Previous Chapter -- Next Chapter
27. Waa kuma kan ugu weyn?
“1 Xertii ayaa Ciise u timid oo waxay ku tidhi, Haddaba kee baa boqortooyadii jannada ugu weyn? 2 Markaasuu ilmo u yeedhay oo hortooda dhigay, 3 oo wuxuu ku yidhi, Runtii waxaan idinku leeyahay. Haddaydnan soo jeesan oo aydnaan noqon sida carruur oo kale, geli maysaan boqortooyada jannada. 4 Haddaba ku alla kii isu hoosaysiiya sida ilmahan oo kale, kaas ayaa ugu weyn boqortooyadii jannada. 5 Oo ku alla kii magacayga ilmo caynkaas ah mid uun ku aqbala, wuu i aqbalaa.” (Matayos 18:1-5)
“25 Laakiin Ciise ayaa isugu yeedhay oo ku yidhi, Idinku waad garanaysaan in quruumaha madaxdoodu ay u taliyaan iyaga, raggooda waaweynna ay u taliyaan iyaga. 26 Sidaasu dhexdiinna ma aha, laakiin ku alla kii doonaya inuu dhexdiinna u weynaado waa inuu ahaado midiidinkiinna 27 addoonkaaga noqo; 28 Waayo, Wiilka Aadanahu uma iman in loo adeego laakiin inuu adeego oo naftiisa dad badan furashadooda u bixiyo.” (Matayos 20:25-28)
“13 Markaasaa ilmo loo keenay inuu gacmihiisii saaro oo u duceeyo; Markaasaa xertii canaantay. 14 Laakiin Ciise wuxuu yidhi, Ilmaha daaya oo ha ka joojinina inay ii yimaadaan. 15 Waayo, kuwan oo kale ayaa leh boqortooyada jannada. (Matayos 19:13-15)