Previous Series -- Next Series
02. Imizi ya Shari’a muri Korowani
Umwanditsi: Abd al-Masih
Ibikoresho vyo gukurikirana abigishwa ba Yesu bahoze ari aba Islamu. Bihishura imirongo ya Korowani bisunze mugutegura amategeko ‘y’aba Islamu bita sharia.
Iki cigwa kirmwo udutabu 7 dukurikira:
Incamake y’uko Sharia yabonetse ivuye muri Korowani, uko yahindagurika bivuye kunyifato Ya Muhamedi (Sunna) n’itangugwa ry’imigwi y’ivyiyumviro: Imigwi ine muba Suni uwundi muba Shi’a.
Kuva ubwambere Muhamedi agitangura iki gikorwa c’ubuvugishwa. Amasengesho yagize akamaro kadasanzwe mu buzima bwiwe. Amategeko muri Korowani yerekeye ivyo kuninahaza Allah yatumye aba Islamu batangura uko bakora imigirwa yo gusenga uyu musi? Ryari, gute ni nomuburyo ubuhe amasengesho y’aba Islamu ategerezwa gukorwa? Mbega amasengesho y’aba Islamu ataniye kuki n’amasengesho y’abakristo?
Twihweje imirongo itari mike yo muri Korowani isaba gutanga igice c’amafaranga yabo kuri Muhamedi no Kuri Islamu. Ni angahe aba Islamu bategerezwa gutanga mbega ayatanzwe yoyo akoreshwa gute ? Uwu ni umugambi unyegeje wo gutanga uburyo Islamu yagiye ikoresha mukwinagura kuva 1973.
Korowani irimwo imirongo irenga ijjana itegeka aba Islamu kurwanira Allah (Jihad) kandi kurwana no kwica kubwa Allah (Qital). Aha turaza, kubona incamake y’iyo mirongo. Imwe muriyo ivuga ngo: "Bice, aho ubasanga hose!" Mbega ibi bitandukanye gute n’ubutumwa bwa Yesu Kristo?
Mbega Korowani ivuga iki ku kibanza c’umukenyezi muri Islamu ? Mbega Imirongo ya Korowani ivuga iki ku mategeko yo kwabirana no kwahukana muri Islamu ? Imvugo y’abanyamategeko yo muri Korowani kuri iki cigwa yatumye abakenyezi b’aba Islamu bahumuka muri iki gihe. Mbega urukundo rwa Kristo wihweje mubutumwa bwiza ku migenderanire hagati y’umugabo n’umugore binyuranye n’ivyo Shari’a y’aba Islamu bisigura ?
Igice kinini ca Korowani gifise imirongo myinshi igize amategeko umu Islamu agenderako mu rudandaza. Ni gute aba Islamu babona itandukaniro ry’ayo masezerano hagati yabo n’abandi bantu atari aba Islamu? Kuki izo ndahiro ari ngirakamaro mu gukora urudandaza kandi kubwa Korowani bigenda gute iyo habayeho kurenga izo ndahiro? Mbega aba Islamu boba barekuriwe kwaka inyungu y’amahera baguranye abandi bantu? Kubwa Kristo, ni gute ikoreshwa ry’amahera ritandukanye n’uko biri muri Korowani? Uraronka inyishu mu gusoma kano gatabu.
Nta tegeko na rimwe rishobora gukora ritari kumwe n’ibihano ruhasha. Mbega kubwa Shari’a, n’ubuhe bugizi bwa nabi buhanwa ? Ni iyihe mirongo ya Korowani ari iy’urufatiro kubw’ibihano vyateguriwe ubwo bugizi bwa nabi ? Ni gute ivyo vyateguwe bikoreshwa n’incabwenge z’abanyamategeko b’aba Islamu ba none ? Mbega ivyo vyose bitandukanye gute n’inyigisho za Kristo ? Ronka inyishu mu gusoma ak’agatabu.