Previous Chapter -- Next Chapter
c) Ang Batan-ong Magbubuhat
Atong mabasa sa Qur’an- dili sa Ebanghelyo- nga si Jesus, ingon nga usa ka batang lalaki, giporma gikan sa lapok ang dagway sa usa ka langgam, ug giginhawaan kini, unya kini nahimong usa ka buhi nga langgam, nga nagalupad sa langit:
“Sa pagkatinuod, mianhi Ako kanimo nga adunay timaan gikan sa Ginoo, nga tungod niana buhaton ko alang kanimo gikan sa yutang kolonon ug usa nga sama sa usa ka langgam; unya ako moginhawa niini ug kini mahimo nga usa ka langgam nga adunay pagtugot ni Allah. Ayohon ko usab ang buta ug ang sanlahon, ug banhawon ko ang minatay nga dunay pagtugot gikan kang Allah.” (Sura Al Imran 3:49)
أَنِّي قَد جِئْتُكُم بِآيَة مِن رَبِّكُم أَنِّي أَخْلُق لَكُم مِن الطِّين كَهَيْئَة الطَّيْر فَأَنْفُخ فِيه فَيَكُون طَيْرا بِإِذْن اللَّه وَأُبْرِئ الأَكْمَه وَالأَبْرَص وَأُحْيِي الْمَوْتَى بِإِذْن اللَّه (سُورَة آل عِمْرَان ٣ : ٤٩)
Niining bersikulo, nakit-an nato ang talagsaong hugpong sa mga pulong, “Maghimo ako alang kanimo” nga nagpasabut nga si Kristo mao ang naay gahum nga Magbubuhat. Ang tawo dili makahimo paglalang sa usa ka butang gikan sa wala, ni pagginhawa sa kinabuhi sa usa ka butang nga walay kinabuhi.
Ang Qur’an nagpamatuod sa katakos ni Kristo nga naghatag kinabuhi pinaagi sa Iyang buhing pagginhawa. Siya miginhawa sa usa ka kolonong langgam ug kini nahimong usa ka buhi nga langgam, sama sa pagginhawa sa Dios kang Adam kaniadto. Kini nagpasabot nga si Kristo adunay usa ka kinabuhi- nga naghatag og Espiritu sa Iyang Kaugalingon; Siya makahimo sa pagginhawa sa kinabuhi ngadto sa walay kinabuhi nga yutang kolonon.