘‘piʋ̈ -yö -dho –a ‘gü ma.
● -Gɛnyan =dhɛ ‘ö Yesu ‘nii- -yö =saan- ‘ka kö -a –de ‘‘piʋ̈ -mɛ -nu ‘wii- dɔ wo –bha mɛ ‘ka, ‘yö ‘wo- -san –kë ‘wa =wɛɛ dɔ- -bha! Mɛ snkësü ‘ö ‘‘sɛ bha- ‘güsü -zian –yö ‘ya- ga –zian –bha!

● -Gɛnyan =dhɛ =dhɛ ‘ö -a kwi –yö wü sëëbhodhe –gɔ kö -ya kë sië, ‘‘kɛɛ ‘yii ‘wɔn ‘bha pö.

● -Gɛnyan =dhɛ =dhɛ ‘ö sëëbho –a ‘ka kö -a Dë =ya =taa zun- -bha kwa –bha ‘wɔn yaa –nu –wɔn ‘gü! ‘Kwaa =mɔɔ- -bha kö -a ‘‘gblawo bha ‘kwa –a ‘güwɔn =dede ‘ö ‘dhö -a dɔ: "N Dë! N Dë! ‘Më -kë ‘yö ‘ü =taa zun n -bha?" (‘‘Tan ‘sëëdhɛ 22:2)

-Yö wɔn ‘klɔɔpömɛ -nu ‘bha –nu –gɔ ‘‘gbɩɩ- kö -wa ‘güma =dhɛ Atanna –yö ö =taawun ‘ö -de –bha ‘Në =dhɔɔbhaasü -gɔ! ‘‘Kɛɛ Yesu ‘yaa =sua kë. –Yö kë- -pö: "Ü kë =taa –zun N -bha!"

Mɛbhɩɩdhe ‘wɔngümakɔ ‘yaa- ‘gü ma: Kö Zlan =ya =taa zun- -bha, kö -ya –zɔn =dhɛ -yö kë ‘wɔnyaa –kë.

Biblö -ya ‘güpö: ‘Mɛ ‘yii ‘wɔnyaa kë do =ya kwa –bha ‘wɔnyaa ‘sü. ‘‘Kpʋngtaadhɛ -todhʋsü -bha ‘wɔnyaa –kwɛɛ ‘gbiin- -gun –a -ta. Kwa –bha ‘wɔnyaa –wɔn ‘gü, Zlan –yö ö =taa –zun –a –bha.

‘Yö mɛ ‘bha –nu –wa pö =dhɛ, Zlan ‘ö Dë ‘ka –yö ö =taa –zun ö Gbö -bha ‘yö ö -de –kë zadɔmɛ ‘ka kwa –bha ‘wɔnyaa –nu –wɔn ‘gü.

‘‘Kɛɛ kö Biblö -ya –pö: -Yö ö =taa –zun –a –bha =dedewo. ‘Yö -a –nu –bha –këdosü ‘‘Slʋ̈ʋ̈slʋ̈ʋ̈ bha ‘yö -pɛ ‘koo. –A ‘klɔɔ- -mü ‘‘wo –kaso ‘ka! –Yö -da –dhɛtiidhɛbhasü zübhosü waa- ‘‘dhiʋ̈tosü ‘ka. Matiö waa Makö -wa –pö ‘‘dhʋ̈ ‘‘dhiyanwo ‘‘saɔplɛ ‘ö Yesu –ya pö ‘‘dhü -bha bha- ‘gü. ‘‘Glawo bha –yö =dhɛ =dheglizö -gɛndhiʋ̈izuöbha –gwë ‘ka. Yö -zë ‘gü, -wokpö bha –yö -ziö dhiang ‘gbɛ ‘‘pɛpɛ ‘ö Yesu –ya pö bha –ang =gban –ta, =dhɛ kwa bha dhasü Yesu –ya nu bha- ‘‘dhiʋ̈ =ya =mɔɔ ‘‘kwëë!

Yesu kë -a –pö: "N Dë! N Dë!" Zakɔbö kë ‘kozë Dëmɛ ‘ka, kö Dëmɛ -ya ‘‘piʋ̈ =dhɛ -yö ö -bha ‘dhowo. ‘‘Kɛɛ Zakɔbö ‘yii ‘‘wɩɩ- -bha kö -yö kwaa- -zü -yö ‘dho ‘‘kɛɛ kö ‘dho –faan –ya –bha ‘sa. ‘Yö -gbla : "’Mii ‘dho kwaa i –zü kö i ‘dho kö ‘bhii ‘dhuë- ‘kpɩo n -bha!" –Zotandhe ‘ka Zakɔbö -yö -bɔ Atanna –bha zadɔdhe –ta ‘‘dhuʋ̈ ‘yö ‘dhuëë- =slɔɔ (Genɛzö 32:23-32). ‘Kwa –dhɛga ‘mü =gblɛɛn, Yesu ‘yii kwaa Atanna ‘ö -kë zadɔmɛ ‘ka bha- –zü -yö ‘dho. ‘Yö =nëng ö Dë -bha, ‘‘kɛɛ kö -a Dë =ya –kɔ ‘‘kan –a ‘gü. ‘Yö -gbla bhɛɛsü ‘ka"N Dë! Ü N Dë ‘ka ‘‘dhʋ̈ -kpɛɛwo, ‘kö -zianwo n’‘yan ‘yaa dɔ i –bha. ‘Mii ‘dho kwaa i –ü kö ‘i ‘dho kö ‘bhii ‘dhuëë ‘kpɔ ma =klang –nu -bha!" –Zotandhe waa –dhɛ ‘ö- Gbö ‘gü bha –yö -bɔ Atanna –bha zadɔsü bha- =taama. –A –bha –dhɔ bha =në ‘ö -toagbɩɩkasü ‘ka ‘‘kpʋngtaadhɛ -gɔ (1 Zan 5:4). –A –bha –Zotandhe =në ‘kwa bɔ- -ta ‘yö ‘kwa dha (Zan 16:33).

=Dhɛ ‘ö bo ‘kozësü ‘ka Zlan ‘gügbɩsü ‘ka, ‘yö Zakɔbö -yö ‘tɔ -dee ‘ö -kë ISRAƐDHÖ ‘ka –a =slɔɔ! ‘Tɔ bha –a ‘klɔɔ -mü: -yö ‘kozë -Zlan ‘ka ‘yö to –a ‘‘gbɩɩka. Yesu =në Israɛdhö =dede ‘ka! –Yö ‘kozë ‘‘kpʋngtaadhɛ -bha dhasü -wɔn ‘gü ‘yö to –a ‘‘gbɩɩ- ‘ka –a –bha –zotandhe ‘gü! –yö -klü ö dë -bha, -a –bha zuëdhiʋ̈tɛɛ -sü =gban ‘gü kö -yö bhɔ -sü ‘ka –a –dhɛ taa. Yö =bhɛɛ kö ‘yii ga =kö ‘ö- pö: " N Dë, ‘ma n’nii- =loo i =kwɛɛ- " (Dhukö 23:46) kö ‘yaa =mɔɔ- -bha kö -yö -kpan ö Dë -bha.

Kö ‘ka ka –zota ‘‘plüünbhowo –nu ‘wo –Nëngkwëë Zii ‘gü -a ‘güwɔn kësü ‘ö -nëngkwëë -dee ‘gü -a –ta, ka –dho –a –dhɛ yö =dhɛ -Nëngkwëë -dee –yö -Nëngkwëë ii ‘gü.

Zlan –bha yëkëmɛ ‘ö- ‘gü ‘yaa gun –së
-A ‘kwa- wo sië bha ‘‘plüünbhowo –nu =bhlëësü ‘ö -gban Yesu –bha –kë ‘‘saapë ‘ka –sü -bha kö -yö ga –Nëngkwëëziigüsü -bha ‘ö Ezai –ya to ‘‘dhiʋ̈ ‘ö- pö bha, -yö mɛ -da –dɛɛgüsü =në- ‘ka. ‘yi- -dhɛ ‘sëëdhɛ ya- -wopömɛ -nu –dhɛ =dhɛ -wo –a –wokpö do ‘ö ya –a ‘kun wo zuë‘‘ ‘‘piʋ̈. Ka –mɔɔ -bha ‘ka faan =slɔɔ =dedewo ‘ka ‘nii- ‘‘piʋ̈, ‘ö ‘ka dho ka –gɛngbanta =slɔɔ ‘wɔn –yɔɔ ‘ö -gban –dɔ ‘‘dhübhasü ‘ö ‘‘mɔɔsɛgü -a ‘‘gblʋʋ -ta.

" –Kë ‘‘dhʋ̈ -sü ‘gü, -yö kwa –bha ‘wɔnyaa –nu =në- -kwɛɛ sü,
kwa –bha ‘‘klʋ̈bhɔdhe =në ‘ö -nu –a –kwɛɛ bun ‘yö ‘kwa- -ga =dhɛ ‘mɛ =wa ‘wɔn –wɔ -a –ta =në- ‘dhö,
‘ö Zlan =ya ‘wɔn bho- ‘gü, ‘ö- -wëëdhɛ =ya bho.
‘‘kɛɛ -a kwi –yö -wü kwa –bha ‘wɔnyaa –wɔn ‘gü;
‘‘Klʋbhɔdhe ‘ö- -dhɛ ‘dhö- -bha kö -yö nu kwa –ta bha ‘yö -wɔ -a –ta,
‘yö -a –wëëdhɛ ‘ö bho bha =në ‘kwa bɔ- -ta ‘yö ‘kwa –kë ‘‘klʋ̈ʋ̈klʋ̈ʋ̈.
Kwa gun –pɛn –sü ‘ka =dhɛ ‘bhlaanë -nu ‘dhö,
mɛ ‘dhɛ ‘ö ‘dhö zɛɛn ‘dhɛ -dhi –dhɛ =në gun ‘dho sië -a –ta,
‘yö Atanna –yö kwa –todhʋ̈sü kwa –bha ‘wɔnyaa –kwɛɛ =yɔɔn –a –ta "
(Ezai 53:4-6)

-Wokpö -yaaga bha –yö -wokpö bha –a –todhʋ̈sü -gɔ ‘ka. Yi kë- pö =klangdhiʋ̈ ‘kpii- do ‘ö -kë ‘‘mɔɔsëëbhomɛ ‘ka Kasablanka –gɔ kö -yö -a –wopö ö ‘‘tɛɛbënu –dhɛ kö -yö ö -zotagüwɔn pö -wo ‘ö- -wopö bha- -wɔn ‘gü. ‘Yö- -yɔɔ bɔ ‘ö- po, ‘ö bo ö -zotasü ‘ka: " =Ya kë =dhɛ ‘wɔn ya kö -yö kë tɛanwɔn ‘ka, -a –dhɛa –bha kö -dhɔ -yö mɛbhɩɩdhe pa! " ‘Yö wlüünë bha ‘ö -Nëngkwëë -dɛɛ -gɛn =dede ma!

-Yö -kë mü =dhɛ ‘yö ‘‘mɔɔsëëbhomɛ ‘ö bha ‘yii Yesu –wëëdhɛ ‘ö- yö ‘ö zun -a –bha gasü bha –a –zuö ‘ö -kɔ =kee –ta kö -yö -kɔ -a ‘ka ? –A ‘klɔɔ- -mü =dhɛ ‘yii ‘wɔn ‘bha =slɔɔ Yesu –bha –dɔ ‘‘dhübhasü‘‘ –bha waa Atanna Gbö!" ‘Yaa –bɛnzësü ‘ka –wokpö ya- ‘gü. Yö =në- -wɔn ‘gü ‘yo :: ‘wɔn ‘ö -bɛnzësü ‘ka ‘ö -mɔɔ -bha kö -yö ‘wɔn ‘ö -kë -dɔ ‘‘dhübhasü ‘gü kö -ya ‘gü ma. ‘Yö Ezai 53 –yö Atanna –bha yekëmɛ ‘ö =saan =dedewo ‘ö dho ‘ö ga –a ‘ka Zlan –kuu ‘‘dhiʋ̈ =dhɛ gbɔɔdhe ‘dhö ö -bha ‘‘sɛgümɛnu ‘ö za ‘dhö =loosü ‘ka –a –nu –ta –ang –bhaa ‘ka Fidhipö 2:7 –ya –zɔn =dhɛ ‘wɔn bha tɛanwɔn –mü, Yesu –bha =gbɛkiëdhɛ ‘güwɔn kësü ‘ka (Matiö 10:28; 2Kodhɛngtö 8:9; Eblö 2: 14, 17) ‘gü.

‘Më Ezai 53 –ya pö kwa ‘dhö ‘‘mɔɔsëëbhomɛ nu ‘dhö kwa –dhɛ?
Yesu –yö ö -de –dho ‘‘sia- ‘yö kwa –bha ‘‘yua –nu =gban –kwɛɛ sü, kwa këwɔn yaa –nu, ‘wɔnyaa, mɛzësü, kwa –bha –desükpiisü =trɔɔn bha ‘yö- -ya Atanna –bha zadɔgbloo ‘‘dhiʋ̈. ‘yö Atanna yöö =dede –yö kwa –bha ‘wɔnyaa –kwɛɛ =gban =yɔɔ -A –ta. Yö ‘wo- -ma, ‘wo- ‘‘klʋbhɔ, ‘wo- -gi ‘ö- ‘‘dhiʋ̈ -yö to –a –dɔ ‘‘dhübhasü ‘ka ‘yö ga kwa –bha ‘wɔnyaa –nu –wɔn ‘gü.

-A zian ‘gü, ‘ya ‘flëëbhodhe ‘ö Zlan ‘‘piʋ̈ waa ‘‘yua suu =gban –bho yi –bhasü =slɔɔ -a –gɛn –mü =dhɛ =ya- =gban ‘sü ‘Ö -ta. –a –bha ‘ö -de –kë ‘‘saa- ‘kasü ‘‘dhiʋ̈ =ya =mɔɔ, -a –gɛn =ya –gban, -zotandhɛwɔn ‘ö -todhʋ̈ ‘ka yö -mü.

‘‘Bhlaanë ‘ö- -wëëdhɛ ‘dhö bho bha –a ‘günë -nu –dho kë ‘yö ‘wɔn ‘ö Atanna –ya pö bha ‘ö- ‘‘dhiʋ̈ =mɔɔ ‘‘kwëë kwa dhasü waa ‘‘mɔɔsëëbhomɛ -nu –de ‘pö- -nu dha ‘pö waa Zufö -nu =gban. –yö -dho mɛ ‘gbɛ =dede dha –a –nu kpö ‘gü -a –nu –bha ‘wɔnyaa –gɔ ‘ö dho ‘ö faanmɛ -gɔ =yɔɔ.

Ezai 53 bha kö ‘ka –a =gban ‘kun ka zue‘‘ ‘‘piʋ̈, ‘ö- zudɔ -a ‘‘dhiyanwo do bha ‘ö zun –kaɔngdo ga =plɛ -bha, kö -kɔmɔɔwɔnbhasü ‘‘gbɩɩ- -yö ka –gɔ kö ‘ka ‘‘gbla –toagbɩɩkasü ‘ka ‘‘mɔɔsëë -ta. –Wokpö bha –a –dhɛa –bha kö --yö ‘gügwlü, kö baa‘‘ –yö wo- -bha kö -wa kë ‘gbɛ =dedewo, (kö -dɔbhadhü -diang ‘yii zë ‘‘iin ‘zü " Zlan Gbö "). =Ya kë ‘‘dhʋ̈ -yö -dhö ‘dho mü =gblɛɛn ‘ö -ziö =dhɛ -ziaan ‘ö ‘waa ‘dhang- bho Klisi –dɔ ‘‘dhübhasü -ta.

-Wokpö -nu ‘wo –gban mɛdhamɛ -dɔ ‘‘dhübhasü -bha ‘ö -Nëngkwë zii ‘gü
-Wokpö -nu ‘ö -kë ‘‘plüünbhowo ‘ka –Nëngkwëȅ ;wii ‘gü ‘ö -kë ‘tɔng ‘sëëdhɛ ‘gü (Pentateuque), ‘‘Tan ‘sëëdhɛ waa ‘wɔndhokëdhia ‘sëëdhɛ, Ka –dho –dho –a ‘güwɔn kësü yö -Nëngkwë -dee ‘gü mü.

Atanna –yö wü -nu –zë ‘yö- =yɔɔn =wɛng dhanggü -pö ‘gü kö -yö Adan waa Ɛvö -nu –bha ‘wɔnyaa –ta kpa (Zenɛzö 3:21).

Ɛvö gbö -dhö =mlɛɛ bha- -gɔ ‘wü- waa- -gɛn ‘dhö ‘yö dho –bhopë ‘ö mɛzëpëka –a nu- -dhɛ (Genɛzö 3:21; -Dhɛkpaɔdhia 12:4-5, 15-17).

Mɛ ‘‘ʋʋ mɛ ‘ö ga ‘‘dhü -bha kö -yö Atanna –bha ‘‘dhangga =wlöö (Deutéronomes 21:22,23; Këwɔn -nu 5:30).

‘Yö ‘wo- gba pë ‘‘yi giisü ‘ka kö -ya mü (‘‘Tan ‘sëëdhɛ 69:22; Matiö 27:33; Zan 19:29).

‘Ma N nii- -wɔ i =kwɛɛ- ((‘‘Tan ‘sëëdhɛ 31:6; Dhukö 23:46).

‘Yö sɔ ‘kɔ ‘ö gun Zlankɔgü bha ‘ö -pɛ (Ɛzodö 26:31-33; Matiö 27:51).

-A ga do –zian ‘yii ‘‘yɛ (Ɛzodö 12:46; Zan 19:33-34).

‘Mɛ ‘wo- -zua bha –wo –dho –kpan –a –bha (Zakadhi 12 :10; Zan 19:37; -Dhɛkpaɔdhia 1:7).

‘‘Tamaga –kaɔng –yaaga -bha –yö -Nëngkwëë zii ‘gü
‘Wɔdhokëdhia pömɛ -naa ‘sëëdhɛ -totaama ‘gü, ‘‘Tamaga –kaɔng –yaaga ‘ö Zuda –yö -wɩ -bha kö =ya Dëmɛ ‘‘dhɔɔdɔ bha, (Matiö 26:14-16):

" A kë -pö -nu –dhɛ: =ya dhi ka –dhɛ, -ka n saa nu n –dhɛ; ‘‘iin ‘zu, ‘ka ‘dho -a nu. ‘yö ‘wo ‘‘yan –wlö n saa ‘ö -kë ‘‘tamaga –kaɔng –yaaga ‘ka bha- -ta. ‘Yö Atanna –ya pö n –dhɛ: -A –zuö ‘‘sɛgbɔ këmɛ -dhɛ, -a sɔng –tiaandhö ‘ö ‘wo- -zɔn n ’ka- -bha " (Zakadhi 11:12-13).

Dhiangwo ya- ‘gü, Atanna, Dëmɛ ‘ö -kë -mlɛɛ -gɛn ‘ka –ya –pö: "‘wëë- ‘‘wëë- ‘‘tamaga –kaɔng –yaaga ‘ö ‘wo- pö =dhɛ -yö -bhɔ n –bha bha =wɛ!" Yesu –zë Atanna –mü -ee? Dëmɛ ‘ö -kë -mlɛɛ -gɛngodhɛ ‘ka bha –ya kë mɛbhɩɩdhe ‘ka Yesu ‘gü -ee (Ezai 40:3-5; 60:1-2; Dhukö 2:11 waa- ‘bha -nu)? Zuda –bha –a ‘‘dhɔɔdɔsü bha –a –dhiang –yö kë -zë -a yi =ya =gwëë Zakadhi –dhɛ!

Tɛɛwɔn do ‘bha –yö -dingkpɔsü ‘ka –wokpö ‘ö -Nëngkwëë zii ‘gü bha- ‘gü bha –yö -dho –a ‘dhɛ ‘ö -Nëngkwëë -dɛɛ ‘gü -a –bha, ‘ö -ya mü ‘zü ‘ö Yesu –bha –dɔdhübhasü waa- gasü -bha. ‘Mɛ ‘ko- ‘‘piʋ̈ =dhɛ ‘ö- daan‘‘ –yö -dho –a ‘gü ma. –Dhɛwo ‘ö -dewɔndhiʋ̈sü ‘ka ‘ö ‘sëëdhɛ =taamasü ‘gü bha –yö -gban ‘‘mɔɔsëëbhomɛ -nu waa Zufö -nu –bha kpɛngdhö: " ‘Mɛ ‘ö- ‘wɔngüma –tɔ ‘dhö ‘dho –yö ‘wɔn ‘ö -Zuu ‘dhö- pö sië Dheglizö -dhɛ bha- ma!" (-Dhɛkpaɔdhia 2:7 waa- ‘bha -nu)

7.04 -- Yesu Klisi –Bha –Dɔ ‘‘Dhübhasü ‘Ö -Nëngkwëë -Dɛɛ ‘Sëëdhɛ ‘Gü

-A ‘dhɛ -wëësü yö -mü =dhɛ ‘‘mɔɔsëëbhomɛ ‘gbɛ =dede zuë‘‘ –yö ‘zëzë -ma –wo ‘ö -kë Klisi –bha –wëëdhɛ ‘ö- yö ‘ö ga ‘‘dhübha ‘ö -kë tɛawɔn ‘ö- -dhiang ‘dhö zë -sü ‘ka bha- ‘ka. ‘Yö ‘wo ‘‘yʋ̈ʋ̈ to ‘wo- pö; a –bɔ Yesu ‘kamɛ -nu ‘ka ya! –zotadhe –sɛnngbë -ya –nu –gɔ ‘‘kpʋngtaadhɛ -bhaa ‘ka, ‘‘kɛɛ -a –nu – bha –zotadhe waa- -nu –bha ‘wɔn ‘‘slëënbhokɔ =ya kaan ‘‘kwëë. –Wo ‘dhang –bho –Zlan –yaaga ‘‘dhiʋ̈, kö -wo –zo yö -a do –dhɛ =aa, ‘yö ‘wo- pö =dhɛ -a Zlan do ‘bha –yö -ya ‘‘dhü -bha! ‘‘Mɔɔsëëbhomɛ ‘gbɛ =dede –wo ‘dhangbhosü ‘ka –a ‘‘dhɩ =dhɛ Klisi ‘yii dɔ ‘‘dɔ ‘‘dhü -bha.

Yö -zë ‘gü, ‘‘mɔɔsëëbhomɛ =gban ‘aa =në ‘wo –zota =dhɛ -kɔ bha- ‘dhö. –A mɛ ‘bha –nu –wo mü ‘wo wo ‘‘tʋ to –wo ‘ö -kë Yesu –bha –dɔdhübhasü ‘ö ‘wo wo ‘‘tʋ̈ng –kë -a ‘gü. ‘‘Mɔɔsëëbhomɛ =plɛ =në ‘wo ‘‘slüüma ‘ö -gban Yesu –bha –a –ga kö -lookota ‘wo- kanpisö -kë bha =wa nu- ‘ka. ‘Dhɛ ‘ö yën’yö- mɛ do –ya pö ö ‘‘tɛɛdo =-dhɛ: " ‘Më -kë ‘yö kwa –bha ‘‘Mɔɔgɔdhiʋ̈ -nu ‘wo- pö =dhɛ Yesu ‘yii dɔ ‘‘dhü -bha ? N –dega ‘‘yanga ‘ga, -a –kpan –a –bha kö -yö dɔ -sü ‘ka ‘‘dhü -bha kö -yö ga sië!" –A kë -dhɛ =kë kwa –gɔ -dhɛ ‘‘ʋʋ -dhɛ ‘ö- ‘gü, -a –dhɛa –bha kö ‘kwa ‘wɔn bha- -gɔ -yiisiö ‘ö -gban Yesu –dɔ ‘‘dhübhasü waa- ‘sëëdhɛ bha kö -yö nu ‘‘mɔɔsëëbhomɛ -nu ‘ö -kaanbhosü ‘ka- -nu –dhɛ bha- -nu -dhɛ, kë ‘‘dhʋ̈ kö woo =dede –wa –wopö kö -wa ‘gü -dhiang zë.

Yesu yöö =dede –yö ö -de –zɔn
" Mɛgbö ‘yii nu kö -wo yë kë -a ‘‘dhiʋ̈, ‘‘kɛɛ kö -yö yë kë mɛ -nu ‘‘dhiʋ̈ kö -yö ö -de nu gbaɔdhe ‘ka mɛ ‘gbɛ =dede –wɔn ‘gü (Matiö 18:11; 20:28; 26:63-64). –Gɛnyan –kaɔng ‘‘saaga ‘‘sima ‘ka –yö -bɛnzësü ‘ka –Nëngkwëë -dee ‘gü ‘ö Yesu –yö ö -de –dhɛ: " Mɛ Gbö". –A pö -kɔ ‘kö bha, -ya –zɔn =dhɛ -yö Dëmɛ waa zadɔ ‘‘kpʋngtaamɛ -bha –mɛ ‘ka Daniɛlö 7:13-14, -Yö ö -gɛngban ö -bha –kë mɛ ‘kasü ‘gü waa- -bha ö yëkëmɛ ‘ö ö -de dho ‘‘sia –a ‘ka. –A kë ‘ö- wo ‘‘dhʋ̈ bha –yö mɛ -nu wɔkɔ =gban –bho ‘‘gblʋʋ: -bɔdhiʋ̈mɛ -nu –dhö kë -totaama –mɛ -nu ‘ka ‘ö -totaama –mɛ -nu ‘wo –kë -bɔ ‘‘dhiʋmɛ -nu ‘ka. ‘Mɛ ‘ö ö -de ‘‘dhiʋwlüü -yö -dhö kë -dhosiamɛ ‘ka ‘ö ‘mɛ ‘ö ö -de dho ‘‘sia –yö -dho kë mɛ -gɔtamɛ ‘ka Zlan –bha –dhɔ ‘saa- ‘gü (Matiö 20 :26-27; 23:11-12; Makö 9:35; 10:44; Dhukö 22:26-27).

‘Mɛ ‘ö -ziö Yesu =keng –yö -dho kë -a –bha yëkëmɛ ‘ka, ‘wii- pö -gɔmɛ. –Zotagüwɔn do ‘bha =në ‘ö bha, ‘ö waa ‘‘mɔɔsëë -bha –zotandhe ‘yaa do ‘‘ɛ tongtongdhö. Kwa –bha Zlan Zlan ‘ö -de dho ‘‘sia- yö -mü, ‘‘Kɛɛ Ala –zë -desüva –ya ‘gü (-Kwlana al-Hashr 59:23). ‘‘Mɔɔsɛgümɛ -nu –zë -wo –këngtama ‘yö Yesu –bha =klang –nu –zë ‘ö -de –dho ‘‘sia- -sü ‘dhö- -nu –gɔ -kɔ =gban –ta. Klisi –bha –dɔbhadhü -bha –yö mɛ -bha –tosɛa kë -kɔ -da –dɛɛ ‘gü, ‘yaa yö -zë ‘ka kö -yö -dho kë mɛ -gɛndhiʋ̈zuöbhapë =në- ‘ka.

‘‘Mɔɔsɛ ‘gü, ‘wɔnyaakëmɛ ‘öö baa- -sü ‘ka ‘‘tʋ̈ng =gban ‘gü ‘ö ö baa- -sü ‘ka kö -yö ‘flëëbhodhe –nu ö -bha ‘‘sɛ -dhɛ bha, -wo mɛdhamɛ -tɔ -ya –a –mɛ -bha (fâdî) yö -mü =dhɛ yö =në ö -de –bha –tosɛa –nu kö -yö ‘mɛ ‘wo- ‘‘piʋ̈ -a -nu bho ‘‘gan ‘gü, Zlan –bha wa –gɔ, ‘wɔnyaa faan –gɔ, -ziö -Sɔtraan –gɔ -gɛn waa –tosɛa ‘ö ‘yaa yën –a ‘godhɛ ‘ka. Yesu =ya ö -de nu kö -pʋtaadhe –yö kë kwa –gɔ pë ‘ö faan ‘ö kwa –lö bha- -ta. –Yö yë -kë -kɔkeetamɛ -nu ‘‘dhiʋ̈mɛ ‘ka ‘ö -Sɔtraan –gɔ ‘‘gangümɛ -kë ‘flëëgümɛ ‘ka. –Dhɔ waa- -bha –dedhosiasü =në ‘ö Klisi –bha –ga ‘‘dhübhasü bha –a ‘güma dhaklɩ =dede ‘ka.

Klisi –bha saan‘‘ ‘ö- wo bha –a –gɛn =dede
-Wokpö ‘bha –nu ‘wo –Nëngkwëë -dɛɛ ‘gü -dho =mɔɔ- -bha ‘ö ‘‘mɔɔsëëbhomɛ -nu –ta kun –a –nu zuë‘‘ ‘zëzëmasü -bha!

‘Piɛdhö -bha =gbɛkiëdhɛ ‘ö -kë -a zian ‘gü (Matiö 16:16) Yesu –yö -a –bha =klang –nu –wodhiʋ̈loomɛ =bhlëë -ya –a zëdhiang ‘ö Mɛdhamɛ ‘ö dho nu kö -yö -gwlüdëdhɛ kë gagadede ‘gü Zlan –bha yëkëmɛ ‘ö =saan bha- -bü ‘gü. –Yö ö -de –zɔn –a –dhɛ =dhɛ -yö -dho –da ‘ö -wo Zedhizadhɛmö, kö -yö saan‘‘ kö -yö ga –yö ‘’go ga ‘gü -a –dhɛkpaɔyi –yaaga –naa –ta Matiö 16:21).

-A –wɔn ‘gü, -a –wɔn kë Piɛdhö -kun. –a –bhaa ‘gü ‘wɔn =ya dɔ Yesu –gɔ ‘ya- ‘yö -nu –a faan dɔ. ; " =Ya kë Zlan –dhidhɛwɔn ‘ka! ‘wɔn bha ‘yaa yöö ü ‘‘dhiʋ̈ =slɔɔ!" (Matiö 16:22) Yesu –ya –ga –piindhö ‘yö- -dhɛ -SɔtraanSatan (!) –a pö -sü ‘ka: " Bhɔ n –dhɛ taa, Sɔtraan! I n –gɛndhiʋ̈zuöbha –gwë ‘ka; -a –gɛn –mü =dhɛ i –bha –zotadhe waa Zlan –bhaa –zotadhe ‘waa do, ‘‘kɛɛ i bhaa –yö mɛbhɩɩdhe –bhaa ‘ka." (Matiö 16: 23)

-Yö -kë mü =dhɛ Yesu waa –a –bha klang –nu –wodhiʋ̈loomɛ =zinnggü -a –nu –bha dhiang –zingbɔsü ‘gü? Piɛdhö -ya =dhɛ -mɔɔ kö Yesu ‘ya ‘dho dɔ ‘‘dhü -bha, ‘wɔn ‘ö- -wɔn ‘gü ‘ö -kë mɛbhɩɩdhe ‘ka bha. Yesu –yö -to ‘‘siabha ‘ö -Sɔtraan –wo –naa dɔ ‘ö Piɛdhö Zlan –bha yëkëmɛ -wo ‘gü, -a –gɛn –mü =dhɛ Zlan Gbö -bha –dɔdhübhasü -san =dede –yö -Sɔtraan –kë, -yö -mü =dhɛ -a –fëë ‘wɔnbhadhɛ ‘ö- -kɔkpënngdhɛ ‘ka =në ‘ö bha.

-Wokpö duɛɛ‘‘ bha ‘ö ‘wɔnyɛmɛbhawo ‘ka bha –a –dhɛa –bha kö –yö -gban Maadu –bha ‘pö, ‘ö kwaa Ala ‘zü ‘ö pë =gban –kë kö -yö Madhi Gbö dha –dɔdhübhasü -gɔ.

-Gɛyan =plɛ ‘ka Yesu –yö ö -bha nu –sü kö -yö saan‘‘ kö -a ‘‘dhiʋ̈ -yö ‘to –a gasü -ta wɛngadhö bha -a ‘güpö ö -bha =klang –nu –dhɛ (Matiö 17:22-23; 20:17-18): " –Ka –dhɛga –kwa ‘dho Zedhizadhɛmö, ‘yö mɛ Gbö ‘‘dhiʋ̈ -dhö dɔ ‘‘saabhomɛ -gɔmɛ -nu waa ‘wɔndɔmɛ -nu –dhɛ. –Wo –dho ‘wɔn wɔ -a –ta ‘ö ga, -wo –dho –a dɔ payɛn –nu kwɛɛ-, kö -wo =wɛɛ dɔ -A –bha, ‘ö ‘wo- ma –klaaga ‘ka, ‘ö ‘wo- dɔ ‘‘dhü -bha, ‘yö- -dhɛkpaɔyi –yaaga –naa ‘ka ‘ö go ga ‘gü!" (Matiö 20:18-19)

Yesu ‘ö gun =yɔɔ sië Zedhizadhɛmö ‘‘sɔɔ, kö saan‘‘ –nu ‘ö yö -wɔ -a –ta kö- -gɔ -yö ‘to- ‘gü bha –a këkɔ =gban –yö -da sië -a ‘‘yaan, waa- -go gogagüsü ‘dhö. –Yö ‘wɔndhokëdhia –a pömɛ -zian –ta. –Yö -gun Atanna –wo ‘ö -gla =në- ‘ka. –yö -gun dhiang zë sië ö Dë -dhɛ dhang- ‘gü, ‘yö- Dë -yö ‘wɔn ‘ö nu sië -a =gban bho- -dhɛ ‘kwii ‘‘biʋʋdhö.

‘Mɛ ‘kö ö -zota –yö -dho –a pö:" =Ya kë =dhɛ Yesu =ya ‘wɔn bha- =gban dɔ, ‘më -kë ‘yö ‘yii =dua kö -yö ‘dho ‘‘sɛ =taama, =dhɛ -kɔ ‘ö Maadu –yö ‘ö =dua ‘ö go ‘‘Maka ‘ö dho Medinö -a ‘dhö? ‘Më -kë ‘yö Yesu ‘yii ö ‘gü ‘‘gla ‘‘iin ‘zü -yö ö -gblɛɛn ‘kpɔ?" Këwɔn ‘ö -zuugü =në gun ‘‘dhiʋ̈ ‘sü sië -a ‘ka. –Ya –dɔ =dhɛ ‘‘kpʋngtaadhɛ -bha dhadhe –bɔdhɛ ‘bhaa ‘dhö kö ‘yii kë ö gasü ‘ö ‘‘saapë ‘ka =në- ‘ka. –Yö ö Dë dhɔɔbhaa –kë ‘ö dho- ‘ka ‘ö zun- ‘ka –a gasü -bha. –A ‘wɔnkëkɔ bha –yö ‘‘Mɔɔsëëbhomɛ -nu –ta ‘‘mlüün –bɔ ‘yö- ‘gümadhe ‘yaa kë- -nu –gɔ!

Yesu –kë Gɛsemane –sü
Yesu –dɔ tumuudhö, yö ‘ö -gɔ -miimiikë =dedewo ga ‘ö yöö- wo bha- kö- ‘‘tʋ̈ng =yɔɔn sië- -bha –viiviidhö bha- -wɔn ‘gü, kö -yö bhɛɛ‘‘ sië ‘‘tʋʋdhɛ ‘gü Zedhizadhɛmö -pö ‘‘saandhiʋ̈. –A –bha =klang –nu –gun yizë sië, kö ‘waa =mɔɔ- -bha kö -Wa –ta ‘kun –ziaanwo –gbɛʋʋ kë-sü ‘ka. –A =gban ‘gü, -yö -bhɛɛ:"N Dë, ‘kö =ya kë =dhɛ ‘‘yi –kɔɔ ‘ö ya –a –dhɛ ‘yaa- -bha kö -yö bhɔ n –dhɛ taa kö ‘mii- mü =aa, kö i =dhɔɔbhaa –yö kë." (Matiö 26:39)

Yesu –mɛ waa ‘ö ‘nii- -wo wo –de –kë ‘dɛɛdɛ Zlzn –bha zadɔsü -kuudhiʋ̈ -bɔ ‘ö -bha gasü -tasü ‘gü. Zlzn Gbö bha –yö -to –a ‘‘gbɩɩ- ‘ka Ö =nëng –bha dhɔɔbhaa –ta ‘yö ö -de dho ‘‘sia- -to –wotasügü ‘Mɛ ‘ö- bɔ -a =bhlëëyasü ‘gü. Yesu –dɔbhadhü ‘yii kë ‘mlɔɔ- këdhɛ ‘ka, ‘‘iin ‘zü ‘‘tʋ̈ng –züömɛtadhɛ ‘‘wɛɛwɛ ‘ka, -yö -kë -gwlü ‘ö -da ‘‘wo –kaso waa dhanggü -pö =zinnggü -pö ‘ka –sü ‘ka. Yesu –yö -wɩ ö Dë dhɔɔbhaa –‘ö- ‘‘dhiʋ̈todhɛ ‘yaa ‘dhö bha- -bha ‘yö =bhɛɛ ‘ö Dë -dhɛ -gɛnyan =plɛ -naa waa- -yaaga –naa ‘ka: " N Dë, ‘kö- -dhɛ ‘yaa- -bha kö ‘w ‘wɔn ‘‘gbɩɩ- ‘‘yi -kɔɔ ya –yö züö n –ta kö ‘mii- mü =aa, ko :: I dhɔɔbhaa –yö kë." (Matiö 26:42)

"Mɔɔsëë" =dede ‘‘iin –gɔdhosiasü ‘ö -kɔgbangü -yö -zun zangta Yesu ‘gügbɩɩdhɛ ‘ö bhɛɛsü ‘gü bha- ‘gü. Mɛ ‘bha ‘yii ‘‘gbɩɩdhɛ -wɔ -A kö -yö ö -gɔ lɔɔ ö Dë dhɔɔbhaa –dhɛ; -Dhɔ ‘ö -dɔ -a –gɔ -pë ‘bhaa ‘dhö bha ‘ö go –zuu ‘gü -a Dë ‘‘piʋ̈ bha =në gun –A faan dɔ sië.

=Klang –nu –fëëwɔnbhasü waa Yesu –bha Zuë‘‘ –kë -sɛɛ -sü
=Klang –nu –wo kë -bɔ Zlanwo =klangplöödhɛ ‘kpii- =dede ‘ö ‘‘kpʋngtaa ‘ö- =klang –gɔmɛ ‘ö -kë ‘wɔndɔmɛ ‘ö- ‘‘sima ‘yaa ‘dhö =në- -kuu ‘‘dhiʋ̈. ‘Dhɛ ‘güdandhe –yö nu kö =wa Yesu ‘‘dhiʋ̈ ‘daanë, ‘yö- -nu –kɔ -yö =fëë -a ‘dhɛ ‘ö bɔ- -nu =taama bha- ‘kun –kɔ -bha. –Yö- -nu =gban –wo =dhɛng –dhɛtiidhɛ bha- ‘gü. ‘Yo Piɛdhö -yö ‘mɛ ‘wo bha- mɛ do ‘bha ‘‘tɔdhɛga ‘‘dhiʋ̈bho –dhaa ‘ka, ‘yö- pö =dhɛ ‘yaa Yesu dɔ ‘yö ö -Gɔmɛ, ö Dëmɛ -wɔn zaɔ, ‘ö- ‘gü -sö -bhö. (Matiö 26:56, 69-75).

Yesu –ya –yɔ -bɔ mü =dhɛ ? A dhɔɔbhaamɛ -nu bha –fëëwɔnbhasü -baa mü =dhɛ ? Kö -yö ‘‘dhü -bha, -yö -bhɛɛ -a –nu –wɔn ‘gü: " 'Wɔn =gban ‘‘dhiʋ̈ =ya =mɔɔ ‘‘kwëë!" (Zan 19:30).

-A –dhɛ bha- ‘gü -yö kë za –bho ö -bha =klang –nu ‘wo –pö bha kö ‘waa- ‘wɔn dɔ. yö kë ‘‘kpʋngtaadhɛ =gban dha, Zufö -nu waa ‘‘Mɔɔsëëbhomɛ -nu, -a bha dhasü ‘ka. Yesu ‘yaa yöö ga ‘zü ‘‘Mɔɔsëëbhomɛ waa Zufö -nu –wɔn ‘gü ‘zü. Mɛ =gban –dhɔ -ya –kë, ‘ö dho ‘ö zun- ‘ka –a –yakëmɛ -nu –bha. –A ‘‘yan –yö ‘mɛ ‘wo nu –A ‘‘piʋ̈ -a –bha.

‘Dhsi –gɔ ‘ö -kë ‘Wlɔmö mi ‘ka bha –yö -gun –a ‘‘piʋ̈ ‘ö- dɔ =dhɛ "Zufö -naa –Gwlüdë" =ya ga =dedewo ‘yö =saaga –gban –a ‘‘sɛnga ‘gü kö -a –bhaa ‘gü -yö Yesu zë do. =Saaga ‘ö- -gban –bha ‘‘ni Yesu ‘ö ‘‘yaan =be –yö -dho –a zë do. –A –wëëdhɛ kë -bho ‘‘dhü -bha ‘yö tun –naa ga-. =Ya kë ‘‘dhʋ̈ Maadu –mɔɔ -bha ‘ö- Pö: " ‘Wii- zë, ‘wii- dɔ ‘‘dhü -bha, -yö -wo =në- wo- -nu –dhɛ zangta dosɛng –ee ?" (-Kwlana al-Nisâ' 4:157)

‘Dhɛ Yesu –yö go ga ‘gü ‘yö ö -de –zɔn ö -zuugü -kwi ‘gü ö -bha =klang –nu ‘ö ‘‘suʋ̈ ‘dhö gun- -nu ‘gü ‘wo gun –dingkpɔ -dhɛɛ kö =wa ‘‘kwɛɛ ta kpɛngkpɛngdhö , bha- -nu –dhɛ, ‘yii ‘wɔn –da –nu ‘ka –a –nu –bha ‘‘suʋ̈sü ‘gü, ‘‘kɛɛ ‘yö- -nu =tua bho: " ‘Flëëbhodhe –yö to ka ‘‘piʋ̈." (Zan 20:19) =Dhɛ ‘waa gun- dɔ sië =dhɛ Yö -mü, ‘yö ö -kɔ waa ö -gɛn –nu ‘ö ‘wüsü ‘ka bha- waa- ‘‘sɛn ‘‘pɛɛn -nu –zɔn (Zan 20:20). ‘Yö ‘wo- dɔ =dhɛ Yesu ‘ö gun dɔ sië ‘‘dhü -bha ‘wo- -wɛɛ bho bha –yö ‘go –sü ‘ka ga ‘gü gagadede ‘ka ‘ö- -nu =zinggü!

‘Ö sü- -bha, ‘yö mɛdhamɛ ‘ö go ga ‘gü bha ‘ö zun –a –nu =klangkësü -bha dhasü -zian ‘ö -Nëngkwëë zii ‘gü bha- ‘ka –dhɛkpaɔyi 40 ‘‘piʋ̈, ‘yö ‘taɔng- ‘sëëdhɛ waa ( Pentateuque), -zɔn –nu –dhɛ, ‘‘Tan ‘Sëëdhɛ -nu –Dhɛkpaɔdhiapömɛ -nu –bha ‘sëëdhɛbe –nu =dhɛ ‘Klisi –dho saan‘‘ kö -yö -da ‘tɔbhɔdhe ‘gü (Dhukö 24:26-27). ‘Yö- -nu ‘‘yan ‘‘dhiʋ̈ -pʋ kö -wo ‘sëëdhɛwo –nu ‘güma ko : -a –nu –zo –yö -gban: " ‘Ö ‘‘dhʋ̈ -yö -bɛnzësüka –dhɛ Klisi –dho –wëëdhɛ yö-, ‘yö dho ‘go ga ‘gü -a =dhɛkpaɔyi –yaaga –naa ‘ka." (Dhukö 24:46).

Yesu –yö yëkëkɔ -së ‘ö ‘‘Mɔɔsëëbhomɛ -nu ‘‘piʋ -a –zɔn kwa –dhɛ. =Dhɛ ‘ö bo ‘‘tʋ̈ng –së =dede kë -sü ‘ka ö --bha =klang –nu ‘‘piʋ̈ =dhɛ -kɔ ‘ö- ‘ka –a ‘dhö, kö ‘waa ‘wɔn kë sië -zotandhe ‘gü, ‘‘kɛɛ kö -wa –ya =duë -sü -bha, ‘wɔn ‘ö- -dhɛ ‘dhö- -bha kö ‘kwa- kë yö -mü =dhɛ ‘kwa- -nu –loo ‘ko –ta kö ‘kwa- -nu daan- -Zlanwo =klangkëkɔ -dee ‘ka.

=Wɔn ‘kpii- -bho ‘yɛa- -sü
‘Dhɛ kö Yesu =ya bo ö -bha =klang –nu baa- -sü ‘ka kö -wo pa –Zuu ‘‘Slʋ̈ʋ̈slʋ̈ʋ̈ ‘ka =dhɛ -a –bha gasü ‘ö ‘‘dhübha –a =trɔɔn ‘ka, ‘yo ::- -bha =klang –Wa dhɛɛ‘‘ kpɔ: " Dëmɛ, -a ‘‘tʋ̈ng bha =në- ‘ka ‘yö ‘i dho Israɛdhö -sɛ =gban –ee?" –A –nu –bhaa ‘gü -yö -nu kö -yö ‘‘sɛ =kɔɔn! ‘Wii Yesu –bha dhiang ‘ö- zë ‘ö-gban –gwlüdëdhɛ -pö ‘ö -zuu ‘gü bha- -bha. =Dhɛ ‘ö =klang ‘ö =dhɛkpaɔyi 40 ‘ka bha Dëmɛ ‘ö go ga ‘gü bha yöö =dede =Ya bo- nu –sü =ya bo, ‘Yö ‘wo kpɔ ‘wɔn ‘ö- nu –a –nu –dhɛ bha- ‘ka! –Wo –gun –zo ‘‘ta sië ‘‘sɛ =kɔɔn –kɔ ‘ö ‘‘kpʋngtaa yö =në- ‘ka. ‘Yö =dhɛ ‘wo bo pasü ‘ka –Zuu ‘‘Slʋ̈ʋ̈slʋ̈ʋ̈ ‘ka, ‘yö- -nu –kpan ‘wɔn –bha –kɔ waa –nu dhiang zë -kɔ -nu =gban –wo bho pin- -ta ‘‘pɛɛpɛɛdhö. ‘Yö ‘wo faan =slɔɔ ‘wo zun tɛawɔn ‘ö -gban –dhɔ -bha –a –dhiang zësü -bha. ‘Yö ‘wo zun- pö -sü -bha gɔɔgbɩɩmɛ -nu ‘wo gun ‘‘tʋ ‘to sië bha- -nu –dhɛ =dhɛ -wo –gun ‘wɔnyaakëmɛ ‘ka ‘pö, ‘‘sɔdha –nu ‘wo –sɔmɛtamɛ ‘ka ‘wo go ‘Wlɔmö bha –a –nu ‘‘piʋ̈, ‘yö ‘wo Yesu dun, Yamɛ bha ‘wo- dɔ ‘‘dhü -bha (Këwɔn -nu 2:23)

‘Më Zufö -nu ‘ö ‘wɔn ‘dhö gun –siö -sü ‘ka- -nu –dhɛ -bha ‘wo- -yɔɔ bɔ? Abin! ‘yii ‘‘dhi –zaan ‘‘pʋ! ‘Mɛ ‘yii ‘‘gbla mɛ kpö ‘gü: " –Ka ka ‘‘dhi ta! ‘yii –a zë, ‘yii –a zë, yii –a dë ‘‘dhü -bha!" –Zianwo ö -de zë =në- wo. Zufö -nu –bha wo ‘‘dhitasü bha –ya –zɔn =dhɛ Yesu –yö -dɔ ‘‘dhü -bha. =Ya kë =dhɛ -a kë -dhɛ -dhö -nu kö -wa –bha –dɔdhübhawɔn zaɔ, kö =wa ‘‘gbla =waa- -wɔn –da zaɔdhe ‘gü. Yö =në- -wɔn ‘gü ‘wo wo ‘‘dhi ta. Woo =dede =në ‘wo –gbla =dhɛ : "-Yö dɔ ‘‘dhü -bha, "-Yö dɔ ‘‘dhü -bha!" (Matiö 27:22-26; Zan 19:15)

Piɛdhö waa ö ‘‘tɛɛbënu ‘wo ‘wɔn ‘ö dɔ -sü ‘ka –a –nu –kɔ ‘ka ‘ö -kë ‘wɔn ‘ö -gban Mɛdhamɛ ‘ö dɔ ‘‘dhü -bha –Zlankɔ ‘‘kpandhiʋ̈ mɛ kpö ‘gbɛ =dede wëëdhö bha- -wɔn –bha, kö -gɛnloomɛ -dhɛ =ya bo, -kɛɛgbö -nu zëëdhö. ‘‘Saabhomɛ ‘‘iin –gɔmɛ ‘bha –kuudhilü. –A ‘‘saabhomɛ -nu ‘‘iin –kɛɛgbö -nu ‘bha ‘wii =mɔɔ- -bha kö -wo =gbɛkiëdhɛ –wɔn –da zaɔdhe ‘gü, -a –gɛn –mü =dhɛ -wo wo –kɔ -da Yesu Klisi –bha –dɔ ‘‘dhübhasü ‘gü (Këwɔn –nu 2:36; 3:13-15; 4:10; 5:30; 7:52 waa- ‘bha -nu).

=Gbɛkiëdhɛ ‘ö =klang –nu ‘wo- -kë bha ‘mɛ ‘ö- -naa dɔ ‘ö -wokpö =gaɔ ‘‘saɔplɛ -nu ‘wo Këwɔn ‘gü bha- =taama dɔ =dedwo bha –yö -dho ‘gügbɩɩdhɛ ‘ö ‘wɔn –nu ‘wo –gban Yesu –bha –ga ‘‘dhübhasü ‘gü bha –a ‘güma –a –kɔ -ta. ‘‘Mɔɔsëëbhomɛ -nu ‘waa- ‘güma ‘yö ‘wo- pö =dhɛ ‘waa =mɔɔ- -bha kö -wo mɛ ‘bha –dhɛ mɛzëmɛ kö -gɛn ‘yaa ‘dhö kö ‘pë ‘wo- -dhɛ -bha ‘‘dhʋ̈ kö ‘wii- =slɔɔ -a –mɛ -bha ‘‘puu –ta. –Wokpö ‘‘saɔplɛ bha –wa –zɔn =dhɛ Yesu Klisi –yö -dɔ ‘‘dhü -bha ‘‘dhʋ̈ =dedewo.

Kwa- ‘wɔn –dlo =dhɛ =kjlang –nu ‘waa =mɔɔ- -bha kö -wo Yesu –bha –dɔ ‘‘dhübhasü waa- -gogagüsü -dhiang zë =dhɛ Atanna –bha ‘gu: gbɩɩdhɛ ‘dhö, kö ‘yii kë -Zuu ‘‘Slʋ̈ʋ̈slʋ̈ʋ̈ -bha –da –a –nu zuë‘‘ ‘gü -sü ‘ka. ‘Yö ‘wo wo ‘‘dhi ta kö- -kɔmɔɔwɔnbhasü ‘yaa- -nu –gɔ ‘wɔn ‘ö -kë bha –a ‘gümasü ‘ö ‘yii kë- -nu –gɔ -blɛɛsü bha- ‘gü.‘‘tʋ̈ng =gblɛɛn ‘ka.

=Ya kë =dhɛ ‘kwa =gbɛkiëdhɛ kë ‘‘Mɔɔsëëbhomɛ -nu –dhɛ, kwa –bha ‘wɔn –gɛn –nu ‘kwa- bho bha ‘yaa kë- -nu ‘gü pë ‘bha ‘ka kö -Zuu ‘‘Slʋ̈ʋ̈slʋ̈ʋ̈ -zë kö ‘yii –dhɛ ‘‘pʋ -a –nu –bha ‘wɔndɔdhe –ta, =dhɛ -kɔ ‘ö ‘wɔndɔmɛ Matɛn Dhutɛɛ -ya pö- ‘ka =dhɛ: " a- ‘wɔn dɔ =dhɛ ‘maa =mɔɔ- -bha kö ‘a ‘dhang- bho Yesu, n Dëmɛ ‘‘dhiʋ̈ ‘‘iin kö ‘a nu –A ‘‘piʋ̈ n –de ‘güwɔn waa n –de faan ‘ka, ‘‘kɛɛ -Zuu ‘‘Slʋ̈üslʋʋ̈ =në n –dhɛ naɔwo –së -kɔ ‘ka, -dhɛ -pʋ n –ta –a –bha gbaɔdhe ‘ka, ‘yö n –kë ‘‘slʋ̈ʋ̈slʋ̈ʋ̈, ‘yö dɔ n –ta –zotandhe ‘ka, =dhɛ ‘ö mɛ -dhɛ ‘ö bhɛɛmɛ =gban –klaa ‘kwëë ‘ö- -nu –maa –kë -a –nu –kë do –sü ‘gü -zotandhe ‘gü -a ‘ka."

Bhɛɛsü waa –a –nu baa- -sü =në dho ‘‘Mɔɔsëëbhomɛ -bha –zotandhe baa- ‘ö dho- -nu zuë‘‘ –da –dee ‘gü -Zuu ‘‘Slʋ̈ʋ̈slʋ̈ʋ̈ ‘ö =bhlëësü bha- -kɔ ‘ka =dhɛ kwa Dëmɛ ‘ö go gagü -a –bha =gbɛkiëdhɛ, ‘ö -pëkësü ‘ka kö -yö ‘‘Mɔɔsëëbhomɛ -nu –zokun =në- ‘ka.

7.05 -- ‘Wɔn –Gɛn –Dewɔndhiʋ̈sü –Nu ‘Wo- -Zɔn =Dhɛ Yesu ‘Yö -Dɔ ‘‘Dhü -Bha

‘‘Mɔɔsëëbhomɛ ‘gbɛ =dede ‘waa- ‘‘piʋ ; =dhɛ ‘wɔn ‘ögo Biblö ‘gü ‘wo ‘‘tɔ dɔ- -bha –a –gɛn –mü =dhɛ -wa pö -nu –dhɛ Biblöwo –yö ‘go –sü ‘ka ‘‘gblʋʋ. ‘Wɔndɔdhe ‘gü waa –a –nu –kë ‘‘tɛɛbë -nu ‘ka –sü ‘gü -a –dhɛa –bha kö ‘kwa –kɔ =gban ‘gü kö ‘wɔn –gɛn =dede kpɛngdhö ‘ö -gban Yesu –bha –dɔ ‘‘dhübhasü -gɛngodhɛ -bha, ‘ö ‘yii kë -Zlanwo =klang ‘ka –a ‘ka –a –zɔn –nu –dhɛ.

‘Wɔntomɛyaanmɛ =plɛ ‘wo –kë ‘Wɔmö ‘ka –wo kë Yesu, Josɛfö ‘ö go Nzadhɛtö -a gbö –bha gasü -wɔn –pö. –A mɛ do ‘wo- -dhɛ Tasitusö bha- -bha ‘sëëdhɛ ‘gü, ‘sëëdhɛbe ‘dɛɛdɛ, ‘yö- mɛ do –yö -kë Flaviusö Josɛfö ‘ö- -bha ‘sëëdhɛ -yö -kë ‘pö =dhɛ, -gwlü ‘ö -da Zufö -nu –ta. –A ‘sëëdhɛ =gaɔ VIII –naa bha Josɛfö -yö Yesu –bha –dɔdhübhasü ‘ö gun Pidhatö =yënggü bha- -dhiang –zë -a ‘‘dhiyanwo 3:3 ‘gü. ‘Sëëdhɛ -be =plɛ bha –wo –mɔɔ -bha ‘wo ‘‘Mɔɔsëëbhomɛ -nu –takun –a –nu –bha –zotadhe (‘wɔnslëënbhosü) ‘gü tɛawɔn ‘ö Yesu –bha gasü ‘gü bha- ‘gü.

‘Wɔn ‘ö bha –yö -dho Tamulüdö ‘ö -kë Belüziö mi ‘ka bha- ‘‘piʋ̈. Zufö -nu –wo ‘‘tʋ̈ng ‘bha –kë Belüzükö -bɔ Yesu ‘kamɛ -nu kpö ‘gü ‘yö ‘wo- -nu –ya ‘‘gʋ̈ng –ta Yesu –bha –dɔdhübhasü -wɔn ‘gü. ‘Yö ‘wo- -bɛnzë =dhɛ Yesu ‘ö -kë Zosɛfö gbö ‘ka bha, -yö -ga. ‘Pë ‘wo- -bɛnzë Tamulidö ‘gü bha waa Yesu –wɔn –zuö -kɔkeetasü ‘ö =suakëmɛ -nu waa Ɔɔtodɔsö -nu ‘wo- pö =dhɛ mɛ -zo –dho bhɔ -a ‘tɔ ‘ka bha ‘waa do. ‘Yoo- pö -a –dhɛ -zian ‘yaa- -bha kö -a ‘tɔ -yö pö mɛ -nu kpö ‘gü!

‘Yö pë -bɛnzëssü ‘ö- -yödhiʋ̈bhlɔɔ ‘yaa ‘dhö ‘yoo –kpan –bha kö -yö -bɛnzësü ‘ka ‘sëëdhɛ do ‘bha –ta ‘Wlɔmö. ‘Yö -dɔbhadhü do ‘ö gun ‘yën –sü kö -yö dɔ sië ‘kɔbhang –bha kö ‘mɛ ‘ö- -gɔ -yö bhɔ soofëng –bha –yö dɔ sië- -bha kö ‘Wlɔmö ‘‘sɔdha –nu =wɛɛ dɔ sië- -bha. Pë ‘‘blɛɛn- ‘wo- -kë bha –ya –zɔn =dhɛ Yesu –bha –dɔdhübhasü bha –a –naa –yö -gun dɔ -sü ‘ka ‘Wlɔmö -nu kpö ‘gü ‘ö ‘wo gun- -dhiangzë sië ‘‘dhɛɛ -ta, yö -mü =dhɛ ‘Wlɔmö ‘‘sɔdha –nu –wo –gun ‘dhangbho sië Mɛdhamɛ ‘wo- dɔ ‘‘dhü bha bha- ‘‘dhiʋ̈. ‘Wɔn ‘gbɛ =dede ‘ö -kë ‘wɔnzii ‘ka ‘ö-gban Yesu –bha –dɔdhübhasü -wɔn –bha ‘ö =mɔɔ- -bha ‘ö- -kë ‘ö ‘‘Mɔɔsëëbhomɛ -zota –wo –dhö. Zamalö Abd al-Nasser ‘ö go Egitö, Papö Zan XXIII bha ‘yö ‘wɔn –ya Zufö -nu –bha –a pö -sü ‘ka =dhɛ =dɛɛ -zë ‘gü wo =në ‘wo Yesu zë. Ezitömɛ -nu –gɔmɛ, ‘yö- -yɔɔ bɔ -kaan =dede ‘ka Papö bha- -gɔ tedhe ‘gü waa –wɩgüpë -nu –kpɛɛ ‘gü: "’‘Ya ka kë ‘‘slë dɔ! Ka- ‘‘piʋ̈ kö ‘ka ‘wɔn bho Zufö: -nu waa Israɛdhö -bha! ‘Yii ‘dho ‘‘wɩ -a ‘dhɛ ‘kö bha- kësü tongtongdhö! ‘Mɛ Yesu zë yi- -dɔ: Zufo :: -nu =në ‘wo- dɔ ‘‘dhu –bha mɛ ‘‘wɛɛ ‘bhaa –mü!" ‘‘Dhiʋ̈sü ‘‘Mɔɔsɛkamɛ -nu, -bɔ Yesu ‘ka –mɛ -nu, Plɛtö -nu, Pasitëë -nu waa ‘‘dhiʋ̈sümɛkamɛ -nu ‘wo- ‘gü ‘‘yʋ̈ʋ̈ to. –A –dhɛa –bha ‘nu kö -wo ‘‘dhü -wɔ Israɛdhö -ta Zamalö Abd al-Nasɛɛ -zë -gun baa- -sü ‘ka kö -ya pö =dhɛ ‘wɔn –yö zë -sü ‘ka –Kwlana ‘gü!

‘Tɔng- ‘wo- Saadhia –kë bha- ‘gü zadɔmɛ -nu –waa ‘wɔnbhokoomɛ ‘wo =klanggɔmɛ ‘‘gblʋ̈gblʋ̈ -nu Al-Azhar Ezitö ‘yö ‘‘Mɔɔsɛgümɛ ‘bha –nu ‘wo- pö =dhɛ woo Nasɛɛ ‘ö dhiang ‘ö- zë bha- -bhapiʋ̈ kë ‘‘su do ‘‘piʋ̈, ‘yaa yö -zë ‘ka kö mɛ -nu wo- ‘sü =dhɛ tɛawɔn ‘dhö. –A –wɔn ‘gü, ‘sëëdhɛ dɔmɛ -nu –gun ‘‘suʋ̈ sië ‘gügbɩɩdë bha- -gɔ ‘‘iin ‘zu ‘waa gun- ‘‘piʋ̈ =dhɛ kö ‘wɔn bha –a –kwɛɛ -yö ‘go Israɛdhö -bha. ‘Yö ‘‘dhiʋ̈ -sü ‘‘Mɔɔ- -sɛ ‘kamɛ ‘wo –ya wo ‘‘dhi ‘‘tʋng, ‘yö -a –nu –bha wɔ -kɔ ‘ö -kë Sadhia ‘ka bha, ‘yö- pö =dhɛ Yesu –yö kë -dɔ ‘‘dhü -bha =dedewo ‘‘kɛɛ ‘yii- pö -dɔzinnggüsü ‘ka kpangkpangdhö. ‘‘Kɛɛ ‘waa ‘‘wɩ- -bha ‘‘puu –ta, -a –gɛn –mü =dhɛ -yö -dho –Kwlanawo ‘bha –nu bho ‘‘glʋʋ, -a =gban ‘gü kö -wo ‘wɔn –wɔ Israɛdhö -ta, kö -wo –dho –dho ‘dhang bho ‘wɔnyaa bha- =gban ‘‘dhiʋ̈ ‘‘pɛɛpɛdhö!

=Dɛɛ, Zufö -nu ‘wo –kë -pʋtaamɛ ‘ka ‘ö- -nu kpö ‘dhö ‘dhö ‘wo –yadetasü ‘ka ‘wo go Ɔtodɔsö -nu ‘‘piʋ̈, ‘ö ‘wo –tosɛa –kë Israɛlö -sɛ ‘gü, ‘yö- mɛ kpö bha ‘wo ‘wɔn ‘ö -gban Yesu –bha bha –a ‘‘piʋ̈ pɔn kö -wo nu wo ‘‘dheebhang ‘ö dhɛng –sü ‘ka bha- ‘ka wo –bha ‘‘sɛgümɛ -nu ‘‘piʋ̈. ‘Yö ‘wo- pö =dhɛ Yesu ‘ö go Nazadhɛtö bha –yö -bhɔ ‘‘dhʋ̈ =deewo, yö zë ‘gü ‘yö ‘wo dhɛɛ kpɔ, =ya kë =dhɛ kö ‘‘sɔdha do =në ‘ö ‘‘gbɩɩdhɛ =wɔ -a –ta. –Yö ‘wo –ya zaɔdhe –da –sü -bha –a –bha mɛ =klangkëwo –nu waa- -bha –dhidha –nu –ta. ‘‘Kɛɛ ‘më ‘wo- -bɛnzë -a –bha gasü -bü ‘gü? –Wa –bha –dɔdhübhasü -wɔn –zaɔ =dhɛ Maadu ‘dhö -ee? Dhɛɛ ‘‘kpʋngsü bha- -yɔɔ -mɛɛ =në ‘wo- bɔ? ‘Yö ‘wo Yesu –bha –dɔdhübhasü bha- ‘güpö =dhɛ: " ‘Wɔnzëmɛgɔsü =dede –mü!" ‘yö ‘wii ‘‘dhi –zuö -a –dɔdhübhasü -bha. Zufö -nu –todhʋ̈sü, kö- -nu –wo –ya ‘gü do, ‘wo gun- ‘‘piʋ̈ =dhɛ ‘wo Yesu –bha –dɔ ‘‘dhübhasü -wɔn zaɔ këdhʋ̈ kö -yanmawɔn ‘ö -kë ‘ö -kwɛ 2000 =ya ziö bha –a –kwɛɛ -yö ‘go- wo –ta, ‘‘ni ‘ö- këdhɛ do –zian ‘ö- -nu –gɔ ‘nu =be. ‘‘Kɛɛ -wa ‘wɔn –dɔ =dhɛ ‘wɔn zii ‘ö bha –a –bha ‘‘glʋʋdhɛ ‘yaa ‘dhö yö -mü =dhɛ -yö -dho ö -de –dhiang zë -wa.

7.06 -- -Wokpö -Nu ‘Wo –Kwlana ‘Gü ‘Ö ‘Wo- -Zɔn =Dhɛ Yesu –Bha Gasü Bha –Zotagüwɔn –Zian ‘Yaa –Mü

Kö Maadu –zotagüwɔn –nu bha ‘ka- -nu daan- -sëë ‘ka Isa –bha gasü ‘ö -Kwlana ‘gü bha- -bü ‘gü, ka –dho –kpan –a –bha –dɔdhübhsü -san –bha kësü -bha mü ‘‘dhɩdhɩ -a –bha ‘wɔnkëkɔ ‘gü. –A zü -yö -bho –wɩ -a –bha gasü -bha –sü ‘gü, ‘ö dho ‘ö zun- ‘ka =trɔɔn ‘ö- -bha gasü ‘gü bha –kɔ -a ‘ka –sü -bha. –A –wɔn ‘gü, -ang pöwo waa –a –nu zë -dhiang ‘ö -dɔbhadhü ‘‘gblʋʋ -ta bha faan ‘yaa- ‘bha –nu –bha, ‘ö ‘kwa =mɔɔ- -bha ‘kwa- sü =gbɛkiëdhɛ ‘ka ‘‘Mɔɔsëëbhomɛ -dhɛ.

Atanna –wodhiʋloomɛ -nu zësü ‘ö Israɛdhö bha –a –dhiang –yö zë -sü ‘ka –gɛnyan –kaɔng do ‘ka ‘ö ‘wɔnyaa ‘ka –Kwlana ‘gü (-Kwlana al-Baqara 2:61, 87, 91; l ‘Imrân 3: 21, 112, 181, 183; al-Nisâ’ 4: 155, 157; al-Mâ'ida 5: 70). –A –wokpö -nu bha –a do ‘bha –ya –pö:

" Yi- -nu Isa –dhɛ, Madhi gbö bha yi ‘wɔn –zɔn –a –dhɛ ‘‘puu –ta kö -a faan –yö dɔ Zuu ‘‘slʋ̈ʋ̈slʋ̈ʋ̈ -kɔ ‘ka. =Ya kë ‘‘dhʋ̈ bha -ɔɔ, kö Atanna –wodhiʋloomɛ ‘dhɛ =ya nu ‘ö- zëdhiang ‘yii dhi ka –dhɛ koï ‘ka- -dhɛ =suakëmɛ kö ‘ka- -nu ‘kun kö ‘ka –a –nu zë?" (-Kwlana al-Baqara 2:87)

-Wokpö -nu bha –a –nu =gban –wo –bɛn –zë kö Maadu –yö =tun Medinö. ‘Yii –wodhiʋ̈loomɛ -nu ‘ö ‘wo- -nu zë -Nëngkwëë zii ‘gü bha- -nu –wɔn –da zaɔdhe ‘gü, ‘‘kɛɛ -ya –nu –sü =dhɛ za ‘ö Zufö -nu –bha –a ‘dhö. –A yö -zë ‘gü, -a –zö -bhɔ =dhɛ Madhi gbö bha –wo kë -a –zuö -gwë ‘ka ‘pö, =dhɛ ‘ö -kë =dhɛ -ya –dhɛ -wodhiʋ̈loomɛ ‘wo- zë ‘pö bha (-Kwlana al-Baqara 2:87; al-Nisâ’ 4:57). Kö -Kwlana –bha ‘wɔndɔdhe –yö kɔngga –gii Yesu –bha gasü =në- -ta bha.

Yesu –bha gasü ‘ö -Kwlana ‘gü
-Wokpö do –yö -Kwlanawo ‘wo- Madhiaö -kë bha- ‘gü ‘ö ‘wo =mɔɔ- ‘wo- -kë =gbɛkiëdhɛ ‘ka _bɔ Yesu ‘kamɛ -nu –bhaa ‘ka –Kwlana ‘gü ‘ö- -bha –tosɛa –kë -wokpö do ‘ka:

" ‘Dhuëë- -yö kë N –ta N bhɔ -yi ‘ka, N ga –yi ‘ka waa =dhɛkpaɔyi ‘ö ‘wo dho N ‘ka ‘‘bhɩɩ- ‘ka –a ‘ka." (-Kwlana Maryam 19:33)

Maadu –ya –zɔn =dhɛ Isa bha kësü bha –yö -a –bha gasü ‘ö- zɔn bha ‘yii kë ‘Në ‘ö- Dë ‘aa ‘dhö -a ‘ka . –A –bha bhɔsü -yö -kë Ala –bha –gasitɛ -kɔ waa- -bha ‘‘klʋʋsëdhɛ =wlöö. –Dhɛ ya- ‘gü Atanna –wo ‘ö -gla waa- -bha –Zuu ‘ö Klisi ‘gü bha –a ‘bhü -yö -dɔ Kwlana -ta (-Kwlana l ‘Imrân 3:45; al-Nisâ’ 4:171; Maryam 19:20; al-Anbiyâ’ 21:91; al-Tahrîm 66:12 zaa- ‘bha -nu). –Yö ‘‘tanwo ‘ö -kë -Zlan –bha ‘‘kië -nu –wo ‘ka Betedheɛmö ‘blakɔ -nu ‘gü (Dhukö 2:14).

Klisi –yö -zɔn Kwlana ‘gü =dhɛ ‘flëëbhodhe –damɛ ‘dhö. ‘Yii ‘wɔnyaa kë (-Kwlana Maryam 16:19), ‘Yii kë gbangɔn ‘ö sɔmɛta –a ‘ka (-Kwlana Maryam 19:32). ‘Yii –da –gwlügɔnmɛ -nu, mɛzësü ‘‘iin dhiang yaa zësü ‘gü. Klisi –yö -gun ‘flëëbhodhe –damɛ, ‘ö -kë ‘‘Mɔɔsëë ‘klɔɔ- ‘ka bha- ‘ka, -gwlüdë ‘ö ‘flëëbhodhe ‘dhö- -gɔ.

-Wokpö ‘ö (-Kwlana Maryam 19:33) ‘gü ya –ya –zɔn ‘‘puuta =dhɛ Klisi –bha gasü -zɔn. -Wo ‘ö ya –yö ‘‘kang =në- ‘ka ‘‘Mɔɔsëëbhomɛ -nu –bha –kpɔɔwɔngümɛ -nu –gɔ. ‘Yö ‘wo –wo bha- =slëë- -ta ‘yö ‘wo- -bɛzë =dhɛ, -yö -bhɔ -bha =dhɛ, -a –dhɛa –bha kö Isa –yö ga, ‘‘kɛɛ -a –dhɛ ‘aa- -bha kö -yö ‘‘kpʋngtaa –ga wo, ‘‘kɛɛ -a –bha nu –kɔ =plɛ -naa ‘gü. –Yö -dhö nu kö -yö -dɔ -a –gɔ -mɛ -blɛɛsü bha- zë, =ya ‘go mü -yö -dho –bhɔɔ -nu =gban zë ‘ö dho –a –dɔbhadhü =gban ‘gü see-. =Ya ‘go mü, -yö -dho dhe ‘sü, ‘ö ‘në -nu kpɔ ‘ö dho mɛ ‘gbɛ =dede zuë‘‘ slëë- ‘‘Mɔɔsëë ‘gü. ‘Yö dho ‘ö ga! –A –bha gasü =në dho kë ‘‘tʋ̈ng –totaamasü dɔ -sü ‘ka (-Kwlana al-Hujurât 49:61). =Wa bo –a –wɛɛbosü ‘ka Maadu ‘‘sɔɔ Medinö, ‘yö Ala yöö =dede ‘ö -wo zangta zadɔyi ‘ka, ‘yö Maadu waa Klisi bho gamɛ -nu =zinggü ‘yö - -nu –ya ‘‘gɔ -gbloo –ta kö -wo wo –kɔ -da zadɔ ‘‘kpʋngtaadhɛ -bha –sü ‘gü ‘pö.

-A –gleng do ‘bha ‘ö ‘wɔn bha- ‘gü =në ‘ö -kë ‘‘kpëng ‘ka. –A ‘‘dhiyanwo 23 ‘gü bha alaböwo ‘gü "saufa" ‘ö -kë Isa –bha gasü ‘ka bha –wa –ya –dhɛkpaɔdhia ‘güwɔn =në- ‘ka, ‘‘kɛɛ kö -a –bha gasü ‘ö ‘wɔn klöö- ‘ka yö -mü, mɛdhɛ ‘gü, =dhɛ mɛbhɩɩdhe –bha bhɔsü, -a –bha gasü waa- -gogagüsü ‘dhö. –A ‘‘pɛpɛ ‘kö ‘wo- pö -a ‘‘piʋ̈ -yö =dhɛ ‘‘yɛɛn –gɛndɔsü waa =sua –nu kö -wo mɛ -nu wë bho Yesu –bha tɛawɔn –bha –sü =në- ‘ka.

-Wo do ‘ö dho –a ‘dhɛ bha- ‘‘piʋ̈ -Kwlanawo ‘ö -kë Maryam ‘gü ‘ö -gban Zan bɔyibhaamɛ (Yahya), ‘ö dho Isa –zɔn ‘ka =dhɛ Yahya. Yö, Djibril, ‘ö -kë Ala –bha ‘‘kië ‘ka –ya –pö: "‘Flëëbhodhe- -yö kë I –ta –a bhɔ -yi ‘ka, -a ga –yi ‘ka, ‘ö dho- ‘ka ‘ö zun- ‘ka –a –dho ‘‘bhɩɩ- ‘ka –yi -bha." (-Kwlana Maryam 19:15)

Kwa- ‘wɔn –dɔ =dhɛ Zan bha –wo kë -a –zë ‘ö ‘wo- -wɛɛbho. ‘wɔn bha –yö -bɛnzësü ‘ka =dhɛ -kɔ do ‘ö Isa bha ‘dhö -yasü ‘ka –a ‘dhö: -a züdɔsü ‘ö- bhɔsü ‘ka, ‘yö zun –a gasü waa –a –go gagusü -bha. –a –kë ‘‘dhʋ̈ -sü ‘gü, -a –dhɛ ‘kö -gban Isa –bha –a ‘gü, -dhɛgawɔngümɛ -nu –wo –a –slëë -ta kë ‘‘dhʋ̈ kö -a –bha –dɔdhübhasü -yö -da zaɔdhe ‘gü.

-A ‘bha –nu ‘‘dhʋ̈ Maadu –yö Isa waa Yahya –da \ko ‘‘piʋ̈ kö -ya –zɔn =dhɛ Isa ‘yaa Zlan ‘ka. ‘‘kɛɛ -yö Isa –to mü =dhɛ -dhɛkpaɔdhia pömɛ ‘ö go dhanggü -a ‘dhö, ‘‘kɛɛ kö Yahya –zë ‘‘kië ‘wo- Djibril –kë =në kë -a –zɔn. –Kwlana ‘gü Isa –yö ‘kpii- ‘ö =ziö- ‘ka Yahya –ta. Mdhi gbö -yö Ala –bha –Zuu ‘dhö =nëng ‘gü, ‘ö -gla =në- ‘ka, kö Yahya –zë -yö -gun ‘në ‘ö bhɔ =dhɛ ‘në -kɛa –nu ‘dhö ‘ö -a –mɛ -nu ‘dhö dɔ -sü ‘ka yö -mü.

-Kwlana ‘gü, ‘wɔnyaa –tangga ‘yaa Isa –bha –tosɛa –bha -Kwlana l ‘Imrân 3:45; al-Nisâ’ 4:171; Maryam 19:19 waa- ‘bha -nu). =Ya kë ‘‘dhʋ̈ ko :: ‘yii ga –a –de këwɔn ‘gü. =Ya kë ‘‘dhʋ̈ kö -ya –wɔn =dhɛ kö -yö mɛ =gban –bha ‘wɔnyaa =në ‘ö- -kwɛɛ dɔ Ö -bha ‘yö ga- -nu –wɔn ‘gü, ‘yö mɛbhɩɩdhe waa Atanna –a –nu –kɔ -da ‘ko =kwɛɛ ö -de –kë ‘‘saapë ‘kasü -wɔn ‘gü. –Kwlana ‘gü, Isa –ya pö -sü ‘ka =dhɛ Ala –bha ‘flëëbhodhe –yö -dho kë yöö =dede ö -ta ‘ö zun- ‘ka –a ga –yi –bha.

‘‘Kpënngkë mɛ -gɔ -mɛ ‘‘gbɩɩ- (flükësü)
-Wokpö do ‘bha ‘ö Maadu këwɔn –zɔn Klisi –bha gasü ‘gü bha –yö -slɔɔ -Kwlanawo ‘wo- l ‘Imrân:

" –Yö ‘‘kpënngkë ‘yö Ala =dee ‘ö ‘‘kpënngkë ‘pö, ‘yö Ala ‘dhö ‘‘kpënggmɛ -nu –gɔmɛ ‘ka, ‘yö sü =dhɛ -ya –pö: ‘O Isa, a –dho i –da yi ‘gü (gasü) a –dho i wlüü‘‘ n’‘piʋ̈ .’ " (-Kwlana l ‘Imrân 3:54-55)

-Kwlana –bhaa ‘gü ‘mɛ ‘kö ‘wo ‘‘kpënngmɛ -nu ‘ka ‘wo Zufö -nu ‘ka. –Wo –gun ‘‘slë mɔɔ- sië- -bha kö -wo kö -wo Isa zë -sɔɔdhö, ‘‘kɛɛ mɛzësü ‘‘slë ‘wo gun- mɔɔ- sië bha Ala –gun dɔ sië ‘‘dhiʋ̈. Yö -zë -yö ‘‘kpënggsü ‘ö =ziö- -nu =gban –ta, ‘yö =kwaa Isa –zü ‘yö ga ö ‘flëëgü ‘yö- =wlüü ö ‘‘piʋ̈ dhanggü -a –kuudhiʋ̈.

Ala këwɔn ‘kpii- ‘ö -Kwlana ‘gü =në gun –më ‘ka? –Yö Klisi –dha ga ‘‘gbɩɩ ‘ö -kë -gwë -zuö mɛ ‘ka –sü ‘ka waa –dɔdhübhasü ‘ka bha- –gɔ. =Dhɛ bha =në ‘ö Maadu –yö Klisi –bha –dɔdhübhasü -zuö -kɔ =keeta ‘ö ‘yii ‘‘dhi –zian –zuö -a –wɔn –bha. –A ‘wɔn këkɔ bha, ‘wɔn –yaaga ‘ö "-piʋtasü " ‘ka =në ‘ö dho =slɔɔ- -wokpö ‘ö bha –a ‘gü.

Kö -yö Klisi –bha –dɔbhadhü bho ‘wɔn bha- ‘gü, ‘yö Maadu –yö Ala –dhɛ ‘mɛ ‘ö ‘‘kpënngsü ‘ö -ziö mɛ =gban –ta. Biblö -yö ‘‘dhi –zuö ‘wɔn bha- -bha =mlɛɛ -bha –bü ‘gü bhɔɔpö ‘gü (Genɛzö 3:1)! -Dɔbhadhü -kuudhiʋ̈, -Zuu ‘ö ‘‘Mɔɔsɛgü bha –ya –bho ö ‘‘dhi –bha =dhɛ de –mü ö ‘ka! Ala –yö kë ö -de –zɔn. –A –dhɛa kö -Kwlana zëdhiang –nu bha –a =trɔɔn yaa ‘ö=mɔɔ- -bha ‘ö -nu kwa –ta bha –a –ga. Efɛzö 6 :11-20 ‘gü, Pɔdhö -yö -Zlan –bha yëkëmɛ =gban faan –dɔ kö mɛ ‘bha ‘ya ‘dho –mlɛɛn ‘ö bhië‘‘ ‘dhö kwa =zinggü bha- -kan ö -bha ‘wɔndɔdhe ‘ka, ‘‘kɛɛ ‘kwa bhɛɛ‘‘, -zotandhe ‘ka yëkësüka dosɛng Yesu Klisi ‘tɔ waa- -bha Zuu ‘tɔ ‘gü. ‘Dhɛ ‘ö Klisi –dɔbhadhü -wɔn ‘dhö zaɔ -sü ‘ka, -kwa –go zaɔdhe –ma –sü ‘‘wɛɛwɛ ‘gü ‘ö ‘kwa –da –Zuu ‘gü -wɔn yaa ‘‘yina yaa =në- ‘gü. Yesu =yɔɔ dosɛng =në kwa –maakëpë ‘ka (1 Zan 1:5; 2:2) ‘yö- -bha –Zuu ‘dhö kwa –bha ‘gügbɩɩdhɛ ‘ka (Këwɔn -nu 1:8).

-A –wokpö do ‘bha ‘ö ‘sëëdhɛ ya- ‘gü yö -mü: "mutawaffîka" =në- ‘ka. Ala –ya –pö: " a –dho ü ‘to mü i ga i ‘flëë- ‘gü." –Wokpö bha –a ‘klɔɔ- -yö ‘gbɛ. –A ‘bha =në -kë =dhɛ " Yizësü ‘ö -piɔɔdhö" ‘‘iin ‘zü " –Tosɛa ‘‘dhiʋ̈ -to bhɔɔgüsü ". Maadu –yö -wo bha- -pö ‘‘dhʋ̈ kö -yö ‘‘Mɔɔsëëbhomɛ waa –bɔ Yesu ‘kamɛ -nu =nii –da. –A –blɛɛsü, -yö kë -ga, mɛ ‘bha –nu –dhɛ, ‘yö- pö ‘yii kë ga. –A –nu –bha –wotadhe ‘gü " Isa –yö kë -dho dhanggü kö ‘yii sëë -ziaan wo. Maadu –gun ‘‘kpëngmɛ ‘ka, ‘yö ‘wɔn bha- pö =plɛ, -yaaka –ziaan ‘ka kö- këdhɛ =ya kë- -bha, -a –yaaga bha- ‘klɔɔ- -yö ‘do do, ‘yö -a –wo –nu bha –a pö -kɔ do –kë!

=Ya kë Tuuköwo waa Ɛndoneziwo ‘gü -wo =wo ‘ö -Kwlana ‘gü bha ‘ö -kë =dhɛ" a –dho kwaa u –zü i ga i ‘flëë- ‘gü" bha, ‘kwa –dhɛgatasɛngdhö -yö -dho –a –blɛɛsü ‘‘piʋ̈ këdhʋ̈ kö -dhlegawɔngümɛ -nu waa- mɛ ‘bha –nu ‘wo go ‘‘Mɔɔsɛ ‘gü bha –yö ‘wɔnsë kë- -nu =dhɛ.

Maadu –gun pö sië: " –gwlü -zë, ‘‘kpëngkësü -mü!" –Gwlü ‘‘slʋ̈ü ‘ö- zü -yö -gban –bɛndhiʋ̈ -dhang ‘ö waa –bɔ Yesu ‘kamɛ -nu ‘‘piʋ̈ bha –yö pasü ‘ka ‘‘kpëng- waa –wɔmɛgɔsü ‘ka. –A dhɛa –bha kö ‘kwa ‘kwa kwa kë -kɔ slëë- -ta =kpaɔdhɛ ‘ka! Pë ‘‘ʋʋ pë ‘ö pö -sü ‘ka ‘‘Mɔɔsɛ ‘gü -a ‘güwɔn –zë ‘yaa kë ‘ö ‘yaa –ya ‘klɔɔ- ‘‘dhiʋ̈ -zianwo!

=Dhɛ ‘kö Maadu –ya pö =dhɛ -dɔdhübhasü -dhiandzë sü -zë ‘yaa pöwɔn ‘ka Ala –bha ‘‘kpëngkë mɛ -gɔ -sü- -dhiang ‘ka, ‘yö ö -zoloo ö ‘flëë ‘gü kö -yö kë ‘‘mɔɔsëëbhomɛ -nu waa –bɔ Yesu ‘kamɛ -nu ‘wo go Yemɛnö –zo =loosü ‘ka. –Ya –kë ‘ö Isa dosɛng ‘‘dhiʋ̈ -wlüü" Isa –dho –A ‘‘piʋ̈! Dhiang suu ‘ö mɛ -dadhuu yö =në gun- ‘ka –Kwlanawo ‘gü! –Kwlana –bhaa ‘ka " Isa –yö -tosɛa kë sië Ala ‘‘piʋ̈ =dɛɛ ‘gü ‘ö dhiang zë -a ‘ka (-Kwlana l ‘Imrân 3:55; al-Nisâ’ 4:158; al-Mâ’ida 5:110-111, 116-118; al-Anbiyâ' 21:28 waa- ‘bha -nu). Maadu –bhaa ‘ka, -wo ‘‘yan to sië -dhɛ ‘‘wɛɛ do ‘bha ‘gü (Barzakh) kö za -dɔ gamɛ -nu –bha ‘‘tʋ̈ng –yö =loo. ‘Ö ‘‘dhʋ̈ ‘‘Mɔɔsëëbhomɛ -nu –wo bhɛɛ‘‘ –a –dhɛ -a –bhaa ‘ka, kö waa- ‘tɔ pö ‘‘tʋ̈ng =gban ‘gü. (-Kwlana al-Ahzâb 33:56)

-Zuu ‘ö ‘‘Mɔɔsɛ ‘gü -dho =mɔɔsɛ ‘gü bha –dho ‘‘wɩ- -bha kö Klisi ‘ö ‘‘bhɩɩ- ‘ö dho nu bha, ‘ö dho –ya ‘‘mɔɔsëë -gɔ ‘‘dhiʋ̈, ‘‘kɛɛ ‘waa ‘‘wɩ -zë wo- -bha =dhɛ -yö -ga ‘‘dhü -bha ‘ö Zlan =dede ‘ka! –Kɔ bha- ‘gü, Pɔdhö waa Zan –nu zë -dhiang bha –yö -gban ‘‘Mɔɔ- ‘sëë- -bha ‘pö (Gadhatö 1:8-9; 1 Zan 2:21-27; 4:1-5). Dhiangzësü suu ‘‘pɛpɛ ‘‘Mɔɔsëëbhomɛ -nu –dhɛ kö -wo wo zuë‘‘ ‘‘slëë -dho kë, kö -wo kë kwa ‘‘tɛɛbë -nu ‘ka, ‘‘kɛɛ ‘kwa bhɛɛ‘‘ –nu –wɔn ‘gü kö -wo ‘go ‘‘gan ‘ö- -nu =gban ‘dhö- ‘gü bha- ‘gü. Maadu –gun ‘wɔn dɔ sië =dedewo, ‘yö gun –a –bha =klang- -nu –zo –boo sië waa mɛ ‘‘wɛɛ -nu –bha –nëngkwëësü suu ‘‘pɛpɛ -gɔ kö ‘wa ‘dho –da –a –nu –bha –zotandhe ‘‘piʋ̈, ‘‘kɛɛ -bɔ Yesu ‘kamɛ -nu kpɛngdhö (-Kwlana l ‘Imrân 3:28; al-Nisâ’ 4:89; al-Anfâl 8:73; al-Mumtahana 60:1, 9). –A –dhɛ ‘aa- -bha kö ‘‘suʋ̈ -yö kwa kë dhiang –zë‘‘Mɔɔsëëbhomɛ -nu –gɔ -sü ‘ka, -a –gɛn –mü =dhɛ Klisi –bha ‘dhuëë- bha faan –ya –bha ‘ö =ziö- ‘ka Maadu –bha ‘‘dhangga -ta! (Matiö 5:44-45; Sourate l ‘Imrân 3:51; al-Tawba 9: 29 waa- ‘bha -nu)

-Wokpö ‘ö -kë =dhɛ " yizë ‘flëëgüsü " ‘ka bha –yö pö -sü ‘ka –gɛnyan =plɛ Klisi –bha gasü ‘‘glʋʋ -ta (-Kwlana al-Mâ’ida 5:117). –Dhɛ bha- ‘gü ‘yö Madhi gbö -yö dhiang zë Atanna –dhɛ vɛɛdhö, kö =ya ‘dho dhanggü -a –zɔn –sü ‘ka =dhɛ Atanna –yö -kwaa ö -zü ‘yö ga ö ‘flëëgü ‘yö- -bha =klang –nu –wo yë bha- -kwɛɛ ‘sü -wo ‘dho- ‘ka ‘‘dhiʋ̈ -a ‘‘glʋʋ ‘gü. Klisi –bha gasü ‘ö ‘flëëbhodhe ‘gü bha –a ‘gü -yö pösüka –kɔ =plɛɛ ‘ka –Kwlana ‘gü, =dhɛ ‘bën’yaa- -bha, =dhɛ -dhɛkpaɔdhia ‘güwɔn ‘ö =ya =mɔɔ ‘‘kwëë, ‘yö ‘wo- pö ‘komüdhe ‘ka kö ‘‘mɔɔsëëdhɛ -wopömɛ -ya ‘wɔndɔ =dhɛ Klisi ‘yii dɔ ‘‘dhü -bha, ‘‘kɛɛ -yö -dho ‘flëëbhodhe ‘ka Ala ‘‘piʋ̈!

Klisi –bha –dɔdhübhasü zaɔsü -tataamasü
-Wokpö dosɛng ‘ö -kwlana ‘gü ‘ö Isa –bha –dɔdhübhasü -wɔn zaɔ vɛɛdhö (-Kwlana al-Nisâ’ 4:157) ‘gü bha –yö Maadu zëdhiang –nu ‘ö -gban =dhɛ Klisi ‘yii dɔ ‘‘dhü -bha bha –a ‘‘dhiʋ̈todhɛ -bha. –Wokpö bha –yö kpö -ya ‘wɔn ‘‘pɛpɛ ‘wo- pö ‘ö -kë =dhɛ " –bhokkwiiwɔn " ‘wo ‘‘dhiʋ̈ =be, ‘ö ‘wo dho –gɛn –gban –ta –a pö -sü ‘ka =dhɛ Mdhi gbö -yö -go ga ‘gü ‘yö ‘wo Klisi –wɔn pö ‘kö mü ‘ka, kö -duɛ ‘në ‘bha –yö ‘to kkö woo- -dhiang zë kö -wo kö mɛ -nu –wo ‘ya ‘dho kë- ‘gü do. –Kwlanawo ‘öal-Nisâ’ ‘gü, -Kwa- -wopö mü =dhɛ:

" Zufö -nu –gun pö sië: Yi =në ‘yi –Yaɛ Isa zë, Madhi gbö, Ala –bha bɔmɛ!’ ‘wii –a zë, ‘wii –a dɔ ‘‘dhü -bha, -yö -gun –a –bhɔbha =në- ‘ka! Tɛawɔn ‘ka mɛ -nu ‘ö waa- -nu –A –nu –wo ‘yaa gun –a ‘gü do ‘yö- -nu zuë‘‘ –yö dɔ -gbɔudhö -a –wɔn ‘gü. ‘Waa tɛawɔn ‘ö -gban –a –bha –a dɔ, ‘‘kɛɛ -wo –ziö -damɛtʋtawɔn =në- =keng-. –A ‘bha mü ‘wii- dɔ ‘‘dhü -bha, ‘‘kɛɛ Ala –ya ‘‘dhiʋ̈ -wlüü -A ‘‘piʋ̈. Faan –yö Ala –bha ‘yö =kpaɔsü." (-Kwlana al-Nisâ’ 4:157-158)

-Wokpö ya döng ‘gbɛ -ya ‘gü:

● -A kë -sü kö Zufö -nu ‘wo Medinö -wo –a bho wo ‘‘dhi –bha mɛbhɩɩdhe ‘‘dhaa –kuudhiʋ̈ =dhɛ Madhi Gbö bha Mɛdhamɛ waa Ala –bha bɔmɛ -mü bha –yö -bɔ mɛ =taama! ‘Waa ‘dhang bho Yesu bhɔ -sü ‘ö dhebë ‘ö ‘yaa gɔɔnwɔn dɔ bha- ‘‘dhiʋ̈, ‘‘iin –a –bha ö -de –kë mɛ ‘ka –sü. –Wo kë -a –zuö -kɔ =kee –ta –kɔ =gban ‘gü ‘yö ‘wo –a –dhɛ =geebë -dhɔkëmɛ, ‘‘yina –naa –gwlüdë (Matiö 12:22; Makö 3:22-27; Luc 11:14-23). Dhiang zëkɔ suu ‘kö bha ‘yaa =mɔɔ- -bha kö -yö ‘go Zufö -nu ‘‘piʋ̈, ‘yö sü =dhɛ ‘wii Yesu dɔ Atanna –bha bɔmɛ ‘ka, ‘‘kɛɛ -wo –a –zëdhi ‘yö ‘wo –a ‘tɔ zë ‘‘sɛ ‘ka.

-A –wɔn ‘gü, -a –dhɛa –bha kö Zufö -nu –zë -wo Maadu –zo –bö kö kë ‘‘dhʋ̈ kö ‘ya ‘dho ‘‘gbɩɩdhɛ -wɔ -nu –ta, ‘yaa –mü -yö -dho –a –nu zë =dhɛ -kɔ do ‘ö woo –depö ‘wo –Yamɛ zë- ‘ka –a ‘dhö, " –Kwlana ‘gü ", Isa. –A ‘bha mü -yö -Yamɛ -tɔ bha- -sü ‘yagbhluu ‘ka.

● -Gɛnyan ‘gbɛ ‘ka Zufö -nu ‘wo Medinö -gun ‘‘piʋ̈ =dhɛ ‘wo ‘wɔn –wɔ Maadu –ta, ‘‘kɛɛ ‘zü këwɔnyaamɛ -nu ‘wo ‘‘Maka woo –depö -wo –gun –a ‘‘piʋ̈ ‘‘dhʋ̈. ‘‘Kɛɛ ‘yö ö zuë‘‘ –kë -sɛa ‘yö- pö: " Ala –yö kpengdhö. –Yö -mɔɔ -bha ‘ö Isa ‘ö kpengdhö bha –a ‘‘dhiʋ̈ dɔ Zufö -nu =kwɛɛ-. ‘Yaa –mü yö -zë ‘ka mang –de ‘pö -a –mɔɔ -bha ‘a –pö -a –nu =kwɛɛ- ‘pö ." Ala –bha –to –wo –ta –sü waa- -bha ‘‘tʋ̈ng –kë ö -de ‘gü -sü, ‘yö- -nu ‘‘kang -foo –zuö -kɔ =kee –ta ‘yö- -yɔɔ bɔ- -nu –gɔ -kkaan ‘ka: " ‘Wii kë -a zë! ‘Wii kë -a dɔ ‘‘dhü -bha!"

● Muhammad nowhere said that Jesus was not at all killed and crucified. He only stressed that it was not the Jews who executed the Christ! Maybe he had heard that the Jews usually did not crucify their enemies, but that they stoned them. Under the occupying Roman power they did not even have the right to sentence anybody to death or execute him. Therefore Muhammad in a sense is right! The Jews did not kill or crucify Jesus! This statement of the Qur'an, in this sense, is right and our agreement to it can decrease the tension between Christians and Muslims.

–A ‘wɔn –yö dɔ -sü ‘ka ‘‘kpʋntaadhɛ =gban ‘gü =dhɛ ‘Wlɔmö -mɛ -nu bha –wo kë =dhuëng –nu ‘‘gblü ‘gbɛ waa ‘wɔnyaakëmɛ -nu ‘wo –kë -dhɛang ‘ka –a –nu –dɔ ‘‘dhü -bha. –A –wɔn ‘gü, -wokpö ya –yö Yesu –dɔ ‘‘dhübhasü -gban ‘Wlɔmö -mɛ -nu -bha. =Dɛɛ, ‘‘Mɔɔsëëbhomɛ -nu ‘wo- -nu –dhɛ -pʋtaamɛ -nu ‘ö ‘wo- ‘‘piʋ̈ =dhɛ waa –bɔ Yesu ‘kamɛ -nu wo –kɔ -yö -da ‘ko =kwɛng bha –wa –pö ’pö =dhɛ ‘wɔn bha –yö -bhɔ taɛnwɔn –bha.

● Maadu =yaa- pö yöö Klisi dhiang bha- zë -ya –pö ‘kömüdhe ‘ka =dhɛ " -yö -bhɔ " ‘mɛ ‘wo- dɔ ‘‘dhü -bha Zufö ‘‘pɛpɛ =gban wëëdhö bha –a -bha (shubbiha lahum). ‘Yö Klisi –gɔwɔn zaɔ =dhɛ ‘wɔn ‘ö ‘yii kë -a ‘dhö, ‘‘kɛɛ ‘yö- pö =dhɛ -yö -wo =dhɛ " –dɔ ‘‘dhübhamɛ ‘dhö" =dhɛ mɛ zii ‘dhö.

‘Yö Maadu –ya ma =dhɛ -lookota do ‘ö -kë -bɔ Yesu ‘ka –mɛ -nu ‘ka =wa kë sië ‘ö mɛ -nu ‘wo- ‘güma sië =dhɛ Atanna ‘Kpii- -yö -kë mɛbhɩɩdhe ‘ka kö -yö kö -yö mɛbhɩɩdhe –todhʋ̈sü –nu –gɔwɔn ‘‘yangan. –Wa –ga =dhɛ Atanna –mɔɔ -bha dosɛng ‘ö ö -de –kë mɛ =në- ‘ka, ‘‘kɛɛ ‘yii ö ‘gü ‘‘gla go. –wo –gun mɛ -nu daan- sië =dhɛ, Klisi –yö -Zlan =dede ‘ka, ‘yii ‘dho =mɔɔ- -bha kö -yö ga ‘‘iin kö -wa dɔ ‘‘dhü -bha! =Dhɛ ‘ö Maadu –yö =flüwɔn suu bha- ma, ‘yö -kpan ö -gɛndɔtapë -tiandhö -bha ‘yö- pö: " –Bɔ Yesu ‘kamɛ Eke! –Wo ‘dhang- bho- ‘‘dhiʋ̈ ‘yö =kë- -nu ‘gü =dhɛ Yesu –yö -ga –nu ‘wɔn ‘gü ‘‘dhü -bha, ‘‘kɛɛ kö -yö =deyaan =në- -kë. ‘Yii dɔ ‘‘dhü -bha tongtongdhö!" –A ‘bha –nu =ya kë, -bɔ Yesu ‘kamɛ =flüsü -nu bha =në ‘wo Maadu bho zian –ta.

‘‘Mɔɔsëëbhomɛ -nu –bha –kpɔɔwɔngümɛ -nu –wo ‘wɔn ya- ‘klɔɔ- -pö trʋʋ‘‘ kë -sü ‘dhö -a –pö ‘kömü ‘ka –sü ‘ka: " –yö -bha =dhɛ yöö bhɔ- -nu -bha". ‘Wɔn –nu ‘wo =dhɛ -gɔdadhuu –dhiang –nu ‘dhö bha –wo =tun ziö sië ‘‘sɛ ‘bha –nu ‘gü =dɛɛ:

- Mɛ ‘bha –nu –wa –pö: Simɔn ‘ö go Sidhɛnö bha ‘Wlɔmö ‘‘sɔdha –nu –wo kë ‘‘gbɩɩdhɛ -wɔ -a –ta kö -yö Yesu –dɔbha –dhü ‘su kö -a sëë =ya bho –klaaga –gɔ. ‘Wo =loo –a –dɔ ‘‘dhübhadhɛ -bha, ‘yö ‘wɔn –yö zë- -nu –gɔ ‘wo Simɔn –zë dɔ ‘‘dhü -bha Yesu ‘‘gblʋʋ ‘gü. ‘Yö Madhi Gbö -zë ‘dgo –pʋtaadhe ‘ka.

- ‘Yö- mɛ ‘bha –nu –wa pö: Ala –yö kpengdhö! –Wa –kë ‘yö Zuda –yö bhɔ Yesu –bha, këdhʋ̈ kö Zuda –zë -yö dɔ ‘‘dhü -bha. ‘Yö Isa ‘ö ‘wo- -kë ‘yö bhɔ Zuda –bha, ‘yö ö ‘dho wo kö pë -tangga –zian ‘yi- kë. =Dhɛ ‘ö -bɔ Yesu ‘kamɛ ‘wo- Ɔtodɔsö -nu –kë bha –a mɛ do –ya ma, ‘yö =wlüü ‘‘Mɔɔsëëbhomɛ -nu ‘‘piʋ̈, ‘yo- pö: " Ka –zo –ta =dhɛ, Madhi Yesu dhe, ‘ö gun dɔ -sü ‘ka –dɔbhadhü gɛngdhö bha, ‘yii =mɔɔ- -bha kö -yö ö gbö ‘ö gun dɔ sië- -a ‘‘dhuʋ waa Zuda –nu –bho ‘kota kë -ee ? ‘‘iin ka –zo –ta =dhɛ Ala –dho =mɔɔ- -bha ‘ö dhebë ‘ö =bhlëë -dhe ‘ka ‘‘kpʋngtaa bha –a zë ‘‘sɛ ‘ka =dhɛ -kɔ bha- ‘dhö (-Kwlana l ‘Imrân 3:42) kö -yö ‘‘kpëng- kë -a –gɔ kö -yö -kɔ ‘‘wlanggübho ‘‘tʋ̈ng ‘gbɛ ‘ka =flükëmɛ ‘ö ga sië -a –wɔn ‘gü, ‘‘kɛɛ kö -a –de gbö -zë =ya dha ‘nu ? –A ‘wɔnkëkɔ =plɛ -zian bha –zotagüwɔn ‘yaa –mü."

- ‘yö mɛ ‘bha –nu –wa pö, Klisi –yö kë -dɔ ‘‘dhü -bha ‘‘dhʋ̈ =dedewo. ‘ö go ‘mü, ‘yö -dhɛ -yö =tröö ‘‘sɛ -ta –dhɛ =gban ‘gü, ‘yö mɛ =gban ‘‘pɛpɛ -wo –gblɛɛn kpɔ ‘‘yina yaa –nu –gɔ. ‘Yö ‘‘sɛ -yö zun =zii –sü -bha ‘yö- -nu =gban ‘gü -vin ‘dodo ‘ka, ‘ö ‘Wlɔmö ‘‘sɔdha –nu wo –gblɛɛnkpɔdhɛ =mɔɔ ‘pö. ‘Dhɛ mɛ =gban –wo ‘dho, Klisi –gun dɔ -sü ‘ka ‘‘dhü -bha –gɔlookota –tɔ ‘‘dhʋ̈, ‘yö =lɔɔ -dɔbhadhü -bha =dhɛ -kɔ ‘ö ‘‘Mɔɔsëëbhomɛ Ahmadiyya –wa pö- ‘ka, ‘yö -ziö ‘ö ‘dho Kashmir, ‘yö ga =dhɛ mɛ -kpɛa –nu ‘dhö. –A yö -zë ‘gü, kwa- -wo –pö ‘ka Isa –bü ‘gü Srinagar", =dhɛ gɔndë zii do ‘ö -kë ‘kɔdhï =naɔsü ‘gümɛ do ‘ka, ‘wɔnzunbha ‘kpii- do ‘ö -kë ‘‘Mɔɔsëëbhomɛ ‘tɔbhɔsü ‘ka, =në ‘wo- -wɛɛbho –dhɛ bha- ‘gü, ‘‘yii kë Madhi gbö ‘ka.

7.07 -- –Gasitɛ –Dewɔndhiʋ̈sü ‘Ö ‘Wɔnyaadɔsü ‘Ka

-A kë -sü kö ‘kwa –gban ‘‘Mɔɔsëëbhomɛ -nu –gɛndhɛ -ta kö -wa dɔ =dhɛ Yesu –bha –dɔdhübhasü bha ‘wɔn ‘ö -kë yö -mü bha ‘yaa kë- -nu ‘gü ‘wɔn ‘bha ‘ka –a –gɛn –mü =dhɛ -a –nu –kɔ ‘yaa- ‘gü. Pë ‘ö ‘wɔn ‘ka yë -kë ‘‘Mɔɔsëëbhomɛ -nu ‘‘piʋ̈ -sü ‘gü bha yö -mü =dhɛ -a –nu ‘yaa mɛ -ta –dhiangzëmɛ -bha, mɛtadhiangzëmɛ ‘‘iin ‘‘saa- ‘ö bho mɛ -wɔn ‘gü. –A –nu –bha –kë ‘wɔnyaakëmɛ ‘ka –sü bha ‘waa- dɔ. –Yö -kë -nu ‘gü =dhɛ -a –nu –bha ‘wɔnyaa –ddho’ » dan ‘‘kidhong –ta kö -a –së waa –a yaa –nu –wo –ya –de –ta (-Kwlana Houd 11:114; al-‘Ankabout 29:7; al-Fakir 25:29-30). Klisi –bha –dɔdhübhasü -dhiang –zë -a –nu –dhɛ -sü -yö ‘‘wɛɛwɛwɔn ‘ka, ‘‘tʋ̈ng ‘kö ‘wo- -ga sië =dhɛ -a –nu –mawɔn ‘yaa ‘mɛ ga- -nu –wɔn ‘gü Mɛdhamɛ bha- -bha. –Wo wo –zota =dhɛ -wo –së wo –de ‘gü

-A –zɔn –a –nu –dhɛ -sü kö -wo wo –zota =dhɛ wo =dhɛng –zian –ta ‘‘iin wo ‘‘kpʋbhɔdhe –zian –ta –todhʋ̈ ‘ka bha, -yö =bhlëësü ‘ö =ziö- ‘ka –a –nu –bha ‘wɔn ‘gümasü ‘ö Klisi –bha gasü wabhomɛbhasü ‘ö Klisi bha –gadhübhasü ‘gü bha- ‘ka. –Blɛɛsü -a –dhɛabha kö -wa ‘gü ma =dhɛ kö ‘yii kë Atanna ‘ka -a –nu –todhʋ̈sü -wo –dho ‘dho ‘‘wɔ -kaso ‘ö ‘yaa ‘‘duu bha –a ‘gü!

-Go ‘wɔnyaagüsü ‘ö ‘‘tan ‘sëëdhɛ ‘gü -dho =mɔɔ- -bha ‘ö -kɔ -zun tɛawɔn –bha –sü ‘ka (‘‘Tan ‘Sëëdhɛ 6:2-10; 32:1-11; 38:2-32; 51:3-19 waa- ‘bha -nu). Yi- -dhɛ ka –gɔ kö ‘ka ka kwa- -nu kö -wo ‘‘tan ‘sëëdhɛ 51 ya- ‘kun wo –gɔ ‘gü, kö- -nu zuëpiʋ̈dhɛ -yö kë pa –sü ‘ka –go ‘wɔnyagüsü ‘ka. ‘‘Mɔɔsëëbhomɛ -nu –bha –bha –zotandhe –zë ‘yaa ‘go- -nu –gɔ ‘gü kö -yö -da –nu zuë‘‘ ‘‘piʋ̈, ‘‘kɛɛ -yö -go –a –nu zuë‘‘ =në- ‘‘piʋ̈ ‘yö -da –a –nu –gɔ ‘gü. Tɛawɔn do ‘ö -dingkpɔsü ‘ka yö -mü.

‘Dhɛ ‘yi- pö ‘‘Mɔɔ- -gɔmɛ do –dhɛ -yö ‘‘Tan ‘sëëdhɛ 51 –a pö, =dhadio –kɔ do ‘gü, =dhɛ -kɔ ‘wo –kwlana –wo pö ‘ka bha- ‘dhö, ‘‘siabha, ‘yö -a ‘‘yanyi –yö zun =wɛnngsü -bha –a ‘‘kpiëng –ta. –wo bha ‘yii kë- pö -së ‘ka, ‘‘kɛɛ -yö -gun bhɛɛ‘‘ sië ‘yö ö -de yö ‘wɔnyaakëmɛ ‘ka. ‘‘Tan ‘sëëdhɛ 51 bha –yö -gowɔnyaagü =klang –kɔ =në- ‘ka mɛ -gban kwa –bhaa ‘ka ‘yö ‘pë ‘kwa- ‘ka –a –zɔn kwa –dhɛ. –Wo bha –yö ‘‘dhiʋ̈sü mɛ ‘ö- -nu ‘gü =dhɛ wo –tiaandhe –wo –de ‘gǔ : bha =në- -nu –bhaa ‘ka:

‘‘Tan ‘sëëdhɛ 51:3 – ‘Wɔnyaakëmɛ ‘ö ’Tan ‘sëëdhɛ 51 ‘gü -yö -gasitɛ waa ‘‘klʋsëdhɛ -dhɛ. ‘‘Mɔɔsëë -gɔmɛ bha –yaa- ‘wɔn –dɔ =dhɛ ‘yaa- ‘gü kö -yö ‘‘tʋ̈ng kë -mawɔntodhe ‘gü. ‘Yö- -dhɛ Dëmɛ -gɔ kö -yö ö -bha ‘wɔnyaa –mawɔn ‘to, ‘yii- pö -a këwɔn yaa ‘bha –nu, ‘ö ‘‘dhʋ̈ Atanna –bha -gasitɛ ‘ö- ‘‘dhiʋ̈todhɛ ‘yaa ‘dhö =në -mü.

‘‘Tan ‘sëëdhɛ 51:4 – -Yö ö -de –ga –dhiimɛ ‘ka, -a ‘nii- waa- -zuu ‘‘piʋ̈, ‘yö- -dhɛ kö ‘ö ‘‘zu ‘ö kë ‘‘Slʋ̈ʋ̈slʋ̈ʋ̈ ö -bha ‘wɔnyaa –yëngsü -nu bha- =gban –gɔ.

‘‘Tan ‘sëëdhɛ 51:5 – ‘Yö -kpan ö -de –bha ‘wɔn yaa –nu –gban zuë‘‘ –kaan ‘‘kwëë ‘ka. ‘Yö dɔ- -gɔ ‘ya-, Kö zuu ‘‘Slʋ̈ʋ̈slʋ̈ʋ̈ ‘yaa ‘‘tɛɛpadhe nu- -dhɛ. Kö ‘yaa =mɔɔ- -bha kö -yö ö zo –ziaan ‘‘ta –a –kɔ -ta, kö -yö -gun kë -a yizësü -bha!

‘‘Tan ‘sëëdhɛ 51:6 – ‘Yö- ‘gü ma =dhɛ: ‘Wɔnyaa ‘klɔɔ- -mü =dhɛ -dɔ Atanna –gɔ ‘‘dhuusü -mü, pë =gban –damɛ waa zadɔmɛ. ‘Yö- dɔ =dhɛ ‘wɔnyaa bha ‘yii kë -zëmɛgɔwɔn ‘‘iin –siömɛdhɛwɔn ‘‘wɛɛwɛ ‘ka, ‘‘kɛɛ -da Atanna ‘‘dhiʋ̈sü waa- =bhlëë =siö -sü -mü. ‘Yö- bho ö ‘‘dhi –bha ‘ö- pö, tɛawɔn –yö ü ‘‘piʋ̈, za suu ‘‘ʋʋ suu ‘ö bhii- dɔ n –bha –a =gban ‘gü. Za –yö n –bha, ‘yö ‘ma =dhɛng ‘ö wa =ya n’kun.

‘‘Tan ‘sëëdhɛ 51:7 – -A –wɔn =ya bɔ n =taama. =dhɛ ö n dhe –yö n kpɔ, ‘yö -zuu ‘ö zadɔmɛ -bha ‘ö go n’kpɔmɛ -nu ‘‘piʋ̈ bha ‘ö -kë n -ta. N wlüüsü -dhɛ ‘gü, -wo n –yɛyɛ -ya. N’nii- n kwi, n –zuu, n zuë‘‘, n dhɔɔbhaa, -a =gban –yö ‘ya-.

‘‘Tan ‘sëëdhɛ 51:8 – Dëmɛ, ü -mɔɔ -bha ‘i tɛawɔn dɔ. A n’‘dhi –bho ma ‘wɔnyaa ‘ö -dingkpɔsü ‘ka –a –nu –ta. Pë ‘a- ‘ka ‘bha- -zɔn n –dhɛ.

‘‘Tan ‘sëëdhɛ 51:9 – =Ya kë =dhɛ blëë ‘‘dhɛ ‘ö bhië -zu, ‘ö ‘wo gun- ‘sü sië zii –be, -mɔɔ -bha ‘ö mɛ -ta kun, -Bhö n’güdhɛ waa n kwibhadhɛ ‘zu kö ‘a kë ‘‘puuka ma ‘wɔnyaa –gɔ, kö ‘a kë ‘‘puu ‘‘pɛpɛ ‘ka =dhɛ bhlo ‘dhö.

‘‘Tan ‘sëëdhɛ 51:10 – Ma zuëniida –da –dɛɛ ‘gü, ‘a –gɛn –mü =dhɛ -gbɛgasü ‘yaa n –makun, ‘‘kɛɛ ü -kɔ -yö -mɔɔ -bha, =dedewo, kö ‘ü n faan dɔ -da n’gü -sü ‘ka ma –kë ‘dhö -sü ‘gü.

‘‘Tan ‘sëëdhɛ 51:11 – ‘Bha ‘dho ü -dingkpɔ n’ka mü =gblɛɛn, -Bhö ‘‘dhiyanwo do pö n –dhɛ. N –mawɔn ‘to ‘kii n këwɔn yaya –nu =gban –pia ‘kii –a –zuö.

‘‘Tan ‘sëëdhɛ 51:12 – N –gbɛ =ya ga! Yö -mü =dhɛ n –da –dɛɛgüsü =në dho n dha-.

12 - O Atanna! –Bhö n zuë‘‘ –dee –da -Bhö n –nii- -dee –da n’gü kö -yö -wɛɛ ‘kun.
13 – ‘Bha ‘dho n bhɔ ü ‘ka taa =gblɛɛn, ‘Bha ‘dho ü -bha –Zuu bho n ’gü.
14 – U –bha dhasü zuë =niida –da n’gü, Kö -Zuu ‘ö- ‘‘klʋʋ ‘dhö -së -yö dɔ n –gban –gɔ!

-A –dhɛa –bha kö ‘kwa ‘‘Mɔɔsëëbhomɛ -nu –ta ‘kun Atanna –bha –gasitɛ ‘gü kö -wa –naa dɔ =dhɛ wo ‘wɔnyaa këmɛ -nu ‘ka –kë ‘‘ʋʋ -kɔ -ta, =dhɛ ‘pë ‘ö ‘kwa- ‘‘piʋ̈ ‘kwa ‘go –a – nu –bha ‘wɔnyaa ‘gü -a ‘dhö. ‘‘Tan ‘sëëdhɛ -nu ya –wo –mɔɔ -bha ‘wo ‘‘dhiʋ̈ sü bhɛɛmɛ ‘ö- ‘‘piʋ̈ ‘ö ‘go ‘wɔnyaa ‘gü -a ‘ka, kö- -mɛ -ya ‘wɔn dɔ =dhɛ zuë‘‘ –da ‘‘sia –mɛ waa –de –dho ‘‘sia –mɛ =në- -mɛ ‘‘dhia –yö ma Atanna ‘gü.

Atanna –bha yëkëmɛ ‘bha –nu –wo ‘taɔng- -kaɔng do bha ‘‘iin ‘zü Adan –bha –pö -sü bha- -sü (Zenɛzö 3:1-4, 16) waa Esai 6:1-8 –bha –kpan ‘wɔnbhakɔ bha- ‘’dhö kö -yö ‘‘Mɔɔsëëbhomɛ -nu –bha –desükpii –gɔ zë. ‘Dhɛ Ezai –yö Atanna –bha ‘‘Slʋ̈ʋ̈slʋ̈ʋ̈ -dhɛ -bha, ‘yö ‘‘saabhomɛ =bhlëësü waa ‘wɔndhokëdhia pömɛ -tiaandhe bha, ‘ö -gbla –a pö -sü ‘ka: ‘‘Dhangga –yö n –ta! ‘Ma =dhɛng, ‘Mɛ ‘ö- ‘nɛɛga ‘dhö -dhiisü yö -mü n’ka, - ‘‘sɛgümɛ ‘ö- -nu ‘nɛɛga ‘dhö -dhiisü -nu kpö ‘gü, ‘yö n’‘yanga =ya –kpan –Gwlüdë -bha, -Gwlü -nu –bha Zlan." (Ezai 6:5)

-A –dhɛa –bha kö ‘kwa- -dhɛ Yesu –gɔ kö -yö ö -de –zɔn ‘‘Mɔɔsëëbhomɛ -nu ‘wo –wo –zoyö wo –de –dhɛ bha- -nu –dhɛ, kö -wo wo –de ‘dho ‘‘sia- kö -wo –kpan Atanna –bha –dhɔ -ziisü ‘ö ‘‘slʋ̈ʋ̈slʋ̈ʋ̈ bha- -bha kö -wo Atanna –bha –mawɔntodhe bha- -dhɛ. Kö ‘wɔnyaakësü -zë ‘wii- dɔ, -a –nu –go ‘wɔnyaagüsü waa –mawɔntadhe =slɔɔsü -dho –kë ‘‘gbɩɩ-. Yö =në- -wɔn ‘gü ‘yö- -dhɛ ‘dhö- -bha kö -kë ‘wɔnyaakëmɛ ‘ka –sü -gɛn –yö pö ‘‘Mɔɔsëëbhomɛ -nu –dhɛ, kö -wo gun –naa –dɔdhübhasü ‘klɔɔ- pö -sü ‘gü- -nu –dhɛ, -a –kë ‘‘dhʋ̈ -sü ‘gü -a –nu –bha ‘wɔngümasü -zë -yö kwa Dhamɛ -bha –gasitɛ =në- ‘ka (‘Wlɔmö 2:4). –Kwa bhɛɛ‘‘ –a –wɔn ‘gü.

‘‘Mɔɔsëëbhomɛ -nu –todhʋ̈sü -dho ‘dho ‘‘wo -kaso ‘gü -ee?
-Wokpö -ziisü do –yö -Kwlana ‘gü ‘ö- pö =dhɛ ‘‘Mɔɔsëëbhomɛ -nu –todhʋ̈sü -dho ‘dho ‘‘wo –kaso ‘gü.‘‘wo =në- -nu –bha –tosɛa ‘‘dhiʋ̈todhɛ ‘ka ‘ö- -bhobhapë ‘bhaa ‘dhö. Kwlanawo ‘wo- Madhiamö -kë bha- ‘gü, Maadu –yö ‘‘Mɔɔsëëbhomɛ =gban –tamuubho mü.

" Mɛ ‘bhaa ka kpö ‘gü kö -yö ‘kpɔ- ‘ka (‘‘wo -kaso).
Këwɔn do ‘ö -gban –sü ‘ka ka Dëmɛ -bha yö -mü.
=Ya ‘go- ‘gü ‘yö =mɔɔ- -bha ‘ö kpɔ kwa ‘ka, mɛ ‘bha –nu ‘wo –suʋ̈ Zlan –gɔ waa ‘wɔnyaakëmɛ bha –kɔ -dho –wɔ -nu –ta ‘wo to wo ‘kpiö- -ta." (Kwalana Maryam 19:71-72)

Dëmɛ -bha yëkëmɛ ‘bha –nu –wa –pö =dhɛ -wokpö -nu ya –yö ‘‘Mɔɔsëëbhomɛ -nu ‘gbɛ =dede –gɔ =dhɛ -bɛdhɛ -nɛnɛsü =në- ‘dhö. –A –kë ‘‘dhʋ̈ -sü ‘gü, ‘‘Mɔɔsëë -bha –këdhösü ‘‘dhiʋ̈tosü -bha –kë ‘‘wo –kaso ‘güsü bha –a –gɛn –yö -go –a –nu –bha ‘tɔng- ‘wo- Sadhia –kë bha- ‘gü, ‘‘Mɔɔ- -nu wɔkɔ ‘tɔng- -mü. ‘‘Kɛɛ Yesu –yö -dho ‘‘wo –kaso ‘ö -kë Atanna –siödhɛpë ‘ka bha- ‘gü kwa ‘‘gblʋʋ ‘gü, kö -yö kë ‘‘dhʋ̈ kö ‘‘klʋbhɔdhe –yö ‘go kwa –bha ‘ö ‘kwa dho –kaso bha- ‘gü (Zan 3:18-23 waa- ‘bha -nu). –A –bha –dhɔ bha –ya –zɔn =dhɛ kwa –bha –desü =va, -desü =va waa ‘wɔnyaa bha, ‘kwa Yesu –wɔn –dhɛ -a –bha ‘wɔn =dee gbaɔdhe ‘ö -tosɛa ‘ö ‘yaa yën –a ‘ka.

7.08 -- Zlan –Bha ‘‘Bhlaanë

=Ya kë =dhɛ Yesu =yaa- këdhɛ kë ‘‘Mɔɔsëëbhomɛ do –gɔ kö -yö ö -de -bha ‘wɔnyaa ‘ö dho –a –da ‘‘gan ‘gü -a dɔ, -a –dhɛa –bha kö ‘kwa zɛɛn bho- ‘ka kö -yö ‘dhö Zlan –bha ‘‘Bhlaanë ‘ö ‘wɔn =gban ‘‘dhɛ ‘ka bha-‘‘piʋ̈, -a –gɛn –mü =dhɛ -yö ‘‘kpʋntaadhɛ =gban –bha ‘wɔnyaa –sü, waa ‘‘Mɔɔsëëbhomɛ -nu –todhʋ̈sü –bhogangüsü (Zan 1:29-34; 1 Jean 2:1-2 waa- ‘bha -nu).

Zuëniida ‘wo- Ada –kë bha, kö -a –nu –bha ‘‘takpɔsü ‘ö ‘‘Maka ‘‘dhiʋ̈ =ya ‘yo, =dhɛ -kɔ ‘‘Mɔɔsɛ =gban ‘dhö, ‘yö ‘‘Mɔɔsëëbhomɛ -nu ‘wo wü -nu bhɛɛbho, ‘‘bhlaa –nu, =bho –nu waa –yɔɔn mɛa –nu, ‘kɔdhi do –bhaa do, kë ‘‘dhʋ̈ kö Ala –bha ‘dhuë- -yö kë- -ta. ‘‘Kɛɛ ‘sa kö ‘wɔn ‘ö -gban ‘‘saa- ‘ö =yɔɔn ‘ka –nëngkwëë zii ‘gü ‘waa- ‘klɔɔ- dɔ, ‘waa- dɔ ‘zü =dhɛ ‘wɔn yaa –yö ‘‘gblʋʋgü -mü, ‘yö -mlɛɛ ‘ö =yɔɔn ‘ö =wɛng bha ‘ö ‘wɔnyaa –yogblʋʋgü ‘ka. =Ya kë ‘‘dhʋ̈ kö- -nu =klang kësü ‘ö ‘tɔng- ‘ö ‘wɔnyaa –gɔ ‘‘saa- waa waa ‘‘saapë ‘dhɛ ‘wo- -pia –a =zinggü -Nëngkwëë zii ‘gü, waa –bho gɔn ‘wo –yanma =loo- -ta –kɔ -loo ‘kwëësü yi ‘ka (Dhevitikö 4:4, 14, 24, 33; 16:6-10 waa- ‘bha -nu). =Ya kë ‘‘dhʋ̈, -wo –dho =yɔɔn tɛanwɔn waa Zlan ‘‘slʋ̈ʋ̈slʋ̈ʋ̈ ‘‘sɔɔ, ‘yö ‘‘saa- -nu ‘wo bho wü -nu ‘ka –Nëngkwëë zii ‘gü bha ‘wo- ‘klɔɔ- dɔ.

=Zinggü -dhiangzësü ‘ö ‘pakö ‘‘bhlaanë -ya –kë =dhɛ Yesu ‘ö- -kë ‘ka waa- -bha =klang –nu ‘dhö kö -wo –bhopë ‘‘slʋ̈ʋ̈slʋ̈ʋ̈ ‘sü sië bha –ya –kë ‘ö mɛ -ya dɔ =dhɛ -kɔdakokwɛɛsü ‘ö bɔ- ‘ka Yesu Klisi –ta –a –kë ‘‘saa- ‘ka –sü ‘gü bha =ya =mɔɔ ‘‘kwëë.

-Wokpö =bhlëësü ‘ö =mɔɔ- -bha ‘ö- -kë ‘ö ‘wo dho- ‘dhang- bho Atanna –bha ‘‘bhlaanë ‘‘dhiʋ̈ -a –bha –wo ‘‘yɛa- -sü ‘ö -Nëngkwëë zii ‘gü =dhɛ" Atanna –bha yëkëmɛ" (Esai 53:4-12). Naɔ -së ‘ö =slɔɔ -Nëngkwëë zii ‘ö bha =ya kë -zoyedhɛ ‘ö -tokpa ‘ka =në- ‘ka ‘yö -kpɔɔwɔngümɛ -nu bha ‘wo- ‘güma =dhɛ -gasitɛ -bha zabhomɛbhasü -mü, ‘Yö- -nu –bha –zotadhe ‘dhö- -nu ‘‘muubho. –Zotandhe ‘ö gun –gwlüdhe ‘ö gun ‘wëëkɔdhiʋ̈ Kandasö Etiopi –sɛ ‘gü bha –yö ‘wɔn zaɔ ‘ka ‘‘puu -ta (Këwɔn –nu 8: 26-38).

-A –wo do ‘bha –yö -slɔɔ -Kwlana ‘gü ‘ö- pö =dhɛ Atanna –ya –pö -a –dhɛ ‘aa- -bha kö Ablaamö -yö ‘‘saabho ö -bha Isaakö ‘ka. Ala =ya –pö:

" ‘Yi- -dhɔ -dɛɛwo ‘‘sdaa- ‘kpii- ‘ka ( -A =yɔɔn ‘ka)." (-Kwlana al-Sâffât 37:107)

-Wokpö ‘ö ya –yö dhiang ‘‘gʋ̈ngtasü suu ‘‘pɛpɛ ‘ö Maadu –ya pö ‘ö -gban –mlɛɛ ‘ö mɛbhɩɩdhe waa =zinggü ‘ö -bɛnzësü ‘ka –Kwlana ‘gü bha- ‘gü -see. –Bhogangüsü ‘ö ö -zotagü ‘ö -gban –mlɛɛ ‘ö -lokwëësü ‘ö -zuugü ’ö bɔ- ‘ka =tuöpë -kë ‘‘saapë ‘ka –sü -ta. Izakö -bha –kë ‘‘saakasü bha ‘yii =mɔɔ ‘‘kwëë -zotandhe ‘gü ‘‘iin –këwɔn –së -nu ‘gü, ‘‘kɛɛ -gasitɛ -mü! –A –dhɛa –bha kö ‘kwa- kë kö ‘‘Mɔɔsëëbhomɛ -nu –wo –wokpö ‘ö -ya –sü ‘ka –Kwlana ‘gü bha –wa ‘gü ma, =dhɛ -yö -gban ‘‘saapë " =dewɔndhiʋ̈sü " ‘ö -a ‘güwɔn –yö -kë ‘‘bhlaagɔn ‘ö -kë ‘‘saa- ‘ka bha- ‘ka. ‘Ö -zun =dɛɛ -bha ‘‘Mɔɔsëëbhomɛ -nu –wo wo –de dhɛɛ‘‘ –kpɔ =dhɛ ‘‘saa- ‘ö -kë Izakö ‘ka ‘ö go Atanna ‘‘piʋ̈ ‘ö -kɔlookwëësü ‘ka bha –yö -dho -nu dha –kɔkɔdhɛ. Yi –zë ‘yi- ‘klɔɔ- dɔ. –Yö kë Ablamö suugünë -nu =gban dha.

‘‘Mɔɔsëëbhomɛ -nu ‘bha –nu –wo ‘wɩon bha- -da zaɔdhe ‘gü =dhɛ Ablamö -ya ‘‘slë -mɔɔ kö -yö Isimaɛlö kë ‘‘saa- ‘ka Izakö zian ‘gü kë ‘‘dhʋ̈ kö ‘saa- bha –a ‘gü ,dhuëë- -yö ‘dho ‘‘Mɔɔsëëbhomɛ -nu ‘‘piʋ̈ (-Kwlana al-Sâffât 37:8-14). –A –kë ‘‘dhʋ̈ -sü ‘gü, -Kwlana ‘yii ‘‘dhi –zuö Ablamö gbö ‘tɔ -bha. ‘Ö zun- ‘ka al-Tabari, -bha ‘‘tʋ̈ng –bha, ‘‘Mɔɔse ;;ëbhomɛ -nu –bha ‘wɔndɔmɛ -nu –wo Izakö –dɔ =dhɛ ‘mɛ ‘ö yöö kë ‘‘saa- ‘ka –a ‘dhö. ‘Dhɛ ‘‘tʋ̈ng ‘bha =ya ziö ‘yö ‘wo wo dhiangzëkɔ -slëë -ta Isimaɛlö -wɔn ‘gü.

‘‘Mɔɔsëëbhoimɛ -nu ‘wo –nëngwɔngümɛ -nu ‘ka bha –wokpö ‘ö -Kwlana ‘gü ‘ö- -bɛn ‘dhö zë -sü ‘ka –gɛyan ‘‘sɔɔdhu ‘waa ‘‘wɩ- -wɔn –bha, ‘yo- -bhakan (-Kwlana al-An’âm 6:164; al-Isrâ' 17:15; Fâtir 35:18; al-Zumar 39:7; al-Najm 53:38):

" Mɛ ‘bhaa ‘dhö kö -yö mɛ ‘bha –bha ‘wɔnyaa –kwɛɛ ‘sü." (-Kwlana al-An'âm 6:164)

-Wokpö bha –ya –zɔn –kɔ ‘‘pɛɛn ‘bha –ta =dhɛ pë ‘bha –pë ‘bhaa ‘dhö kö -yö zun pë ‘‘gblʋʋ ‘gü ‘‘kɛɛ kö -a ‘pë ‘kö yöö zun mɛ ‘bha ‘‘gblʋʋ ‘gü bha –a –pë -yö pasüka ‘wɔnyaa ‘ka. ‘‘Kɛɛ kö -Kwlana –ya –pö -gɛnyan –yaaga ‘‘sima ‘ka =dhɛ ‘wɔnyaa –angga ‘yaa Yesu -bha; -Yö pö -sü ‘ka ‘‘dhʋ̈ -a –bha –dho dhanggüsü ‘ka (-Kwlana l ‘Imrân 3:44-45; al-Nisâ’ 4:158, 171; Maryam 19:19; al-Tahrîm 66:12 waa- ‘bha -nu). Klisi –bha –kë ‘‘Slʋ̈ʋ̈slʋ̈ʋ̈ -sü ‘gü -wokpö ‘‘sɔɔdhü ‘ö ‘pë -gban –ga mɛ ‘‘gblʋʋgüsü -bha –a –wɔn pö bha –a –dhɛa –bha kö -wa ‘‘wɛɛ pö yö -mü =dhɛ ‘wii- pö -a –kɔ -ta: " –Gamɛgblʋʋgü -mɛ ‘ö ‘wɔnyaa ‘yaa- -bha, =në dho =mɔɔ- -bha kö -yö mɛ -kpɛɛ -nu –bha ‘wɔnyaa –kwɛɛ bun!"

Yesu waa ö -bha ‘‘saa- ‘ö -kë -dhɔ ‘ka ‘wɔnyaakëmɛ -nu =gban –wɔn ‘gü bha =në ‘‘Mɔɔsëëbhomɛ -nu ‘ö- -nu –zoyödhɛ ‘yaa ‘dhö bha- -nu –bha ‘wɔn –yɔɔ dosɛng ‘ka. Yesu ‘tɔ bha =në- -bha ‘wɔn wɔ -kɔ ‘ka: " –Yö -dho ö -bha ‘‘sɛgɔ dha –a –bha ‘wɔnyaa –gɔ." (Matiö 1:21). –A –bha gasü ‘ö mɛ =gban kwa –wɔn ‘gü bha yö =në ‘ö -gasitɛ -kë ‘ka kwa –todhʋ̈sü kwa –bhaa ‘ka. Klisi –bha ‘‘plüünbhowo bha –yö -todhʋ̈ ‘ka: " Faan ‘sü, n ’dhu! Ü -bha ‘wɔnyaa –nu –mawɔn =ya ‘to." (Matiö 9: 2; Luc 7: 50 waa- ‘bha -nu)

Maadu ‘yii =mɔɔ- -bha kö -yö -wokpö ya- -ya mü. ‘Yii ö -zian ‘‘ta do =dhɛ ö -mɔɔ -bha ‘ö ga ‘‘Mɔɔsëëbhomɛ -nu –wɔn ‘gü. –A =yɔɔn –zian –dhö =wɛng ‘‘wɛɛwɛ, -yö -mü =dhɛ Ala kë- -pö -a –dhɛ -gɛyan ‘gbɛ ‘ka =dhɛ -yö bhɛɛ‘‘ ‘ö -de –bha ‘wɔnyaa –wɔn ‘gü (-Kwlana Ghâfir 40:55; Muhammad 47:19; al-Fath 48:2; al-Marad 110: 3).

7.09 -- =Gbɛkiëdhɛ ‘Ö- Zü -Yö -Gban –Bɔwɔngüsü -Ta

‘Dhɛ -Zuu ‘‘Slʋ̈ʋ̈slʋ̈ʋ̈ ‘ö bo –pɛn –sü ‘ka, =dhɛ Klisi –bha ‘‘saa- ‘ö- bho –a =trɔɔn ‘dhö, ‘Yö Yesu –bha =klang –nu –wa ‘güma ‘yö ‘wo dho –a –nu –bha –zotandhe –dhiang zë -a –nu –gɛn –gban Yesu –bha gasü ‘ö -dhɔ =dede ‘ka –a ‘gü. ‘Yö Piɛdhö -ya pö: "–a dɔ -sü ‘ka =dhɛ ‘yii bɔ pë -nu ‘wo seepë ‘ka –a –nu –ta, =dhɛ ‘wëëga waaa ‘‘sëng ‘dhö, =dhɛ ‘pë ‘wo ka dhɔ- ‘ka –a ‘dhö, -a kë -kɔ yaa ‘ö ‘ka- =slɔɔ ka –mɛ -nu ‘kɛɛn ‘ka, ‘‘kɛɛ Yesu =yɔɔn ‘‘slʋ̈ʋ̈slʋ̈ʋ̈ ‘ö =bhlëësü, =dhɛ ‘‘bhlaanë ‘ö pö -tangga ‘yaa- -bha ‘ö- -zëka –dhɛ ‘bha- -bha =në- ‘dhö."Strong (1 Piɛdhö 1:18-19)

‘Yö Zan –ya –ziömü ‘ö- pö: " =Ya kë =dhɛ ‘kwa ‘‘tasü =dhɛpuudhɛ ‘gü, =dhɛ -kɔ ‘ö Yöö =dede ‘ö -dhɛpuudhɛ ‘ka –a ‘dhö, kwa –kɔ -yö ‘ko =kwɛɛ- -kpɛɛwo, ‘yö -a Gbö =yɔɔn –yö ‘yö kwa –kë ‘‘puu ‘‘pɛpɛ ‘ka ‘wɔnyaa =gban –gɔ. =Ya kë =dhɛ ‘kwa- pö =dhɛ ‘wɔnyaa ‘yaa kwa –bha, kö ‘‘kpëng =në ‘kwa- -kë kwa –de –gɔ, kö tɛawɔn ‘yaa kwa ‘‘piʋ̈. =Ya kë =dhɛ ‘kwa kwa –bha ‘wɔnyaa –nu pö, -yö kpengdhö kö -yö kwa -mawɔnto, -yö kwa kë ‘‘slʋ̈ʋ̈slʋ̈ʋ̈ ‘wɔnyaa –nu =gban –gɔ." (1 Zan 1: 7-9)

Pɔdhö -yö ‘sëëdhɛ -bɛnzë ‘ö- pö: "‘wɔn ‘kö -gban –dɔdhübhsü -bha –a –dhiangzësü -yö slaa‘‘ =në- ‘ka ‘‘dhiʋ̈dhomɛ -nu –gɔ, ‘‘kɛɛ mɛ ‘kö ‘kwa dhasü ‘ka bha, -yö Atanna –bha ‘gügbɩɩdhɛ =në- ‘ka…yi –zë, yi Klisi ‘ö dɔdhübha =në- -dhiangzë, -yö -damɛdhiʋ̈wɔn ‘ka Zufö -nu –bhaa ‘ka ‘yö slaadhɛwɔn ‘ka payɛn –nu –gɔ, ‘‘kɛɛ Atanna –bha ‘gügbɩɩdhɛ waa –bha ‘wɔndɔdhe –mü mɛ ‘kö ‘wo –dhɛsüka, Zufö -nu Glɛkö -nu =gban ‘dhö." (1 Kodhɛngtö 1:18, 23-24)

Iskander Jadeed kë -a –pö : " n –bha –kë wlüünë \’ka –sü ‘gü, a kë -saan =dedewo n dë -bha dhebë -nu –yiisiö bha- -nu =kwɛɛ- =ya ‘go mü dhiangwo yaya –nu ‘ö ‘kɔdhi –nu bha ‘wo- zë wo ‘ko –nu –bha –a =gban ‘kɔ do =wlöö. ‘‘Tʋ̈ng klöö- -bha, ‘‘sabha, -a kë -to mü ‘yö ‘a Zan –ya –bɛnzë bha- ‘güma: " ‘‘Kpʋngtaadhɛ -dhɔ ‘ö Atanna –kë -a ‘‘sima ‘yaa ‘dhö ‘yö- -wɔn ‘gü ‘yö ö Gbö ga do nu, kö mɛɛ ‘‘ʋʋ mɛ ‘ö dho ‘dhang- bho- ‘‘dhiʋ̈ kö ‘ya ‘dho ga- ‘‘kɛɛ kö dhasü ‘ö ‘yaa yën –a –mɛ -ya =slɔɔ." (Zan 3:16)

‘Dhɛ Ɛndö, dhebë do ‘ö ‘yaa dɔ ‘sëëdhɛ -wopödhɛ ‘ka ‘ö ‘yaa dɔ ‘zü -a –bɛnzëdhɛ ‘ka –yö kë ‘në --kaɔndo ga =plɛ -kpɔ ‘yö- pö -wo ö bɔ ‘‘yi =bhaa, ‘dhɛ -a –bha gɔn ‘ö -kë ‘‘Mɔɔsëëbhomɛ ‘ka bha ‘ö -wɩ Yesu –wɔn –bha. Pasitëë zuë‘‘ –yö -gun ‘zëzëmasügü -a –bɔyibaasü ‘gü, ‘‘kɛɛ kö -ya –kë ‘‘dhʋ̈ kö -yö kë ‘ö =gɔn =niidawɔn ‘ka. ‘Dhɛ ‘ö- dhɛɛ‘‘ –kë =dhɛ ‘më -kë, ‘yö -a –bha –kë ‘‘Mɔɔsëëbhomɛ ‘ka –sü ‘gü, ‘yö- ‘‘piʋ̈ =dhɛ ‘ö bɔ ‘‘yi =bhaa, ‘yö- -yɔɔ bɔ ‘‘yan ‘‘dhiʋ̈pʋsü ‘ka: " Yesu Klisi =ya ma ‘wɔnyaa =gban –mawɔn ‘to –dɔbhadhü -bha ‘yö =ya dhasü ‘ö ‘yaa yën –a –da n zuë‘‘ ‘gü."

Ka –de –bhaa =gbɛkiëdhɛ -yö mü =dhɛ?
-Wokpö -mɛɛ ‘ö Biblö ‘gü ‘ö ka –bha –zotandhe –gɛngban ? –Më =në ‘ka dho =mɔɔ- -bha ‘ka- pö ‘mɛ ga ‘‘dhü -bha ka –wɔn ‘gü bha- -wɔn ‘gü ? –A –dhɛa –bha kö ‘kwa ‘‘tʋ̈ng ‘sü ‘kwa bhɛɛ‘‘ kwa ‘kpiö- ‘gü kwa –bha =gbɛkiëdhɛ -wɔn ‘gü ‘‘Mɔɔsëëbhomɛ -nu –dhɛ kwa –bha ‘‘sɛ -nu ‘gü. –Ang –naa –yö -dagüda ‘ö dho ‘‘dhiʋ̈ -kpɛɛwo. –A –dhɛ ‘yaa- -bha kwa zuë‘‘ ‘gü kö naɔ -së ‘ö -kë dhasü ‘ka bha ‘ö ‘‘puu ‘ka bha ‘kwa- pö- -nu –dhɛ kë ‘‘dhʋ̈ kö -wa ‘gü ma –ee ?

7.10 -- DHƐƐKPƆ -NU

A –wopömɛ -nu! =Ya kë =dhɛ ‘ka ‘sëëdhɛ ya- daan –sëë ‘ka, Ka –dho –mɔɔ -bha ‘ka dhɛɛkpɔ -nu ‘wo ya- -yɔɔ bɔ -a –kɔ -ta. Mɛ ‘‘ʋʋ mɛ ‘ö dhɛɛkpɔ -nu ya-90% ‘ö ‘sëëdhɛ ya- -be ‘‘sueisiö ‘gü, yi –dho –mɔɔ -bha ‘yii- -mɛ gba ‘‘sëëdhɛ =bhlëësü ‘ö yi –gɔ =bidonggü -a ‘ka ‘ö -gban :

MƐDHODHIƲ̈ =KLANG
-Data –zian ‘ö -së kö -wo ‘‘dhiʋ̈sü mɛ ‘ka Yesu Klisi -dhiang –zë ‘‘Mɔɔsëëbhomɛ -nu –dhɛ -sü ‘gü

Kö -yö kë yëkë Klisi –dhɛ -mɛ -nu faan dɔ -gɛn ‘ka!

-Yö -kë mü =dhɛ ‘yö ‘‘Mɔɔsëëbhomɛ -nu ‘gbɛ wo –zota =dhɛ Klisi –bha –dɔdhübhasü bha ‘‘wlaawɔn –mü ?
-Yö -kë mü =dhɛ ‘yö ‘‘Mɔɔsëëbhomɛ -nu wo –zota =dhɛ Zuda =në dɔ ‘‘dhü -bha Klisi ‘yaa –mü ?
-Gɛnyan =dhɛ =në -bɛnzësü ‘ka –Kwlana ‘gü =dhɛ " mɛ ‘bhaa =mɔɔ- -bha kö kö -yö ga mɛ ‘bha ‘‘gblʋʋ ‘gü" ?
-Yö -kë mü =dhɛ ‘yö ‘‘Mɔɔsëëbhomɛ -nu –wa pö =dhɛ Ala ‘ö ‘mɛ -dhi –dhɛ -a –mawɔn to –kɔ ‘ö -dhi –dhɛ -a ‘ka ‘ö- -mawɔn ‘yaa- -bha kö -yö bɔ ‘‘saapë ‘bha –ta ?
-Yö -kë mü =dhɛ ‘yö ‘‘Mɔɔsëëbhomɛ -nu wo –zota (‘‘fuë ‘‘fuë) =dhɛ -a –nu këwɔn –sɛngbë -nu –dho –zuu yaa ‘‘piʋ̈ kë -a –nu –bha ?
-Kɔ -mɛɛ =në ‘‘Mɔɔsëë -bha –dhɛga –dhɛkpaɔ ‘‘dia ‘güsü ‘ö ‘waa- ‘‘wɩɩ- -bha =dhɛ dhasü -yö =zotansü ‘ö Klisi ‘gü -a ‘ka ?
-Yö -kë mü =dhɛ ‘yö -dɔbhadhü ‘dhö " ‘‘wlaawɔn " ‘ka ‘‘Mɔɔsëëbhomɛ -nu =gban ‘gü, ‘kö ‘waa –Kwlana waa- -nu –bha ‘tɔng- ‘wo- sadhia –kë bha- ‘gü =wɛ ?
-A kë -sü kö ‘‘mɔɔsëëbhomɛ ‘‘pɛpɛ =gban –wo –yö kë do –dɔbhadhü -wɔn ‘gü bha –a ‘klɔɔ- -yö -zuu ‘gü mü =dhɛ ?
‘Më -kë ‘yö Yesu –yö ‘wɔnzaɔn –zɔn =mlɛɛ ‘ö Moizö -ya =wlüü ‘‘dhü -bha bha ‘ö- -zɔn =dhɛ dhasü ‘bha ‘yii ‘dho kë kö yö -zë -a ‘‘dhiʋ̈ ‘yii wlüü‘‘ –dɔbhadhü -bha ? =Ya kë ‘‘dhʋ̈ kö Yesu –bha dɔdhübhasü -ya –zɔn =dhɛ -a këwɔn ‘ya- =dhɛ =mlɛɛ ‘dhö –ee ?
‘Pakö ‘‘bhlaanë bha –yö -më =në- zɔn Eblö -nu ‘wo gun =dhuëng ‘ka –a –nu –dhɛ ‘yö ‘më -kë ‘yö Yesu –yö -kë kwa –bha ‘Pakö ‘‘bhlaanë ‘ka ?
‘Wɔndhokëdhia =dhɛ =në ‘ka =mɔɔ- -bha ‘ka –kpan –bha ‘‘Tan ‘‘sëëdhɛ -gɔ 22 ‘gü ‘ö- -nu pöwo ‘güwɔn –yö -kë -Nëngkwë -dɛɛ ‘gü ? –A –dhɛkpaɔdhiawo –nu bha, -a –mɛɛ =në ka –bhaa ‘gü, dho =mɔɔ- -bha ‘ö ‘‘Mɔɔsëëbhomɛ -nu –zokun =dhɛ ‘Klisi kë -dɔ ‘‘dhü -bha ‘‘dhʋ̈ =dedewo ?
‘Më -kë ‘yö Yesu –yö =bhɛɛ ‘ö- pö: " N Dë! N Dë, ‘më -kë ‘yö ‘i =taa zun N -bha?" A Dë -yö ö =taa –zun –a –gɔ ‘‘dhʋ̈ =dedewo -ee?
-Këdosü bha –a ‘gü -yö kë -gwlü Klisi –dɔdhübha –sü ‘gü -ee? Bhɛɛwo ya- ‘klɔɔ- -mü -më ‘ka?
‘Më -kë ‘yö 53:4-7 –yö -kë mɛ -zokunwo =dede ‘ka –Nëngkwë zii ‘gü Yesu –bha –kë ‘‘saa- ‘ka –sü ‘ö kwa ‘‘gblʋʋgü -a –bü ‘gü? –Wokpö bha –ka- -kun ka zuë‘‘ ‘‘piʋ̈ -ee?
‘‘Tamaga –kaɔng –yaaga bha- ‘klɔɔ -mü -më ‘ka –dhɛkpaɔdhiapömɛ Zakadhi –bhaa ‘ka ‘yö -wo bha- ‘güwɔn –yö -kë -Nëngkwë zii ‘gü mü =dhɛ? Yesu =në ‘ö Yahweh ‘ka, ‘‘iin Dëmɛ -mü -ee?
‘Më -kë ‘yö Matiö 20:28 ‘ö =mɔɔ- -bha ‘ö mɛ wɔkɔ -nu waa mɛ -tosɛa kë -kɔ -nu =gban =slëë- bho pin- -ta ?
‘Më -kë ‘yö Yesu ‘yii ‘ö -gbɛɛn ‘kpɔ ‘‘iin ‘yii =dua kö -yö ‘dho ‘‘sɛ ‘bha ‘gü =dhɛ Liban ‘‘iin Siidhi Kö ‘pë ‘ö ‘‘yan ‘to sië- -gɔ Zedhizadhɛmö -ya –dɔ ‘kpakpadhö?
-Naa –mɛɛ =në Yesu –bha bhɛɛ‘‘ –kɔ -blɛɛsü waa- =plɛɛ -naa ‘ö- wo ‘‘tʋʋdhɛ ‘gü Gɛsenemane –dhɛ ‘gü bha- ‘gü?
‘Më -kë ‘ö ‘dhɛ Yesu –yö go ga ‘gü ‘yö ö -bha =klang –nu –klaa ‘kwëë- -deewo ‘yö- -nu =klang –kë -a –bha gasü ‘ö ‘‘saa- ‘ka ‘ö- -gɛn –yö go –Nëngkwë zii ‘‘kɛɛ kö ‘mɛ wo bha =wa gun =wa ‘‘kan –a –bha?
Kö =wa bo –Zuu ‘‘slʋ̈ʋ̈slʋ̈ʋ̈ -bha ‘‘gübhɩɩdhɛ =slɔɔ -sü ‘ka, Piɛdhö waa =klang –nu –kpɛɛ -nu ‘wo ‘‘plüün –da ‘Zufö -nu –ta? =Klang –nu –bha –dɔ ‘‘dhitʋng –sü ‘ö -kpɛawo bha- ‘klɔɔ- -mü -më ‘ka ?
‘Më -kë ‘yö ‘dhang- -bha ‘wɔn zii –nu ‘ö -kë waa Yesu –bha –dɔbhadhü ‘‘dhiʋ̈sü ‘ö ‘‘Mɔɔsëëbhomɛ -nu –dhɛ ‘‘gbɩɩ-? –Më =në- -dhɛ ‘dhö- -bha –dewɔndhiʋ̈sü ‘ka ‘ö ‘kwa dho –a –dhɛ kwa Dë -gɔ kö -ya kë -a –nu –dhɛ?
-Yö -kë mü =dhɛ ‘yö Tsitusö waa Flaviusö -nu –bha ‘sëëdhɛ ‘wo- -bɛn zë ‘ö -gban Yesu –bha gasü -bha bha ‘ö -bhlëësü ‘‘Mɔɔsëëbhomɛ -nu –bhaa ‘ka?
=Kɔdhiʋ̈ -yë -nu ‘wo- -kë glafiti (pëblɛɛn ‘ö ‘wo- -pë -kë) ‘ö ‘mɛ =waa- dɔ ‘‘dhü -bha ‘ö- -mɛ -gɔ ‘dhö bhɔ -sü ‘ka =soofëng ‘ö -gwlüdëdhɛ -kɔ ‘ö dɔ -sü ‘ka ‘wlɔmö bha- ‘gü ?
‘Më -kë ‘yö Jamal Abd-al-Nasser kë- pö -wɩgüpë -nu ‘gü =dhɛ ‘‘Mɔɔsëëbhomɛ -nu –yo ‘mɛ ‘wo Yesu dɔ ‘‘dhü -bha –wa –nu –dɔ ?
-Gowɔnyaagüsü =trɔɔn =dede ‘ö- ‘gü yö -mü -më ‘ka ?
Zufö -nu –bha ‘‘sëëdhɛ -dɛɛ -nu –wo Klisi –dɔdhübhasü -dhiang –zë mü =dhɛ ?
-Gɛnyan =dhɛ ‘ö -Kwlana –yö -wodhiʋ̈loomɛ -nu ‘wo Zufö ‘ka ‘wo mɛ zë- ‘ka ? –Yö -kë mü =dhɛ ‘yö Maadu, –yö ‘pë ‘yaa- ‘gü -a –kë, ‘yö -kɔ Klisi –bha –dɔdhübhasü ‘ka ?
-Gbɛkiëdhɛ yaa ‘ö -Kwlanawo Maryam 19:33 ‘gü bha, Klisi –yö ö -de –bha bhɔ -sü waa- -bha gasü -pö mü =dhɛ ? –Wo bha –a ‘klɔɔ- ‘ö go Biblö ‘gü ‘ö ‘kwa =mɔɔ- -bha ‘kwa- =slɔɔ -Kwlanawo ‘ö dhiang ‘ö- zë bha- ‘gü -dhɛ ‘pö ‘mɛ ?
-Zɔnkwëëwɔn –mɛɛ =në ‘ka –kpan –bha Klisi –bha =gbɛkiëdhɛ ‘ö -ya –sü ‘ka (-Kwlana Maryam 19:33) ‘gü waa ‘‘Mɔɔsëëbhomɛ -nu zëdhiang ‘ö Yahya –ya pö (-Kwlana Maryam 19:15) bha- ‘gü?
‘Më -kë ‘yö ‘wo Ala –dhɛ " ‘‘kpëngkëmɛgɔmɛ -nu –gɔtamɛ " Klisi –bha gasü ‘ö =zɔngsü ‘ka bha- -wɔn ‘gü ? ‘Yö ‘wɔn bha Biblö -ya –pö -a ‘gü mü =dhɛ?
Ala –bha ‘‘kpëngkësü ‘kpii- ‘ö- -kë Zufö -nu ‘‘glʋʋ -ta waa Klisi –depö ?
-Kɔ -mɛɛ =në Maadu –ya –kë -a ‘ka ‘yö -kë -së ‘‘Mɔɔsëëbhomɛ -nu waa –bɔ Yesu ‘kamɛ -nu =gban –dhɛ -wokpö dosɛng ‘ö- pö -a ‘ka ? –wokpö do ‘ö- pö ‘‘dhʋ̈ bha –a ‘klɔɔ- -mü -më ‘ka ?
-Kɔ -mɛɛ =në -Kwlana –yö ‘dhang- bho- ‘‘dhiʋ̈ =dhɛ Klisi –yö -dho Ala ‘‘piʋ̈ ‘‘kɛɛ ‘yö -kɔ -zëwo –a –bha gasü ‘ö ‘‘gblɔɔdhö bha- ‘ka ?
-A ‘klɔɔ- -mü =dhɛ, ‘‘Mɔɔ- ‘seë- -bhaa ‘ka, =dhɛ Klisi –yö ‘‘bhɩɩ- ‘‘kɛɛ Maadu =ya ga ?
‘Më -kë ‘yö Zufö -nu zëdhiang ‘ö -Kwlana al-Nisâ’ 4:157 ‘gü bha, ‘ö pö -yö -kë -a –bha ‘ö =sua =dede ‘ka?
‘Më -kë ‘yö Maadu –bha –kɔ -sü ‘‘dhiʋ̈dhiʋ̈sü ‘ö -kë =dhɛ " ‘wii kë -a zë (‘yö) ‘wii kë -a dɔ ‘‘dhü -bha bha " ‘ö -kë ‘wɔn =dede ‘ö- -zɔn kwa –dhɛ =dhɛ Madhi gbö bha –yö kë -go ga ‘gü ‘‘dhʋ̈ =dedewo tɛan ‘ka?
-Kɔ -mɛɛ =në ‘ö ‘‘Mɔɔsëëbhomɛ -nu –bha ‘wɔndɔmɛ -nu –wo –wokpö ‘ö -Kwlana ‘gü =dhɛ Klisi ‘yii dɔ ‘‘dhü -bha –bha, ‘‘kɛɛ -yoö =deyaan =në- -kë =dhɛ -yö -dɔ ‘‘dhü bha bha- ‘gü pö- ‘ka ?
‘Më -kë -kë ‘yö -së kö ‘wɔn ‘ö-gban –dɔ ‘‘dhü -bha –sü -bha bha –a –kwɛzlan –yö bho ‘‘Mɔɔsëëbhomɛ -nu –dhɛ ‘kö =dee yö -ziaan kwa dhɛɛ‘‘ –da ?
-Kɔ -mɛɛ =në ‘kwa ziaan bho ‘‘Mɔɔsëëbhomɛ -nu ‘ka kö -wa ‘gü ma =dhɛ -wo –kë ‘wɔnyaakëmɛ -nu ‘ka ‘ö ‘wo ‘‘gan ‘gü ?
-Kɔ -mɛɛ =në ‘ö -Kwlana –ya pö- ‘ka =dhɛ ‘‘Mɔɔsëëbhomɛ -nu =gban –dho ‘dho ‘‘wo –kaso ‘gü ?
Dhiang ‘ö =gban Ablamö -bha ‘ö gbö --kë ‘‘saapë ‘ö ‘kwaa- pö -blɛɛsü bha, ‘ö -kë Ala –bha –dhɛwo ‘ka bha –ya –kë ‘ö kwa ‘‘dhi –yö -kan Yesu –bha –kë ‘‘saa- ‘ka kwa –wɔn ‘gü -sü ‘ö gbaɔ ‘‘wɛɛwɛ ‘ka bha –a –dhiang zë -sü -bha ‘‘Mɔɔsëëbhomɛ -nu –dhɛ ?
‘Më -kë ‘yö- -dhɛ ‘dhö- -bha kö ‘kwa –a –wɔn –kɔ =dede kë ‘‘Mɔɔsëëbhomɛ -nu –dhɛ -a pö ‘wo- wo =dhɛ " mɛ ‘bha =mɔɔ- -bha kö -yö mɛ ‘‘wɛɛ ‘bha –bha ‘wɔnyaa –kwɛɛ ‘sü bha =wɛ"?
Klisi, Zlan –bha ‘‘bhlaanë ‘yö kë ‘‘Mɔɔsëëbhomɛ -nu =gban –bha ‘wɔnyaa –bho –nu –bha –a –bha –ga ‘‘dhü -bha –sü ‘gü ‘‘iin Yesu –dhö nu –dɛɛwo kö -yö ga ‘‘Mɔɔsëëbhomɛ -nu –wɔn ‘gü -dewɔndhiʋ̈sü ‘ka ? =Ya kë =dhɛ -a –nu –bhaa ‘wɔnyaa =ya bho- -nu –bha, =Ya kë =dhɛ -a –nu –bha dhasü =ya =mɔɔ ‘‘kwëë, ‘më -kë ‘yö -bɔ Yesu ‘kamɛ -nu ‘kwaa =mɔɔ- -bha kö ‘wɔnsë ‘ö go dhanggü bha ‘kwa- pö- -nu –dhɛ?
Ka –bha ‘wɔndɔdhe ‘gü, ‘më Nëngkwë -dɛɛ ‘gü ‘ö -gban Klisi –bha saan‘‘ –sü waa- gasü ‘ö ‘‘Mɔɔsëëbhomɛ -nu dho ‘dhang- bho- ‘‘dhiʋ̈?

Mɛ ‘‘ʋʋ mɛ ‘ö- ‘‘piʋ̈ =dhɛ ‘ö ‘sëëdhɛ ya- -wopö yi- ‘‘sɛ -kë -a –mɛ -dhɛ kö -yö ‘sëëdhɛ ‘dhɛ ‘ö --dhi –a –dhɛ ‘ö -a ‘gü -së ‘ö ‘dhang- bha –a ‘‘dhiʋ̈ ‘ö mɛ =gban –wa dɔ -ya ‘sü kö -yö ‘sëëdhɛ ‘ö ya –a –yɔɔ bɔ. Yi ‘‘yan –yö ka –bhaa –yɔɔ -nu ‘ö -bɛnzësü ‘ka –a –gɔ waa ka –bha drɛɛsö yi dho ‘sëëdhɛ bɔ ka –dhɛ -a –bha –a ‘dhö. Yi –bhɛɛ Yesu –dhɛ ka –wɔn ‘gü, =dhɛ -kɔ ‘ö- ‘‘piʋ̈ ‘ö ka –ta ‘‘pʋ, ka –takun, ka faan dɔ, -yö ka –maakë kö -yö ‘to ka –todhʋ̈sü ka yi ‘‘pɛpɛ =gban ‘ka!

Dhɔɔbhaamɛ ü -bha yëkëmɛ,

Abd al-Masih waa- ‘‘dheebhang -nu.

Send your replies to:

GRACE AND TRUTH
P.O.Box 1806
70708 Fellbach
GERMANY
or by e-mail to:

info@grace-and-truth.net

This page in HTML4 - Print - Top