Previous Chapter -- Next Chapter
e) Ang Nagpadayag sa mga Sekreto
Sa Qur’an, si Muhammad nagpahayag:
“Wala ko isulti kanimo nga akong gipanag-iya ang mga panudlanan ni Allah. Ug wala ako mahibalo sa dili makita.” (Sura al-An’am 6:50)
لا أَقُول لَكُم عِنْدِي خَزَائِن اللَّه وَلا أَعْلَم الْغَيْب (سُورَة الأَنْعَام ٦ : ٥٠)
Apan kay Kristo, lahi ang kaso. Si Muhammad nagpunting kang Jesu-Kristo ug miingon nga Siya ang usa nga nasayod sa mga sekreto sa mga tawo ug makita ang dili makita; kining mga katakus gitagana alang sa Dios lamang. Gikutlo ni Muhammad si Kristo sa Qur’an:
“Ug ipahibalo ko kanimo ang bahin sa imong gikaon, ug unsa ang imong gitipigan sa inyong mga balay. Sa pagkati- nuod kana adunay usa ka timaan alang kanimo, kung ikaw usa sa mga magtutuo.” (Sura Al Imran 3:49)
وَأُنَبِّئُكُم بِمَا تَأْكُلُون وَمَا تَدَّخِرُون فِي بُيُوتِكُم إِن فِي ذَلِك لآيَة لَكُم إِن كُنْتُم مُؤْمِنِين (سُورَة آل عِمْرَان ٣ : ٤٩)
Gisaysay ni Muhammad ang katakus ni Kristo ingon nga nahibalo sa tanan, aron pakaulawan ug aron pasidan-an ang pipila sa iyang mga ma-ako-akohong mga sumusunod. Nasuko siya sa pipila sa iyang mga sumusunod nga Muslim gikan sa Medina, tungod kay sila adunay mga tinago nga mga pagkaon ug mga bahandi sa ilang mga balay, nagdumili nga ipaambit ang tanan nga ilang bahandi sa mga milalin gikan sa Mecca. Busa gipasidan-an niya sila nga si Kristo moanhi sa dili madugay usa ka Maghuhukom, aron maghari sa Adlaw sa Paghukom. Adunay halos dili labi ka daghang pamatuod o labi ka maayong pag-angkon sa bahin ni Muhammad alang sa pagka-Dios ni Kristo kay sa niining usa. Gisugid niya nga nahibal-an ni Kristo ang ti-nagong kamatuoran ug mabasa ang tinago sa mga kasingkasing sa mga tawo. Nahibal-an niya ang tinago sa detalye. Igapahayag niya ang imong mga nabuhat maayo man ug dautan. Kay Siya ang Usa nga Nasayod sa Tanan. Walay bisan kinsa nga makatago bisan unsang butang gikan Kaniya.