Previous Chapter -- Next Chapter
2. ‘Ciise mise Ciise?
Qur'aanka dhexdiisa, magaca ina Maryama waa ‘Ciise. Culumada qaarkood waxay sheegaan in qaabkan magaciisa uu dib ugu dhawaaqo dhawaaqii Suuriya ee ereyga Aramayiga ee Ciise. Si kastaba ha ahaatee, injiilka dhexdiisa, malaa'ig Jibriil ayaa ku amray Yuusuf, aabbihiis si korsasho ah, inuu u yeedho ilmaha dhashay "CIISE, waayo, isagu dadkiisa ayuu dembiyadooda ka badbaadin doonaa" (Matayos 1:21). Magacan gaarka ahi waxa uu Axdiga Cusub ka dhex muuqdaa 975 jeer. Ina Maryama, Eebbe wuxuu u diyaariyey daahirin qumman dhammaan dadka dembiyadooda oo dhan iyo ka xoraynta cadhada Eebbe maalinta qiyaame. Isagu wuxuu u dhashay inuu dhinto isagoo beddel u ah dadka oo dhan, si uu kafaaraggudkiisu u caddeeyo kii isaga rumaystaa. Beddelka dembiilayaasha waa qarsoodiga magaca Ciise. Sababtaas awgeed ayuu u dhashay. Ilaah wuxuu quduus ka dhigaa, si xor ah, ku alla kii aqbala madaxfurashada Masiixa, taasoo qof walba loo diyaariyey. Magaca Ciise waxaan ku helaynaa qorshaha weyn ee Ilaah ee xaq ka dhigista iyo cusboonaysiinta aduunka. Magacan gaarka ah waxa kale oo uu ka kooban yahay awoodda lagu fulinayo qorshahan dhammaan faahfaahintiisa.