Hordhac
Mararka qaar waxyaabo ayaa kugu dhaca, kuwaas oo ku yimaada si gebi ahaanba lama filaan ah. Haddii aad la kulanto dhacdo noocan oo kale ah, markaa caqli ayaa kuu ah haddii aadan isla markiiba ku laabanin hawl maalmeedkaaga, laakiin waqti u hayso inaad ka fikirto su'aalaha ay dhacdadani ku kalliftay qalbigaaga iyo maskaxdaada. Haddii aad tahay qof aamin ah oo iimaan leh, sida aniga oo kale, markaa waxaad la tashan doontaa Qorniinka oo aad si taxaddar leh u darsi doontaa si aad u aragto waxa ay ka leeyihiin su'aalaha qalbigaaga ka soo baxay ee la xiriira dhacdadan.
Bogagga soo socda waxaan jeclaan lahaa inaan kula wadaago, maxaa maalin uun igu dhacay iyo sida ay dhacdadani iigu soo dirtay koorso daraasad iyo milicsasho baaxad leh. Waxaan rajeynayaa in natiijooyinkeyga dhamaadka baaritaankeygu iftiimin doono fikirkaaga sidoo kalena kugu hogaamin doono runta ku saabsan ilaahay.