Previous Chapter -- Next Chapter
a) Ang Bulahan ug Labing Bantugan nga Mananambal
Ang Qur’an nagpamatuod nga si Kristo nag-ayo sa mga tawong buta nga walay pamaagi sa pag-opera o tambal. Siya nag-ayo kanila pinaagi sa paglitok sa makusganong mga pulong. Ang Iyang pulong nagpamatuod nga adunay gahum sa pag-ayo-- unya sama usab karon. Si Kristo nag-ingon sumala sa Qur’an:
“Gipalanginan ako Niya bisan asa ako.” (Sura Maryam 19:31)
وَجَعَلَنِي مُبَارَكا أَيْن مَا كُنْت (سُورَة مَرْيَم ١٩ : ٣١)
Siya mao ang tinuod nga tuburan sa panalangin sa tanang mga tawo sa tanang kapanahonan. (Suras Al Imran 3:49; al-Ma’ida 5:110)
Ang Anak ni Maria wala mahadlok niadtong nagsakit sa sanla, apan gihikap ang ilang masakiton nga panit ug giaayo sila uban ang Iyang nagaputli nga Pulong. Si Kristo ang labing dako nga Mananambal sa tanang kapanahonan. Nahigugma siya sa kabos ug gidawat ang masakiton. Gihatag niya ang paglaom ug pagtuo kanila. Giayo niya ang matag masakiton nga gipresentar Kaniya.