Previous Chapter -- Next Chapter

4.6. தூண் 6: ஜிகாத் (புனிதப் போராட்டம்)

இஸ்லாத்தின் ஐந்து தூண்களில் ஜிஹாத் என்பது சர்ச்சைக்குரியதாகக் கருதப்படுகிறது. சில அறிஞர்கள் இதனை ஐந்தாவது தூணாக ஹஜ்ஜுக்கு பதிலாகக் கருதுகின்றனர். பெரும்பாலானோர் இது ஒரு கூடுதலான ஆறாவது தூணாகக் கருதுகின்றனர். தற்காலத்தில், போராடும் இஸ்லாத்தின் தாக்கத்தால், இஸ்லாமிய அல்லாதோர் மத்தியில் ஜிஹாத் குறித்த ஆர்வம் அதிகரித்துள்ளது. முஸ்லீம் அறிஞர்களால் அதிகம் விவாதிக்கப்படும் தலைப்புகளில் ஜிஹாதும் ஒன்று. இது என்ன, இது எது அல்ல என்பது குறித்து முஸ்லீம்களிடையே மிகக் குறைவான உடன்பாடு காணப்படுகிறது. இஸ்லாமிய மிதவாதிகள் பொதுவாக 'ஜிஹாத்' என்ற வார்த்தைக்கு 'புனிதப் போர்' என்று பொருள் இல்லை, 'போராட்டம்' என்றுதான் பொருள் என்று விளக்க முயற்சிக்கின்றனர். மேலும், இந்த போராட்டம் கட்டாயமாக பலத்தை பயன்படுத்துவதன் மூலமாக இருக்க வேண்டியதில்லை என்றும் விளக்குகின்றனர். உண்மையில், இது தொழில்நுட்ப ரீதியாக (technically) சரி; ஜிஹாத் என்பது உள் போராட்டம் என்பதைக் குறிக்கலாம். என்றாலும், இஸ்லாமிய ஆதாரங்களிலிருந்து பார்க்கும்போது, பெரும்பாலும் இது ஆயுதமேந்திய போராட்டத்தைக் குறிப்பிடுவதாகவே இருக்கிறது. இஸ்லாத்தை அரசின் மதமாகவும், இஸ்லாமிய சட்டங்களை நாட்டின் சட்டங்களாகவும் நிலைநிறுத்துவதை நோக்கமாகக் கொண்ட ஆயுத போராட்டத்தைக் குறிப்பிடுவதாகவே இருக்கிறது.

இஸ்லாத்தில் ஜிஹாதின் முக்கியத்துவத்தைப் புரிந்துகொள்ள, நாம் ஹதீஸ்களையும் குர்ஆனையும் ஆதாரமாகக் கொள்ள வேண்டும். முகமது நபி ஜிஹாதின் முக்கியத்துவத்தை விளக்குவதற்காக இவ்வாறு கூறினார்:

ஹதீஸ்களில் வேறு சில பகுதிகளில், முகமது நபி ஜிஹாதிற்காகவே தான் அனுப்பப்பட்டதாகக் கூறியுள்ளார்:

எனவே, மக்களை அல்லாவை வணங்கச் செய்வதையும், முகமது நபியைப் பின்பற்றச்செய்வதுமே ஜிஹாதின் முக்கிய குறிக்கோளாக இஸ்லாமிய அறிஞர்கள் கருதுகின்றனர். இதே குறிக்கோளையே குர்ஆனும் குறிப்பிடுகிறது:

வேறு சில இடங்களில், முகமது நபி வன்முறையைக் குறிக்கும் வகையில் ஜிஹாதைப் பற்றி பேசியதாகக் கூறப்படுகிறது:

மேலும்

முகமது நபி ஜிஹாதை நிலையான இலக்காகக் கொண்டு வந்தார். மேலும், ‘ஜிஹாதை விட்டுவிடாதீர்கள்’ என்று முஸ்லீம்களை எச்சரித்தார்:

இனா என்பது வட்டி வியாபாரத்தைக் குறிக்கும். முகமது நபி சொல்ல விரும்பியது என்னவென்றால், வாழ்வாதாரம் பாரம்பரிய வர்த்தக அல்லது வேளாண்மை தொழில்களிலிருந்து வருவதில்லை, மாறாக அது ஜிஹாத்திலிருந்தே வருகிறது. அந்த ஜிஹாத் முழு உலகமும் இஸ்லாத்திற்கு கீழ்ப்படியும் வரை ஓயாது என்றார்.

எனவே, ஹதீஸ்களில் குறிப்பிடப்பட்டுள்ளபடி, ஜிஹாத் பற்றி முகமது நபி கூறியதைக் காண்கிறோம். ஜிஹாத் பற்றி குர்ஆன் என்ன சொல்கிறது? குர்ஆனில், போர் படிப்படியாக வந்தது என்று கருத்து இருக்கிறது: முதலில் தற்காப்பு, பின்னர் தாக்குதல். பின்வரும் வசனங்களில் காலப்போக்கில் ஜிஹாத் என்ற கருத்தின் வளர்ச்சியைக் காண்கிறோம்:

அவ்வாறே, குர்ஆனும் ஹதீஸ்களும் முஸ்லீம்களை அல்லாவின் ஆட்சியை பூமியில் (மொத்த பூமியிலும்) எந்த வழியிலாகிலும் நிலைநாட்டுவதற்காக போராட கட்டளையிடுவதை இதன் மூலம் காணலாம். முஸ்லீம்கள் இதை ஒரு வெற்றி விளையாட்டாகக் கருதுகின்றனர், இதில் அவர்கள் வெற்றி பெற வேண்டும், அனைத்து முஸ்லீம் அல்லாதவர்களும் தோற்க வேண்டும். சில சுன்னி அறிஞர்கள், இஸ்லாம் உலகின் அனைத்து நாடுகளிலும் சட்டமாக ஏற்றுக் கொள்ளப்படும் வரை, ஜிஹாத் என்பது முஸ்லீம்களுக்கு கடமை என்று கூறுகின்றனர். சில சுன்னி அறிஞர்களின் கருத்துப்படி, ஒவ்வொரு நாடும் இஸ்லாமிய சட்டத்தின் ஆட்சிக்கு உட்பட வேண்டும், ஆனால் அனைவரும் முஸ்லீமாக மாற வேண்டியதில்லை. மேற்கண்ட வசனங்களின்படி, முஸ்லீம் அல்லாதவர்களின் நிலை விளக்கப்படுகிறது: கிறிஸ்தவர்கள் மற்றும் யூதர்கள், மேற்கண்ட வசனங்களின்படி, வயது வந்த, சுதந்திரமான, மனநிலை சரியான ஆண் முஸ்லீம் அல்லாதவர்களிடம் விதிக்கப்படும் ஆண்டுதோறும் வரி (ஜிசியா) செலுத்தும் வரை தங்கள் நம்பிக்கைகளைத் தக்கவைத்துக்கொள்ள அனுமதிக்கப்படுவார்கள். ஜிசியாவுக்கு எந்த ஒரு நிர்ணயிக்கப்பட்ட விகிதமும் இல்லை, இஸ்லாமிய ஆட்சியின் கீழ் இருந்த நாடுகளில் வரலாற்று ரீதியாக ஆட்சியாளரின் தேவை அல்லது விருப்பத்தைப் பொறுத்து அதிகரிக்கப்படவோ அல்லது குறைக்கப்படவோ செய்தது. கிறிஸ்தவம் மற்றும் யூத மதத்தைத் தவிர வேறு எந்த மதத்தையும் சேர்ந்தவர்களுக்கும் இஸ்லாத்தை ஏற்றுக்கொள்வது அல்லது இறப்பது ஆகிய இரண்டு வாய்ப்புகள் மட்டுமே உள்ளன என்ற கருத்து இருக்கிறது. சில அறிஞர்கள், முஸ்லீம்கள் பலவீனமாக இருக்கும்போதும், தங்கள் எதிரிகளை தோற்கடிக்க முடியாத நிலையிலும் மட்டுமே முஸ்லீம் அல்லாதவர்களுடன் சமாதான ஒப்பந்தங்களை செய்து கொள்ள முடியும் என்று கூறுகின்றனர். இத்தகைய சூழ்நிலையில், அவர்கள் வலிமை பெறும் வரை அமைதியாக காத்திருக்க அனுமதிக்கப்படுகிறார்கள், பின்னர் அந்த ஒப்பந்தத்தை மீறி ஜிஹாதில் ஈடுபட வேண்டும் என்றும் கூறுகின்றனர்.