Previous Chapter -- Next Chapter
2. Ang Pagkatawo ni Muhammad ug ni Kristo
Kini kasagarang nahibal-an nga ang amahan ni Muhammad usa ka tawo nga ginganlag Abdallah; ug ang iyang inahan ginganlag Amina. Si Muhammad usa ka tawo nga natawo sa usa ka inila nga amahan ug usa ka tinahod nga inahan. Ni ang Qur’an o ang mga iskolar nga Muslim nag-angkon nga si Muhammad natawo sa usa ka labaw sa kinaiyanhong paagi. Ang iyang pagkatawo wala gipahibalo sa anghel, ni natawo siya pinaagi sa Pulong sa Dios. Natawo siya sa usa ka natural nga pama-agi sama kanatong tanan, gikan sa usa ka tawhanong amahan ug usa ka tawhanong inahan.
Bahin kang Kristo, ang Qur’an nagsulti sa daghang higayon nga Siya wala matawo sa normal nga paagi, ingon nga kitang tanan. Ang Iyang amahan dili tawo. Gipangamkon siya sa Birhen nga si Maria, nga walay pagpanghilabot sa usa ka tawhanong amahan, tungod kay gihuypan ni Allah sa iyang Espiritu sa sulod niya. Kini naghimo ni Kristo --nga ekslusibo--- ang usa ra sa tibuok kalibutan nga natawo sa pulong sa Dios ug sa Iyang Espiritu.
“Sa tinuod, si Kristo, si Isa, ang Anak ni Maria, usa ka mensahero ni Allah ug ang Iyang Pulong, nga gihatag Niya kang Maria, ug ang Espiritu gikan Kaniya.” (Sura al-Nisa' 4:171)
إِنَّمَا الْمَسِيح عِيسَى ابْن مَرْيَم رَسُول اللَّه وَكَلِمَتُه أَلْقَاهَا إِلَى مَرْيَم وَرُوح مِنْهُ (سُورَة النِّسَاء ٤ : ١٧١)
“Unya Kita naghuyop ngadto kaniya sa Atong Espiritu.” (Sura al- Ambiya’ 21:91)
فَنَفَخْنَا فِيهَا مِن رُوحِنَا (سُورَة الأَنْبِيَاء ٢١ : ٩١)
“Unya Kami miginhawa Kaniya sa Among Espiritu.” (Sura al-Tahrim 66:12)
فَنَفَخْنَا فِيه مِن رُوحِنَا (سُورَة التَّحْرِيم ٦٦ : ١٢)
Si Kristo, dili usa ka naandang tawo, apan ang langitnong Espiritu nagpakatawo sa tawhanong unod. Sa ingon, Siya natawo sa Espiritu sa Dios ug ni Birhen Maria. Sa sukwahi, si Muhammad natawo sa usa ka amahan ug usa ka inahan sama sa tanang mga tawo. Siya wala matawo sa Espiritu sa Dios.