Previous Chapter -- Next Chapter
Hordhac
Qofkii si taxadar leh u akhriya Qur'aanka, wuxuu ka helayaa aayado gaar ah iyo hadallo xiiso leh oo ku saabsan Masiixa iyo hooyadii:
"Waxayna ilaalisay bikradnimadeeda, waxaana ku afuufay xaggeeda ruuxayada, waxaana ka yeellay iyada iyo wiilkeeda calaamad caalamka." (Suuradda al-Anbiyaa 21:91)
وَالَّتِي أَحْصَنَتْ فَرْجَهَا فَنَفَخْنَا فِيهَا مِنْ رُوحِنَا وَجَعَلْنَاهَا وَابْنَهَا آيَةً لِلْعَالَمِينَ. (سُورَة الأَنْبِيَاء ٢١: ٩١)
Liiskii nebiyadii Axdiga Hore, Maryantii bikradda ahayd waxay u muuqataa dhammaadka xidhitaanka. (Suuradda Al-Anbiyaa 21:50-91) Waa qof la yaqaan, waayo waxay maqashay oo heshay waxyiga Eebbe. Intaa waxaa dheer, Ruuxa Eebbe ayaa iyada soo galay, oo Masiixa iyadaa ka dhashay. Waana sababta uu Qur’aanku ugu yeedhay “calaamaddii Alle”, ma aha oo kaliya dadka dunidan ku nool, laakiin sidoo kale Malaa’igta iyo shayaadiinta adduunka kale. Ruuxii Alle wuxuu noqday nin ku dhex jira! Sidaa darteed wiilkeedu wuxuu lahaa amar uu jinniyada ka saaro kuwa qaba, inuu bogsiiyo kuwa buka, inuu cafiyo kuwa toobad keena dembiyadooda iyo inuu kuwa xaqa ah ku subko ruuxa Ilaah. Masiixu wuxuu ku dhashay isagoon eed la'aana Ruuxa Quduuska ah ku dhashay adduunkeena kharriban. Maryan waxay ahayd isha irbadda uu Alle ku soo diray. Sidaa darteed suuradda 19 waxaa loogu yeeraa "Sura Maryam".
Waa wax lala yaabo in Maryama ay tahay haweeneyda keliya ee magaceeda ku soo arooray Quraanka. Maxammed hooyadii ama magacyada xaasaskiisa kuma qorna. Dumarka kale ee lagu sheegay Qur'aanka waxaa loo nisbeeyaa nimankooda oo kaliya - sida naagtii Cimraan iyo naagtii Fircoon. Maryantii bikradda ahayd waxay u qalantaa baaritaan taxaddar leh oo ku saabsan qaraabadeeda, wiilkeeda iyo hababka nolosheeda.