Previous Chapter -- Next Chapter
15.9. ക്രിസ്ത്യൻ ഭാഷ ഒഴിവാക്കുക
ക്രൈസ്തവര്‍ ഉപയോഗിക്കുന്ന ഭാഷ അല്ലെങ്കില്‍ പദ പ്രയോഗം പലപ്പോഴും മുസ്ലിംകളെ സംബന്ധിച്ചിടത്തോളം അര്‍ഥശൂന്യമാണ്‌. അല്ലെങ്കില്‍ ചില കേസുകളില്‍ രസക്കേടുണ്ടാ ക്കുന്നതുമാണ്‌. ഞാന്‍ ഒരു പുതുവിശ്വാസിയായിരുന്ന കാലം ഞാന്‍ ഓര്‍ക്കുന്നു. കുഞ്ഞാടിന്റെ രക്തത്തില്‍ കഴുകപ്പെട്ടിട്ടുണ്ടോ എന്ന്‌ സഭയിലെ ഒരാള്‍ എന്നോട്‌ ചോദിച്ചു. അയാള്‍ എന്തിനെക്കുറിച്ചാണ്‌ സംസാരിക്കുന്നത്‌ എന്നതിനെ സംബന്ധിച്ച്‌ എനിക്കു യാതൊരു ധാരണയും ഉണ്ടായിരുന്നില്ല! യഥാര്‍ഥത്തില്‍ കുഞ്ഞാടിന്റെ രക്തത്തില്‍ കുളിക്കുക എന്നത്‌ ഒരു ക്രൈസ്തവാചാരമായിരി ക്കുമെന്ന്‌ ഞാന്‍ ചിന്തിച്ചുപോയി. എനിക്ക്‌ ഇത്‌ തീര്‍ത്തും അസ്വസ്ഥതയുളവാക്കി. ഈ പുതിയ അറിവെല്ലാം ഒരു സ്പോഞ്ചു പോലെ ആഗിരണം ചെയ്യുകയാണ്‌ ഒരു പുതുവിശ്വാസി. അവര്‍ക്ക്‌ എല്ലാം പുതുമയുള്ളതാണ്‌. ചില കാര്യങ്ങള്‍ എളുപ്പത്തില്‍ തെറ്റിദ്ധരിക്കപ്പെടാനുമിടയുണ്ട്‌. അതിനാല്‍ അനാവശ്യമായ സാങ്കേതിക പ്രയോഗങ്ങള്‍ ഒഴിവാക്കുക. അല്ലെങ്കില്‍ അപരിചിത മായ അഥവാ സഭയില്‍ വളര്‍ന്നിട്ടില്ലാത്ത ഒരാള്‍ക്ക്‌ സത്വരം അര്‍ഥം വ്യക്തമാകാത്ത അത്തരം പുതിയ പദങ്ങള്‍ വിശദീകരി ക്കുന്നതിന്‌ സമയം വിനിയോഗിക്കുക.