Somali, Bible and Qur'an Series, Chapter 040 - The Word of God in the Prophet's Mouth

Home -- Somali -- 18-Bible and Qur'an Series -- 040 (The Word of God in the Prophet's Mouth)

This page in: -- English -- Hausa -- Igbo -- Indonesian -- SOMALI -- Yoruba

18. Taxanaha Quraanka iyo Baybalka

BUUG YAR 5 - Waa MUXAMED SIDAA LOO SHEEGAY Kitaabka Qudduuska Ah?

(Jawaab ku socota buug-yaraha Axmed Deedat: Muxuu Baybalku ka yidhi Muxammad)

B - MUUSE IYO RASUULKA

1. Hadalka Ilaahay oo Nabiga Afkiisa ku sugan

Masiixiyiintu ma rumaysna in Qur'aanku yahay hadalkii Eebbe, laakiin, doodda aawadeed, waxaynu u socon doonnaa sidii isagoo Eebbe runtii eraygiisa Maxammed afkiisa geliyey si uu u ogaado bal inay taasi caddaynayso in Muxammad yahay nebigii loo sheegay ku Sharciga Kunoqoshadiisa 18:18. Aragtidayna hadalka ah "Afkiisa ayaan erayadayda gelin doonaa" waxba kuma caawinayso in la aqoonsado nebiga la tilmaamay. Waa run nebi kasta in Eebbe afkiisa geliyey. Waayo, Ilaah wuxuu Yeremyaah ku yidhi:

Bal eega, waxaan afkaaga geliyey erayadayda. (Yeremyaah 1:9)

Intaa waxaa dheer, waxaan sidoo kale ku akhrineynaa Sharciga Kunoqoshadiisa 18:18 in nebigu si uu Muuse u raaco "waa inuu iyaga kula hadlo wax alla waxaan isaga ku amro". Hadda waxaynu akhrinay in Ciise mar ku yidhi xertiisii:

Waayo, anigu iskama aan hadlin; Aabbihii i soo diray qudhiisu wuxuu i amray waxaan idhaahdo iyo waxaan ku hadloba. Oo waxaan ogahay in amarkiisu yahay nolosha weligeed ah. Sidaa darteed waxaan leeyahay waxaan ku hadlayaa sida Aabbuhu igu amray. (Yooxanaa 12:49-50)

Qoraal la mid ah oo arrintan muujinaya ayaa laga helay ducadii weynaa ee Ciise ku tukaday habeenkii ugu dambeeyay ee uu xertiisa la joogay. Wuxuu yidhi:

Waxaan iyaga siiyey erayadii aad i siisay. (Yooxanaa 17:8)

Sinaba, haddaba, aqoonsiga nebiga ee ku jira qoraalka Sharciga Kunoqoshadiisa 18:18 laguma xaqiijin karo xaqiiqada ah in Ilaah ereyadiisa gelin doono afkiisa. Nebi kasta oo run ah tani waa xaalad iyo nebigii weynaa ee lagu sheegay qoraalka, kaas oo noqon doona si gaar ah Muuse oo kale si aan nebiyada kale midkoodna ahayn, waa in laga soo xigtay ilo kale.

Grace and Truth

1. Hadalka Ilaahay oo Nabiga Afkiisa ku sugan