Mobile device - Print - Bottom

Previous Chapter -- Next Chapter

B. Mmụọ Nsọ Chineke Na-enyere Ndị Na-eso Ụzọ Jizọs Na-eje Ozi Ya

---

Gịnị mere mgbe Jizọs hapụchara ụwa a? Mgbe Jizọs gachara n’eluigwe, bụ́ ebe o si bịa, ndịozi ya na ndị na-eso ụzọ ya gara n’ihu n’ozi ya nke ikwusa ozi ọma na izi ihe na Jizọs bụ Mesaya ahụ. Ha mesiri ndị mmadụ obi ike na Jizọs bụ Mezaịa ahụ a tụrụ anya ya kemgbe Chineke kwere nkwa izite. A kọwawo ihe ndị a nile nke ọma, site n’enyemaka nke Mmụọ Nsọ Chineke, n’ihe odide nke abụọ Luk nke a kpọrọ Ọrụ Ndịozi. N’Ọrụ Ndịozi 10, Luk kọrọ otú Pita, bụ́ otu n’ime ndịozi Jizọs, si na-agwa otu ọchịagha ndị Rom (ọ bụghị ọchịagha ahụ anyị gụrụ banyere ya n’Isi nke 6) otú ndị amụma n’etiti ụmụ Izrel si buru amụma na ọbịbịa Mesaya na otú Jizọs si mezuo. Amụma ndị a. N’otu oge, Pita kwuru, sị: “Unu maara ihe mere na Judia dum, malite na Galili mgbe e mesịrị baptizim nke Jọn kwusara - otú Chineke si were Mmụọ Nsọ na ike tee Jizọs onye Nazaret mmanụ, na otú o si jegharịa na-eme ihe ọma na-agwọ ndị niile na-arịa ọrịa. N’okpuru ike ekwensu, n’ihi na Chineke nọnyeere ya.” (Ọrụ 10:37, 38; gụọ nkọwa, Jọn Baptist.)

Ihe Pita kọrọ banyere Jizọs, o ji mmụọ nsọ tee ya mmanụ na ọrụ ya, Pita hụrụ. Ị̀ pụrụ ichetụ n’echiche ihe ndị magburu onwe ha o chetara mgbe ọ na-echeta ozi ọgwụgwọ Jizọs: ọtụtụ ihe mere mgbe ndị ìsì hụrụ, ndị ntị chiri nụrụ ma kwuo okwu, ndị ngwụrọ jere ije, ndị mmụọ ọjọọ ji, a tọhapụrụ ndị ekpenta-na ee, Oge ndị ahụ e mere ka ndị nwụrụ anwụ dị ndụ, ihe a na-apụghị ịgbanwe agbanwe agbanweela! N'ihi ihe a nile, Pita kwukwara, sị, Chineke ejiriwo Mmụọ Ya tee Jizọs mmanụ ka ọ bụrụ Mezaịa ahụ, nke ndị amụma kwere nkwa, onye Chineke n'onwe ya nọnyeere ndị Ya.

Mobile device - Print - Top