Previous Chapter -- Next Chapter
3. Mga Saad nga Balaan Bahin kang Kristo ug Muhammad
Nag-sag-ulo kita dinhi gikan sa Qur’an ang balaang mga saad ni Maria bahin kang Kristo, nga natawo gikan kaniya:
“O Maria, si Allah naghatag kanimog maayong balita sa usa ka Pulong gikan Kaniya, kansang ngalan mao si Kristo, si Isa, ang Anak ni Maria, gipasidunggan pag-ayo niining kalibutan ug sa Umaabot; ug siya usa niadtong gidala paduol kang Allah.” (Sura Al ‘Imran 3:45)
يَا مَرْيَم إِن اللَّه يُبَشِّرُك بِكَلِمَة مِنْه اسْمُه الْمَسِيح عِيسَى ابْن مَرْيَم وَجِيها فِي الدُّنْيَا وَالآخِرَة وَمِن الْمُقَرَّبِين (سُورَة آل عِمْرَان ٣ : ٤٥)
Ang Labing Halangdon sa Iyang Kaugalingon nagsangyaw kang Maria ug gipahibalo siya sa personal bahin sa pagkatawo ni Kristo, gitawag Siya “Usa ka Pulong gikan Kaniya.” Ang tanang mga propeta gidawat ang Pulong sa Dios ug gisulat kini sa tinuod. Mahitungod kang Kristo, wala ra Niya madungog ang dinasig nga Pulong. Siya mismo ang nagpakatawo nga balaang Pulong. Diha Kaniya nagpuyo ang tibuok awtoridad sa Pulong sa Dios, uban sa tanan nga mamugnaon, makaayo, mapasayloan, makahupay ug makabag-o nga gahum. Bahin sa talagsaon nga kamatuoran, gitagna ni Allah ang pagkatawo ni Kristo kang Maria nga personal, nga nagpanghimatuod kaniya sa katinuod sa maong dakong milagro.
Dili nato mabasa sa Qur’an nga si Muhammad mao ang nagpa- katawo nga Pulong sa Dios. Iya lamang nadawat ang Pulong sa Dios gikan sa usa ka anghel ug iyang gilitok kini sa iyang mga tigpaminaw. Wala gipahibalo sa Dios ang pagkatawo ni Muhammad kang Amina, ang iyang inahan, ni ang Espiritu sa Dios giginhawa ngadto kaniya. Sa laing bahin, Si Maria miatubang nga personal kang Gabriel ang Anghel, nga gipadala sa Dios aron ipatin-aw sa maayo Kaniya ang buhat sa Balaang Espiritu kaniya. Siya lamang ang usa nga gipili taliwala sa tanang mga babaye, ingon sa giingon sa Qur’an:
“O Maria, Si Allah nagpili kanimo ug nagputli kanimo. Siya nagpili kanimo labaw sa tanang kababayen-an.” (Sura Al Imran 3:42)
يَا مَرْيَم إِن اللَّه اصْطَفَاك وَطَهَّرَك وَاصْطَفَاك عَلَى نِسَاء الْعَالَمِين (سُورَة آل عِمْرَان ٣ : ٤٢)
Ang ngalan ni Maria gisubli sa 34 ka beses sa Qur’an. Sa sukwahi, ang ngalan sa inahan ni Muhammad, si Amina, wala gayud hisgoti sa Qur’an—wala bisan kausa. Sa dihang si Muhammad naghangyog pasaylo human siya namatay, gipugngan siya ni Allah; nakahimo kini kaniya sa mapait nga paghilak.