Previous Chapter -- Next Chapter
2. Dhalashadii Muxammad iyo Masiixa
Waxaa la wada ogyahay in aabihii Muxammad ahaa nin nin lagu magacaabi jiray Cabdallah; iyo hooyadiis haweeney la yiraahdo Aamina. Muxammad wuxuu ahaa nin ka dhashay aabe la aqoonsan yahay iyo hooyo ixtiraam leh. Quraanka iyo aqoonyahannada muslimiinta midkoodna ma sheeganayo in Muxammad ku dhashay qaab ka sarraysa. Dhalashiisa ma shaacinin malaa'ig, kumana dhalan ereyga ilaahay. Wuxuu ku dhashay si dabiici ah sida aan dhamaanteen u nahay, wuxuu ka dhashay aabe bini aadam iyo hooyo dad ah.
Masiix ahaan, Quraanku wuxuu dhowr jeer sheegay inuusan ku dhalanin habka caadiga ah, sida aan wada nahay. Aabihiis ma ahayn nin-nin. Waxaa lagu uuraystay Maryantii bikradda ahayd iyada oo aanu faragalin aabbe aadane, waayo Eebbe ayaa Ruuxiisa ku dhex afuufay iyada. Tani waxay Masiixa ka dhigeysaa - mid gaar ah - kan keliya ee adduunka oo dhan ka dhashay Erayga Ilaah iyo Ruuxiisa.
"Runtii, Masiixa, Ciise, wiilkii Maryama, waa rasuul Eebbe iyo eraygiisa uu siiyay Maryan iyo Ruux xaggiisa ka yimid." (Suuradda al-Nisaa' 4: 171)
إِنَّمَا الْمَسِيح عِيسَى ابْن مَرْيَم رَسُول اللَّه وَكَلِمَتُه أَلْقَاهَا إِلَى مَرْيَم وَرُوح مِنْهُ (سُورَة النِّسَاء ٤ : ١٧١)
"Kadibna waxaan ku afuufnay iyada Ruuxeena." (Suuradda al-Anbiya' 21:91)
فَنَفَخْنَا فِيهَا مِن رُوحِنَا (سُورَة الأَنْبِيَاء ٢١ : ٩١)
"Ka dib isaga ayaan ku afuufnay Ruuxeena." (Suuradda al-Tahriim 66:12)
فَنَفَخْنَا فِيه مِن رُوحِنَا (سُورَة التَّحْرِيم ٦٦ : ١٢)
Masiixu maahan nin caadi ah, laakiin Ruuxda rabbaaniga ah ee kujirta jidhka bini'aadamka. Sidaas darteed, wuxuu ka dhashay Ruuxa Ilaah iyo Maryantii bikradda ahayd. Taa bedelkeeda, Muxammad wuxuu ka dhashay aabe iyo hooyo, sida aadanaha oo dhan. Isagu kuma uu dhalan Ruuxa Ilaah.