Previous Chapter -- Next Chapter
e) Mai Bayyanan Sirri
A cikin Kur'ani, Muhammadu ya bayyana cewa:
“Ba zan ce muku na mallaki taskokin Allah ba. Kuma ban san gaibi ba. ” (Sura al-An'am 6:50)”
لا أَقُول لَكُم عِنْدِي خَزَائِن اللَّه وَلا أَعْلَم الْغَيْب (سُورَة الأَنْعَام ٦ : ٥٠)
Amma tare da Kristi, batun ya bambanta. Muhammadu ya nuna Yesu Kiristi ya ce Shi ne wanda ya san asirin mutane kuma yana ganin gaibu; wadannan iyawa an kebe su ne ga Allah shi kadai. Muhammadu ya fadi maganar Kristi a cikin Kur'ani:
"Kuma zan ba ku labari game da abin da kuke ci, da abin da kuke ajiyewa a cikin gidajenku. Lallai a cikin wannan akwai aya a gare ku, idan kun kasance masu imani. " (Suratu Al Imrana 3:49)
وَأُنَبِّئُكُم بِمَا تَأْكُلُون وَمَا تَدَّخِرُون فِي بُيُوتِكُم إِن فِي ذَلِك لآيَة لَكُم إِن كُنْتُم مُؤْمِنِين (سُورَة آل عِمْرَان ٣ : ٤٩)
Muhammadu ya bayyana ikon Kristi a matsayin wanda ya san komai, domin ya zagi kuma ya gargadi wasu mabiyansa masu girman kai. Ya ji ƙyamar wasu daga cikin mabiyansa Musulmi daga Madina, saboda suna da ɓoyayyun abinci da dukiyoyi a cikin gidajensu, suna ƙin raba duk dukiyoyinsu da baƙin da suka zo daga Makka. Don haka, ya gargaɗe su cewa Kristi zai dawo ba da daɗewa ba a matsayin Alƙali, don yin sarauta a ranar sakamako. Muhammadu ya furta cewa Kristi zai san duk abin da suka aikata a ɓoye cikin gidajensu. Zai san ba abin da kawai suka ci ba, har ma da abin da suka ɓoye. Babu wata hanyar tsira daga idanunsa a ranar shari'a. Babu wata babbar hujja ko yarda mafi kyau daga bangaren Muhammadu game da allahntakar Kristi fiye da wannan. Ya faɗi cewa Kristi ya san ɓoyayyen gaskiya kuma yana iya karanta asirin da ke cikin zukatan mutane. Ya san duk sirrinku daki-daki. Zai bayyanar da ayyukanka kodai mai kyau ne ko akasin haka, saboda Shi Masani ne. Babu wanda zai iya ɓoye masa komai.