Previous Chapter -- Next Chapter
d) Ang Buotan nga Tagahatag
Ang kadaghanan sa Palestine nakamatikod sa walay kinutuban nga katakus sa Anak ni Maria ug misunud Kaniya, bisan sa disyerto, wala’y pagpakabana sa oras ug wala manumbaling sa mga lisud nga kahimtang. Naminaw sila Kaniya hangtod sa kangitngit. Ang Quran nagpanghimatuud nga si Kristo nag-andam usa ka lamesa nga pagkaon, nga Iyang gidala gikan sa langit aron matagbaw ang panon sa mga tawo sa disyerto:
Sa dihang ang mga tinun-an miingon: O Isa Anak ni Maria, ang imo bang Ginoo makahimo nga ipadala kanamo ingon nga usa ka Kan-anan- nga lamesa gikan sa langit?’ Siya miingon, Kahadloki si Allah, kung kamo mga magtutuo.’ Sila miingon: Kami gusto nga mokaon niini aron ang among mga kasingkasing makapahulay; ug aron kami masayod nga ikaw matinuoron kanamo aron kami mahimong kauban sa mga saksi.’ Nag-ingon si Isa ang Anak ni Maria: ‘O Dios, among Ginoo, ipadala nganhi ang usa ka Lamesa gikan sa langit nga mahimo alang kanamo ingon nga usa ka fiesta sa nahauna ug katapusan kanamo ug usa ka ilhanan gikan ka-nimo. Ug naghatag alang kanamo, Ikaw ang labing maayo nga mga tagahatag.’ Si Allah nag-ingon: ‘Sa tinuod ipadala ko kini kanimo. Bisan kinsa kaninyo sa ulahi ang dili motuo pagapaantuson ko siya sa usa ka pag-antos, nga wala pa nako gipaantus sa ubang pa.’” (Sura al Mai’da 5:112-115)
إِذ قَال الْحَوَارِيُّون يَا عِيسَى ابْن مَرْيَم هَل يَسْتَطِيع رَبُّك أَن يُنَزِّل عَلَيْنَا مَائِدَة مِن السَّمَاء قَال اتَّقُوا اللَّه إِن كُنْتُم مُؤْمِنِين قَالُوا نُرِيد أَن نَأْكُل مِنْهَا وَتَطْمَئِن قُلُوبُنَا وَنَعْلَم أَن قَد صَدَقْتَنَا وَنَكُون عَلَيْهَا مِن الشَّاهِدِين قَال عِيسَى ابْن مَرْيَم اللَّهُم رَبَّنَا أَنْزِل عَلَيْنَا مَاِئدَة مِن السَّمَاء تَكُون لَنَا عِيدا لأَوَّلِنَا وَآخِرِنَا وَآيَة مِنْك وَارْزُقْنَا وَأَنْت خَيْر الرَّازِقِين قَال اللَّه إِنِّي مُنَزِّلُهَا عَلَيْكُم فَمَن يَكْفُر بَعْد مِنْكُم فَإِنِّي أُعَذِّبُه عَذَابا لا أُعَذِّبُه أَحَدا مِن الْعَالَمِين (سُورَة الْمَائِدَة ٥ : ١١٢ - ١١٥)
Gihisgutan sa mga skolar nga Muslim gikan sa tanang mga anggulo ang kadaghanan ug kalidad sa pagkaon nga gihatag niana nga lamesa sa disyerto, kay sa susihon ang Tawo kinsa naghatag niini. Sumala sa Maayong Balita, Si Kristo migamit sa lima ka tinapay ug duha ka isda og nagpasalamat, ug uban niining mga butang gipakaon ang lima ka libo nga mga tawo gawas sa mga babaye ug mga bata. Niini Iyang gipakita ang Iyang walay kinutuban ng awtoridad ingon nga Magbubuhat sa usa ka praktikal nga paagi. Si Kristo wala gayod molitok sa mga pulong nga kawang; Gibuhat Niya ang Iyang gitudlo ug gipakita ang Iyang kabubut-on ug gugma pinaagi sa dagko ug gamhanang mga milagro.